သင့်နှလုံးကို ဖျက်စီးဖို့စောင့်ဆိုင်းနေတဲ့ သင့်ပတ်ဝန်းကျင်က အစားအစာများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 13, 2020 . 2 mins read
Share now

သင့်ရဲ့ အသက်ရှင်သန်မှုမှာ သင့်နှလုံး ရဲ့ လုပ်ဆောင်ချက်တွေက အရမ်းကို အရေးပါလွန်းလှပါတယ်။ လူတိုင်းဟာ နှလုံးကျန်းမာမှ အသက်ရှည်နိုင်မှာပါ။ နှလုံးတစ်ခုခုဖောက်လွဲဖောက်ပြန်ဖြစ်နေပြီဆိုရင် သင့်ရဲ့ ကျန်းမာရေးအခြေအနေဟာ အနှုတ်လက္ခဏာဆောင်နေတော့မှာပါ။

လူတစ်ယောက်ရဲ့ နှလုံးကို ထိခိုက်စေနိုင်တဲ့အရာတွေ သင့်ပတ်ဝန်းကျင်မှာ အများအပြားတည်ရှိနေပါတယ်။ အမျိုးမျိုးသော အခြေအနေတွေ၊ ကိုယ်တိုင်ရဲ့ အပြုအမူတွေကြောင့် နှလုံးထိခိုက်နိုင်ပါတယ်။

လူတွေ နှလုံးရောဂါဖြစ်ရတဲ့၊ Heart Attack ဖြစ်ရတဲ့၊ နှလုံးပျက်စီးရတဲ့အဓိက အကြောင်းတရားတွေထဲမှာ နေထိုင်စားသောက်မှုပုံစံ မမှန်ကန်တာက ထိပ်ဆုံးက အချက်တစ်ခုဖြစ်ပါတယ်။ စားပုံသောက်ပုံ မမှန်ရင် နှလုံးသာမက တခြားခန္ဓာကိုယ်အစိတ်အပိုင်းတွေကိုပါ ထိခိုက်စေမှာပါ။

ဒီစာစုမှာတော့ သင့်ပတ်ဝန်းကျင်မှာ အလွယ်တကူရရှိနိုင်ပြီး ကြာကြာမှီဝဲမယ်ဆိုရင် နှလုံးရောဂါရစေနိုင်တဲ့ အစားအစာတွေကို ဖော်ပြလိုက်ရပါတယ်။

