ခွန်အားတိုးစေသောလေ့ကျင့်မှုသည်ဆယ်ကျော်သက်များအတွက်အန္တရာယ်ကင်းခြင်းရှိ/မရှိ

ဆယ်ကျော်သက်များအတွက် အလေးမခြင်းနှင့်ခွန်အားလေ့ကျင့်ခန်းဆိုင်ရာမှတ်သားဖွယ်အချို့

အသက်၁၇နှစ်အရွယ် Ella (အမည်ရင်းမဟုတ်)ဆိုသူကခွန်အားတိုးစေရန်အလေးမခြင်း ပြုလုပ်လိုသော်လည်းဘောလုံးအားကစားသမားများ၏ ခန္ဓါကိုယ်ကဲ့သို့လည်းမဖြစ်လိုဟုဆိုသည်။ အသက်၁၄နှစ်အရွယ် Josh ဆိုသူကတော့ဘောလုံး အားကစားသမားများနှင့်တူလိုပြီးနောက်နှစ်တွင်အားကစားအသင်းဝင် ဖြစ်လာမှာဖြစ်သည့်အတွက် ကြွက်သားများကြီးထွားလိုကြောင်းဆိုပြန်သည်။

Ella နှင့် Josh တို့၏ရည်ရွယ်ချက်မတူသော်လည်း ဆယ်ကျော်သက်များအနေဖြင့်ခွန်အားတိုးစေသော လေ့ကျင့်မှုများပြုလုပ်သင့်ကြောင်း အကြောင်းပြချက်ကောင်းများရှိပါသည်။ ထိုလေ့ကျင့်မှုသည်ကြွက်သားများကိုသန်မာစေသည်။ ခန္ဓါကိုယ်ကို ကျစ်လစ်တောင့်တင်းစေသည်။ သက်လုံကောင်း စေသည်။ အရိုးများကိုသန်မာစေပြီးကိုယ်အလေးချိန် လျော့ကျခြင်းကိုပါဖြစ်စေနိုင်သည်။ သို့သော်ထိုလေ့ကျင့်မှုကို ပြုလုပ်ခြင်းဖြင့်ဒဏ်ရာ မဖြစ်အောင်ရှောင်ရှားတတ်ဖို့လည်းလိုပါသည်။ အောက်ပါ အမေး၊အဖြေနှင့်အကြံပြုချက်များကိုလေ့လာကြည့်ပါ။

ခွန်အားတိုးစေသောလေ့ကျင့်မှုဆိုသည်မှာအဘယ်နည်း

ကြွက်သားများကိုသန်မာစေပြီး သက်လုံကောင်းစေသောလေ့ကျင့်ခန်းများကိုအစီအစဉ်တကျပြုလုပ် ခြင်းကိုခေါ်ပါသည်။ ခွန်အားလေ့ကျင့်မှုတွင် ကြီးမားသောအလေးများကို မဖြစ်မနေ မ, ရမည်ဟုမဆိုထားပါ။ ကြွက်သားထုထည်ကြီးမားလိုသူများကအလေးချိန်ကြီးကြီးကို မ,ခြင်းဖြင့်ကြွက်သားများ ကြီးမားအောင်အားထုတ်သည်။ ခွန်အားသက်သက်တိုးလိုသူက ပေါ့ပါးသောအလေးများနှင့်ထပ်ကာထပ်ကာလေ့ကျင့်ခြင်းကိုပြုလုပ်နိုင်ပါသည်။ လေ့ကျင့်ရာတွင ်အလေးမစက်များတွင် အလေးချိန်ထည့်၍လေ့ကျင့်နိုင်သကဲ့သို့အလေးမပါဘဲလည်း လေ့ကျင့်နိုင်ပါသည်။ မိမိခန္ဓါကိုယ်၏အလေးချိန်ကိုသာသုံး၍ တွန်းကန်ရသောလေ့ကျင့်မှုကို ခြေကျင်းဝတ် နှင့် ခါး စသည်တို့အပေါ်သက်ရောက်၍ လေ့ကျင့်မှုမျိုးလည်း ပြုလုပ်နိုင်သည်။

ခွန်အားတိုးစေသာလေ့ကျင့်မှုသည်အန္တရာယ်ရှိနိုင်ပါသလား

ညွှန်ကြားသင်ပြမှုများက ိုသေချာစွာလိုက်နာပါကအန္တရာယ်မရှိနိုင်ပါ။ နှလုံးကြွက်သားများ အပါအဝင်ခန္ဓါကိုယ်၏ကြွက်သားများကိုပိုမိုအားရှိ၍ ခံနိုင်ရည်ရှိအောင်ပြုလုပ်ပေးသည့် အန္တရာယ်ကင်းသောထိရောက်သည့်နည်းလမ်းဖြစ်ပြီးကိုယ်အလေးချိန်ကိုလည်း ထိန်းသိမ်းပေးပါသည်။ အရိုးများ၏ခွန်အားကိုလည်းတိုးတက်စေသည်။ သို့သော်ဆယ်ကျော်သက်များ သည်ဖွံ့ဖြိုးဆဲအရွယ်ဖြစ်၍သင်၏ဆရာဝန်နှင့်တိုင်ပင်၍ ညွှန်ကြားလမ်းညွှန်မှုကိုခံယူသင့်ပါသည်။

ခွန်အားတိုးစေသောလေ့ကျင့်မှုကိုမိန်းကလေးများလေ့ကျင့်လျှင်ကြွက်သားများကြီးလာနိုင်ပါသလား

