အသည်းရောင်ရောဂါ က အဖြစ်များတဲ့ အသည်းရောဂါတစ်ခုပါ။ အဖြစ်များတဲ့အတွက် အသည်းရောင်ရောဂါနဲ့ ပတ်သက်တဲ့ ကျန်းမာရေးဗဟုသုတတွေကို သိထားဖို့ လိုပါတယ်။ ဒီရောဂါနဲ့ ပတ်သက်ပြီး ဘာတွေ မှားယွင်းပြီး သိထားကြလဲဆိုတာကို စစ်ဆေးကြည့်ရအောင်။
မှ အချက်အလက် စစ်ဆေးထားပါသည်။ Dr. Htet Htet Zaw Win
အသည်းရောင်ရောဂါ က အဖြစ်များတဲ့ အသည်းရောဂါတစ်ခုပါ။ အဖြစ်များတဲ့အတွက် အသည်းရောင်ရောဂါနဲ့ ပတ်သက်တဲ့ ကျန်းမာရေးဗဟုသုတတွေကို သိထားဖို့ လိုပါတယ်။ ဒီရောဂါနဲ့ ပတ်သက်ပြီး ဘာတွေ မှားယွင်းပြီး သိထားကြလဲဆိုတာကို စစ်ဆေးကြည့်ရအောင်။
အဖြစ်များတဲ့ အကြောင်းရင်းတွေကတော့
အသည်းရောင်ရောဂါ တွေက တစ်ခုနဲ့ တစ်ခု မတူကြပါဘူး။ ဥပမာ အသည်းရောင် အသားဝါအေဆိုရင် အများစုက များများအနားယူ၊ ရေများများသောက်ရုံနဲ့ သက်သာပေမယ့် ဘီတို့ စီတို့ဆိုရင်တော့ နာတာရှည် အသည်းရောင်ရောဂါဖြစ်ပြီး ကုသဖို့ လိုပါတယ်။
၂၀၁၆ ဒေတာတွေအရ တစ်ကမ္ဘာလုံးမှာ လူပေါင်း ၃၉၉,၀၀၀က အသည်းရောင် အသားဝါစီပိုးကြောင့် ကွယ်လွန်ခဲ့ရပါတယ်။ ခုဆိုရင် ဒီထက်များကောင်းများနိုင်ပါတယ်။ အသည်းရောင် အသားဝါ ဘီပိုးတွေ၊ စီပိုးတွေ ဆိုတာက အသည်းခြောက်တာ၊ အသည်းကင်ဆာကို အဖြစ်များစေတဲ့ အကြောင်းရင်းတွေထဲက တစ်ခုပါပဲ။
အသည်းရောင် အသားဝါ စီပိုးက မိခင်နို့ကနေတဆင့် ကူးစက်တတ်တာမျိုး မဟုတ်ပါဘူး။ ဒါပေမယ့် အမေက နို့သီးခေါင်းကွဲပြီး သွေးထွက်နေချိန်မှာတော့ ရှောင်ကြဉ်သင့်ပါတယ်။
အသည်းရောင် အသားဝါ ဘီတွေ၊ စီတွေက ချက်ကြိုးကနေတဆင့် ကူးစက်တတ်တာမျိုး မဟုတ်ပါဘူး။ အများစုက မွေးတဲ့အချိန်မှာ သွေးကနေတဆင့် ကူးစက်တာဖြစ်ပါတယ်။ ဒါတောင် ဘီနဲ့ စီမှာ စီကအဖြစ်နည်းပါတယ်။ ကူးစက်မှုကို လျှော့ချနိုင်ဖို့ မွေးဖွားနည်းကို ဆရာဝန်နဲ့ တိုင်ပင်တာ၊ ကလေးကို ကာကွယ်ဆေးထိုးတာတွေ လုပ်ပေးနိုင်ပါတယ်။
နာမည်က အသည်းရောင် အသားဝါဆိုပေမယ့် အသည်းရောင်တဲ့သူတိုင်း အသားမဝါကြပါဘူး။ အသားဝါတာာက အသည်းရောင်တာ၊ အသည်းရောဂါရဲ့ လက္ခဏာတစ်ခုဆိုတာ မှန်ပေမယ့် အသည်းရောင်တိုင်း အသားဝါမှာ မဟုတ်ပါဘူး။ ဒီလိုပဲ အသားမဝါလို့ အသည်းရောင်ရောဂါမရှိဘူးလို့ ပြောလို့မရပါဘူး။
အသည်းရောင်ရောဂါ ပိုးတွေက ဘာလက္ခဏာမှမပြဘဲနဲ့လည်း ကိုယ်ထဲမှာ ရှိနေနိုင်ပါတယ်။
အသည်းရောင် အသားဝါ ဘီပိုး ဖြစ်ထားရင် စီပိုးထပ်မဖြစ်တော့ဘူးတို့၊ အသည်းရောင်အသားဝါ အေပိုး ဖြစ်ထားပြီးလို့ ဘီပိုးကို ခံနိုင်ရည်ရှိသွားပြီဆိုတာတွေက မဟုတ်ပါဘူး။ ဒါက သီးခြားဗိုင်းရပ်စ်တွေဖြစ်တဲ့အတွက် တစ်မျိုးကူးထားပြီးရုံနဲ့ နောက်တစ်မျိုးကို ကာကွယ်ပြီးသား မဖြစ်စေပါဘူး။ ဒါ့ပြင် လူတစ်ယောက်တည်းမှာ ဘီပိုးရော စီပိုးရော ကူးစက်ခံရတာမျိုး ရှိနိုင်ပါတယ်။
ဘီပိုးတွေက ဆေးနဲ့ ထိန်းထားလို့ ရပါတယ်။ ဒီဆေးတွေက ဗိုင်းရပ်စ်ပွားနှုန်းကို နှေးအောင်၊ ပိုးကောင်ရေ လျော့သွားအောင်၊ အသည်းပျက်စီးတာကို သက်သာအောင် ကုသပေးနိုင်ပါတယ်။ ဘီပိုးရှိပေမယ့်အသည်းမပျက်စီးဘဲ သက်တမ်းစေ့နေသွားသူတွေ ရှိပါတယ်။
စီပိုးဆိုရင် ဘီပိုးထက်အောင် ကုရတာ ပိုအဆင်ပြေပါတယ်။ စက်ကနေ စစ်နိုင်တဲ့ အောက် (undectetable level)ကို ရောက်သွားအောင် ပိုးကို ထိန်းထားနိုင်စွမ်း ရှိပါတယ်။
အသည်းရောင် အသားဝါပိုးတွေ အားလုံးအတွက် ကာကွယ်ဆေး မရှိပါဘူး။ အသည်းရောင် အသားဝါ အေပိုးနဲ့ ဘီပိုးအတွက်သာ ရှိပါတယ်။ အထူးသဖြင့် ဘီပိုးကာကွယ်ဆေးကို ထိုးထားသင့်ပါတယ်။ ဒါပြင့် အသည်းရောင် အသားဝါရောဂါပိုး ကူးနိုင်တဲ့ နည်းလမ်းတွေကိုလည်း ရှောင်ရှားရမှာ ဖြစ်ပါတယ်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Htet Htet Zaw Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။