နှလုံးကျန်းမာရေးကို အထာက်အကူမပြုသော အစားအစာများ

  • သကြား၊ ဆား၊ အဆီ – အကြိမ်ကြိမ်အထပ်ထပ် အဆီတွေ၊ ဆားတွေ၊ သကြားတွေကို လိုအပ်တဲ့ပမာဏထက် ကျော်လွန်ပြီး စားမိနေမယ်ဆိုရင် သင်နှလုံးရောဂါရရုံတင်မဟုတ်ပါဘူး heart attack နဲ့ လေဖြတ်တာပါဖြစ်နိုင်ပါတယ်။
  • ဝက်ပေါင်ခြောက် – ဝက်သားကို အဆီတွေ၊ ဆားတွေ အထပ်ထပ်နဲ့ ကြော်ထားတဲ့ ဝက်ပေါင်ခြောက်တွေဟာ အရသာရှိပေမယ့် ကျန်းမာရေးနဲ့တော့ လုံးဝမညီညွတ်ပါဘူး။
  • အနီရောင်အဆင်းရှိတဲ့အသားများ – အမဲသား၊ ဝက်သား၊ သိုးသားစတဲ့ အသားတွေဟာ နေ့စဉ်ရက်ဆက် စားသုံးမယ်ဆိုရင် ဆီးချိုနဲ့ နှလုံးရောဂါဖြစ်လာအောင် တွန်းအားပေးနိုင်ပါတယ်။
  • ဆိုဒါ – ဆိုဒါအချိုရည်တွေဟာလည်း ကျန်းမာရေးကိုထိခိုက်စေပါတယ်။ သကြားပမာဏအမြောက်အများပါဝင်နေတာမို့ နှလုံးကို ကောင်းကောင်းထိခိုက်စေမှာပါ။
  • ဖုတ်ထားသည့်မုန့်များ – ပေါင်မုန့်၊ ကိတ်မုန့်၊ ကွတ်ကီးတို့လို အစားအစာတွေပါ။ သကြားနဲ့ ပြုပြင်ထားတဲ့အဆီတွေ အမြောက်အများပါဝင်နေတတ်ပါတယ်။
  • ဆန်၊ ဂျုံ၊ ပေါင်မုန့်၊ ပါစတာ – ဒီအစားအစာတွေဟာ ပုံမှန်အားဖြင့်တော့ ဖိုက်ဘာပါဝင်မှုများပြီး ဗီတာမင်တွေလည်း ကြွယ်ဝပါတယ်။ ဒါပေမယ့် သကြားနဲ့ အဆီတွေနဲ့ ပြုပြင်ထားမယ်ဆိုရင် နှလုံးကို ထိခိုက်စေနိုင်တာကိုလည်း မမေ့သင့်ပါဘူး။
  • ပီဇာ – ဒီကနေ့ခေတ်မှာ ပီဇာကြိုက်သူတွေ သိပ်ကိုများလာနေကြပါပြီ။ ဒါပေမယ့် ပီဇာတွေမှာ ဆား၊ ကယ်လိုရီ၊ အဆီဓာတ်တွေအများကြီးပါရှိနေပါတယ်။ ပိန်ချင်သူတွေနဲ့ နှလုံးရောဂါရှိသူတွေနဲ့ ဘယ်လိုမှ မအပ်စပ်ပါဘူး။
  • အယ်လ်ကိုဟော – အရက်၊ ဘီယာစတဲ့ အယ်လ်ကိုဟောပါဝင်တဲ့အရာတွေအားလုံးဟာ နှလုံးရောဂါဖြစ်လာဖို့ တွန်းအားပေးသလို ရောဂါအခံရှိသူတွေကိုလည်း အသက်ဘေးနီးအောင် ဒုက္ခပေးနိုင်ပါတယ်။
  • ထောပတ် – ထောပတ်မှာ ပီဇာ တွေ အမြောက်အများပါရှိနေတတ်ပါတယ်။ သင့်ရဲ့ သွေးထဲကို ကိုလက်စထရောတွေ အများကြီးရောက်သွားမှာမို့ နှလုံးအတွက် မသင့်လျော်ပါဘူး။
  • အာလူးကြော် – French Fries တွေကို ကြက်ကြော်ဆိုင်တွေမှာရနိုင်သလို လူကြိုက်လည်းများလှပါတယ်။ ဒါပေမယ့် ဒီအာလူးကြော်ဟာ အာလူးနဲ့အတူ ဆားတွေအမြောက်အများသုံးပြီး အဆီအထပ်ထပ်နဲ့ ကြော်ထားတာပါ။ တစ်ပတ်မှာ ၂ ကြိမ်ထက်ပိုစားမိရင် အဝလွန်ဖို့နဲ့ နှလုံးရောဂါရဖို့ အလွန်ကို သေချာပါတယ်။
  • ကြက်ကြော် – ဒီကနေ့ခေတ်ရဲ့ လူကြိုက်များအသင့်စား အစားအစာတစ်မျိုးပါ။ အေးခဲကြက်သား၊ ဆိုဒီယမ်၊ အဆီ၊ ကယ်လိုရီတွေ အများကြီးပါနေတာပါ။ နှလုံးရောဂါသာမက ဆီးချိုပါဖြစ်နိုင်ပါတယ်။
  • စည်သွပ်ဘူး – အသင့်စား စည်သွပ်ဘူးတွေဟာလည်း နှလုံးကို ထိခိုက်စေနိုင်ပါတယ်။ ဒီစည်သွပ်ဘူးထဲက ဟင်းတွေကို ဖန်တီးရာမှာ ကျန်းမာရေးနဲ့ မညီညွတ်တဲ့ ပါဝင်ပစ္စည်းတွေပါပါတယ်။ ဒါကြောင့်လည်း မကြာခဏမှီဝဲမယ်ဆိုရင် သွေးတိုး၊ ဆီးချို၊ နှလုံးရောဂါနဲ့ လေဖြတ်တာတွေဖြစ်နိုင်တာပါ။
  • ရေခဲမုန့် – ရေခဲမုန့်ရဲ့ အဓိကပြဿနာက သကြားပါ။ သကြားကို အလွန်များပြားတဲ့ပမဏကို အသုံးပြုထားတာပါပဲ။ ကိုယ်အလေးချိန်မြင့်တက်စေနိုင်သလို နှလုံးရောဂါလည်း ရစေနိုင်ပါတယ်။
  • အာလူးပြားကြော် – မုန့်ဆိုင်တွေမှာ အလွယ်တကူရနိုင်တဲ အာလူးပြားကြော်လေးတွေကလည်း နှလုံးကို ကောင်းကျိုးမပေးပါဘူး။ saturated fat ပါဝင်မှု အလွန်များတာမို့ ကယ်လိုရီလည်းများပါတယ်။ အဝလွန်တာ၊ နှလုံးသွေးကြောကျဉ်းတာတွေ ဖြစ်စေမှာပါ။

