backup og meta

ယောဂကျင့်စဉ်အတွက်အစားအစာ

ယောဂဟူသောစကားလုံးကိုဟိုနားဒီနားမှသင်မကြာခဏကြားဖူးလိမ့်မည်။ လူအများစု၏စိတ်တွင်ယောဂကို လေ့ကျင့်ခန်းတစ်မျိုးဟုထင်တတ်ကြသည်။ သို့သော်ကျွန်ုပ်တို့အံ့အားသင့်စေမည့်အချက်မှာလေ့ကျင့်ခန်းအပြင် ယောဂကျင့်စဉ်၌ သူမတူသော ကိုယ်ပိုင်အစားအစာပုံစံလည်းပါရှိခြင်းဖြစ်သည်။ ထိုအရာကို ယောဂအစားအစာ ဟုခေါ်ပါသည်။

ယောဂကျင့်စဉ်အတွက်အစားအစာဆိုသည်မှာအဘယ်နည်း

ယောဂကျင့်သူများကအစာအာဟာရသည်အသက်ရှင်မှုအတွက်မောင်းနှင်အားကိုဖန်ဆင်းသူဟုသတ်မှတ်ပြီး “ပရာနာ” (Prana) ဟုခေါ်ကြသည်။ သူတို့ကအစာအာဟာရသည် ကျန်းမာခြင်းနှင့်အသက်ရှင်ရပ်တည်မှုကိုပေးစွမ်းသည်ဟု

ယုံကြည်ကြသည်။ ထို့ပြင်အစာအာဟာရသည် လူသားနှင့်နေထိုင်ရာကမ္ဘာမြေကြီး၏ ဦးဆုံးသော ပေါင်းကူးဆက်ဆံမှုလည်းဖြစ်သည်။ ထို့ကြောင့်ယောဂကျင့်သူသည် အစာအာဟာရကိုချစ်ခြင်းမေတ္တာ ၊ငြိမ်းချမ်းခြင်းနှင့် သဘာဝတရားတို့ကို ပေါင်းစပ်အာရုံဝင်စား၍ စားသုံးရမည်ဟုဆိုပါသည်။

-ယောဂကျင့်သူများသည် ဟင်းသီးဟင်းရွက်ကိုသာစားသုံးရသောမူကိုကျင့်သုံးရာ သတ္တဝါတစ်ကောင်တလေကိုမှ ညှင်းပန်းခြင်း ၊ သတ်ဖြတ်ခြင်းမပါဝင်ရပါ။ ယောဂအစားအစာသည် အစာအာဟာရတို့ကို သဘာဝနှင့်လိုက်ဖက်ညီစွာဖွံ့ဖြိုးအောင်အားပေးပြီး လုံးဝရင့်မှည့်မှသာစားသုံးရသည်။ ထို့ပြင်အစားအသောက်ပြင်ဆင်ချက်ပြုတ်ရာ၌ ဂရုစိုက်ခြင်း ၊ မေတ္တာတရား ၊ ကိုယ်ချင်းစာတရားနှင့် အကောင်းမြင်စိတ်တို့ကိုလက်ကိုင်ထားရသည်။

ယောဂအစားအစာ၏ကောင်းကျိုးများ

ယောဂအစားအစာများသည် ခန္ဓါကိုယ်ကိုအာဟာရဖြစ်စေသည့်အပြင် စိတ်၏ငြိမ်းချမ်းရေးကိုပါ ယူဆောင်ပေးသည်။ အသန့်ရှင်းဆုံးအစားအစာများအဖြစ် သတ်မှတ်ခံရသောကြောင့် ယောဂကျင့်သူများနှင့် လိုက်ဖက်ညီပေသည်။ သို့သော်လည်းယောဂအစားအစာတွင် သတ္ထုဓါတ် ၊ အမျှင်ဓါတ် ၊ အသားဓါတ် ၊ ဗီတာမင် နှင့် အခြားအာဟာရဓါတ်များပါဝင်သဖြင့် မည်သူအတွက်မဆိုကောင်းမွန်သောအစားအစာများဖြစ်သည်။ ထို့ပြင်အသားစားသုံးခြင်းကိုလျှော့ချပေးပြီး ကျန်းမာရေးအတွက် အန္တရာယ်ရှိသောဆေးလိပ်နှင့် အရက်တို့မှရှောင်ရှားပြီးသားလည်းဖြစ်သည်။ ထို့ကြောင့် ယောဂအစားအစာများသည် လူသားတို့၏ကျန်းမာရေးအတွက် များစွာအကျိုးပြုသည်။

  • ကင်ဆာရောဂါ ၊ လေဖြတ်ခြင်း ၊ နှလုံးရောဂါ နှင့် ကျောက်ကပ်ရောဂါဖြစ်ပွားမှုကိုလျှော့ချပေးသည်။
  • ကိုယ်အလေးချိန်ကျအောင်ကူညီပေးသည်။
  • အဝလွန်ခြင်းမှကင်းဝေးစေသည်။