လွန်ကဲစွာမပြုလုပ်ပါကမိန်းကလေးတစ်ဦးသည် ခွန်အားလေ့ကျင့်မှုပြုလုပ်ရုံသက်သက်ဖြင့်ကြွက်သားများကြီးထွားရန်မလွယ်ကူပါ။ အကြောင်းမှာမိန်းကလေးများသည်ယောင်္ကျားလေးများထက်တက်စတိုစတီရုန်း(Testosterone )ဟုခေါ်သော ကျားဟော်မုန်းထွက်ရှိမှုနည်းပါးသည့် အတွက်ဖစ်ပါသည်။ ယောကျာၤးလေးများအနေဖြင့် အရွယ်ရောက်စတွင်အလေးမလေ့ကျင့်ခန်းများပြုလုပ်လျှင်

ကြွက်သားများကြီးထွားလာနိုင်ပါသည်။

ခွန်အားတိုးစေသောလေ့ကျင်မှုပြုလုပ်ရာတွင်ခန္ဓါကိုယ်ကအောက်ဆီဂျင်ကိုအသုံးပြုပါသလား

သက်လုံကောင်းစေသောလေ့ကျင့်ခန်းများ ဥပမာ-လမ်းလျှောက်ခြင်း၊ရေကူးခြင်း၊စက်ဘီးစီးခြင်းတို့သည်နှလုံးနှင့်အဆုတ်တို့ကိုအောက်စီဂျင်ကို ပိုမိုသုံးစွဲစေပြီးအားပြည့်စေသည်။ အောက်ဆီဂျင်ကို ပိုမိုအသုံးပြုရသောကြောင့်နှလုံးကိုအလုပ်ပိုမိုလုပ်စေပြီးကြာရှည်အလုပ်လုပ်နိုင်ရန် ကူညီပေးသည်။ ခွန်အားလေ့ကျင့်မှုမှာမူတစ်ခါတစ်ရံတွင်အောက်စီဂျင်ကိုအသုံးမပြုပါ။ အဘယ်ကြောင့်ဆိုသော်သင်၏ကြွက်သားကအလေးတုံးများကိုမနေချိန်တွင်အောက်စီဂျင်ကို အသုံးပြုမှုမရှိပါ။

အားကစားခန်းမတွင်အသင်းဝင်ထားခြင်းမရှိသေးပါကမည်သို့လုပ်သင့်သနည်း

ခွန်အားလေ့ကျင့်မှုအတွက်အားကစားခန်းမတစ်ခုခုသို့မဖြစ်မနေသွားဖို့မလိုပါ။ အားကစားပစ္စည်းအရောင်းဆိုင်မှအလေးတုံးများ၊တွန်းကန်နိုင်သောကြိုးများ ဝယ်၍လေ့ကျင့်ခန်းများပြုလုပ်နိုင်ပါသည်။ သင့်မီးဖိုချောင်မှ သံပုံးအလွတ်များကိုအသုံးပြု၍လည်း အလေးမခြင်းပြုလုပ်နိုင်ပါသည်။

အလေးချိန်ကြီးကြီးမ သင့်ပါသလား

ဆယ်ကျော်သက်များအနေဖြင့်အလေးချိန်ကြီးကြီး မ,မသင့်သေးပါ။ ပေါ့ပါးသောအလေးတုံးများနှင့်အထပ်ထပ်လေ့ကျင့်သင့်ပါသည်။ နည်းနာကောင်းတစ်ခုမှာအကြိမ် ၁၀ အထိကောင်းစွာမနိုင်ပြီးနာက်ဆုံး ၂ ကြိမ်တွင် မ,ရခက်သော အလေးပမာဏသည် သင်စတင် မ,ရမည့်အလေးချိန်ဖြစ်သည်။ အချို့ဆိုလျှင်တစ်ပေါင်မှနှစ်ပေါင်အထိသာ စတင်၍ မနိုင်ကြသည်။ သန်မာသူများအနေဖြင့် ၁၅ ပေါင်

မှပေါင်၂၀အထိစတင်နိုင်ပါသည်။ အလေးမ,ရာတွင်ညင်သာဖြည်းညင်းစွာလှုပ်ရှားရန်ဖြစ်သည်။

ရုတ်တရက် ဆတ်ကနဲဆွဲတင် ဆွဲချခြင်းမျိုး မပြုလုပ်သင့်ပါ။

သင်၏ကြွက်သားများက သန်မာလာပြီဆိုလျှင်နာကျင်မှုမရှိတော့ပါ။ ထိုမှတစ်ဆင့် ၁ ပေါင်မှ၂ ပေါင်ခွဲစီတိုးမြှင့်၍ မ,သွားနိုင်သည်။ စက်ဖြင့်လေ့ကျင့်ပါက ၅ ပေါင်အထိ တိုးမြှင့်သွားနိုင်ပါသည်။ သင်ကောင်းစွာအရွယ်ရောက ်ကြီးထွားပြီးသည်အထိ အလေးချိန်ကြီးကြီးမ,ခြင်းကိုရှောင်ကြဉ်မှသာအရိုးများနှင့် တွယ်ဆက်အရွတ်များ ထိခိုက်မှုကိုရှောင်ရှားနိုင်မည်။ မလေ့ကျင့်မီ သွေးပူလေ့ကျင့်ခန်းနှင့်

အကြောလျှော့လေ့ကျင့်ခန်းများကိုလည်းပြုလုပ်ပေးသင့်ပါသည်။ သင်၏ဆရာဝန်(သို့မဟုတ်)အားကစားနည်းပြကိုမေးမြန်းခြင်းဖြင့်လည်း သင်နှင့်သင့်တော်မည့်အလေးချိန်ပမာဏကိုသိရှိနိုင်ပါမည်။