ဒီအစားအစာတွေက လုံးဝမစားရဘူးဆိုတာထက် အလွန်အကျွံစားနေရင်၊ ပုံမှန်စားနေရင် တစ်ချိန်ချိန်မှာ ပြဿနာရှိလာနိုင်တာကြောင့် ချင့်ချိန်ပြီးစားပါ။ နဂိုတည်းက ကိုယ့်မှာ ရောဂါအခံတွေ ရှိနေရင်တော့ ရှောင်နိုင်သလောက် ရှောင်တာက ကိုယ့်နှလုံးကို ကာကွယ်ပြီးသား ဖြစ်စေပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုဗစ်ကာလမှာ စည်သွပ်ဘူးပိတ်အစားအစာတွေကို ပြန်စားနေမိပြီလား

Covid-19 Mask ကိုဗစ် ကပ်ဘေး စည်သွပ်ဘူး တာရှည်ခံ စျေးဝယ် အလုပ်ခွင် မိသားစု စားစရာ အသားငါး ဟင်းသီးဟင်းရွက် အာဟာရ ပဲ ပင်လယ်စာ အချိုမှုန့်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
Corona Virus, COVID-19 စက်တင်ဘာ 30, 2020 . 2 mins read

ဘေဘီလေးကို ရေညှိကျွေးပေးတဲ့အခါ

ရေညှိ ထမင်းလိပ်တယ်။ ဘေဘီးက နည်းနည်းဆိုပြီး ပါးစပ်ဟတယ်။ ရေညှိကြော်လေး စားလည်း မေမေ သားသားဆိုပြီး ပါးစပ်ဟတယ်။ ဘေဘီလေးကို ရေညှိကျွေးရမလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

လေ့ကျင့်ခန်း စစလုပ်ချင်း ကြွက်သားနာကျင်ကိုက်ခဲတယ်ဆိုတာ

လေ့ကျင့်ခန်း နာကျင်ကိုက်ခဲ ကြွက်သား ကြွက်သားထု Gym အားကစား အလေး အလေးအပင် လှုပ်ရှား အဆီ အိပ်ချိန် အစာအာဟာရ ပရိုတင်းဓာတ် ရေခဲဝတ် အနားယူ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

အာရုံကြောချို့ယွင်းတဲ့ဝေဒနာ ကို အကောင်းဆုံး ကာကွယ်ပေး မယ့် အစားအစာ ၁၀ ခု

Multiple Sclerosis ဆိုတာက အာရုံကြောချို့ယွင်းတဲ့ဝေဒနာ တစ်မျိုးပါ။ ဒီတစ်ခါ ဖော်ပြချင်တာကတော့ ဒီရောဂါကို ကာကွယ်ပေး နိုင်တဲ့ အစားအစာ တွေ အကြောင်းပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

ကိုယ်ခံအားအကြောင်း သိထားဖို့လိုမယ့် အချက်လေးတွေ

ကိုယ်ခံအားအကြောင်း သိထားဖို့လိုမယ့် အချက်လေးတွေ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 7, 2020 . 3 mins read
အဆစ်ရောင်သူများ ရှောင်ကြဉ်သင့်သည့် စားသောက်ဖွယ်ရာများ

အဆစ်ရောင်သူများ ရှောင်ကြဉ်သင့်သည့် စားသောက်ဖွယ်ရာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 1, 2020 . 2 mins read

ကြက်စွပ်ပြုတ်နဲ့ မိုးတွင်းအာဟာရ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 30, 2020 . 3 mins read

အိမ်မှာနေရင်း နှုတ်ခမ်းသားကို ပန်းသွေးကြွအောင် ဘယ်လိုထိန်းသိမ်းမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 30, 2020 . 2 mins read