ယောဂအစားအစာတွင်မည်သည့်အရာများပါဝင်သနည်း

ယောဂအစားအစာပုံစံတွင် စားရမည့်အစားအစာနှင့် ရှောင်ရမည့်အစားအစာဟူ၍ပါဝင်သည်။

ယောဂကျင့်စဉ်အတွက်စားသုံးရမည့်အစားအစာများ

  • သဘာဝကရသောအသီးအနှံအားလုံး ၊ အထူးသဖြင့် သဘာဝအတိုင်းချိုသောသစ်သီးများ။
  • ဟင်းသီးဟင်းရွက်များအားလုံး( ကြက်သွန်ဖြူနှင့် ကြက်သွန်နီမပါဝင်ရ)
  • နှံစားသီးနှံများ( ဥပမာ – အုတ်ဂျုံ ၊ ဆန် ၊ ဂျုံ )
  • ပဲအမျိုးမျိုး ၊ ပဲပိစပ် နှင့်ဆက်စပ်ပစ္စည်းများ
  • သံလွင်ဆီ ၊ နေကြာဆီတို့ကဲ့သို့ ဟင်းသီးဟင်းရွက်ဆီများ
  • မီးနှင့်ကင်ခြင်း ၊ ဆားနှင့်ရောခြင်း မပြုလုပ်ထားသောအစေ့အဆန်များ
  • အပင်မှရသောသဘာဝဖျော်ရည်များ
  • ဂျင်း ၊ ပင်စိမ်း ၊ သံပုယိုတို့ကဲ့သို့ နှစ်သက်ဖွယ်ဟင်းခတ်အမွှေးအကြိုင်များ။
  • အစားအစာများကိုချစ်ခြင်းမေတ္တာ ၊ ဂရုစိုက်မှု ၊ အကောင်းမြင်ဝါဒ တို့ဖြင့်ပြင်ဆင်ရမည်။

ယောဂကျင့်စဉ်အတွက်ရှောင်ရှားရမည့်အစားအစာများ

  • အသား ၊ ငါးအမျိုးမျိုး ၊ သအမျိုးမျိုး
  • သကြားလုံး၊အာလူးကြော်တို့ကဲ့သို့ အာဟာရတန်ဖိုးနည်းပါးသောအသင့်စားဖွယ်များ
  • ချိုချဉ် ၊ ဆော်ဒါ တို့ကဲ့သို့ ဖန်တီးထားသောအချိုဓါတ်ပါအစားအစာများ
  • သတ္တဝါတို့မှရသောအဆီ
  • ကြော်လှော်ထားသောအစားအစာ
  • စည်သွပ်ထားသောအစားအစာများ( ခရမ်းချဉ်သီးနှင့် အသီးအနှံစည်သွပ်ဘူးများမပါဝင်ပါ)
  • ကြေးချွတ်ထားသောသကြား ၊ ပြုပြင်ထားသောဂျုံမှုန့်
  • ကြက်သွန်ဖြူ ၊ ကြက်သွန်နီနှင့် စပ်သော အစားအစာများ
  • အလွန်အမင်း တူးအောင်ကြော်ချက်ထားသောအစားအစာများ
  • အရက်
  • ဆေးလိပ်
  • ကျေးဇူးတရားနှင့် ချစ်ခြင်းမေတ္တာ ကိုထည့်သွင်းမစဉ်းစားဘဲ အလောတကြီးစားသော အစားအစာများ

ယောဂအစားအစာများသည် ယောဂကျင့်စဉ် ကျင့်သူများရောကျန်းမာရေးကိုလိုက်စားသူများအတွက်ပါ သင့်တော်သောစားသောက်မှုပုံစံဖြစ်ပါသည်။ ထိုအစားအစာများသည် ကိုယ်ခန္ဓါ ၊ စိတ် နှင့် ဝိညာဉ်တို့ကိုပါ ကျန်းမာစေသည့်အတွက် ယခုပင်စားသုံးကြည့်ဖို့ အားထုတ်လိုက်ပါ။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

[embed-health-tool-bmi]

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

The Yogic Diet: 10 Foods to Enjoy & Avoid.

http://www.mindbodygreen.com/0-5870/The- Yogic-Diet- 10-Foods-to-Enjoy- Avoid.html

Accessed January 12, 2017

Search Results Complete Yoga Diet Health Benefits and Uses for Weight Loss.

http://www.diethealthclub.com/types-of-diet/yoga- diet.html

Accessed January 12, 2017

 

ယခုပုံစံ

12/05/2020

Dr. Ye Pyae Hein မှ ရေးသားသည်။

Poe Ei Win မှ ပြင်ဆင်ခဲ့ပါသည်။


ဆက်စပ် အကြောင်းအရာများ

ကိုယ်ဝန်ဆောင်စဉ် ယောဂကျင့်ခြင်းရဲ့အကျိုးကျေးဇူး ၇ရပ်

ယောဂ နှင့် ကျန်းမာရေးအကျိုးအာနိသင်


Hello Sayarwon Panel မှ အချက်အလက်များ စစ်ဆေးထားပါသည်။ Dr. Ye Pyae Hein မှ ရေးသားသည်။ နောက်ဆုံးအသစ်ပြင်ဆင်သည့်ရက်စွဲမှာ 12/05/2020 ဖြစ်ပါသည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement