ထွက်မှာ သေချာပြီလား။
မျက်စိစွန်ခြင်းသည် သင့်မျက်တောင်နှင့် မျက်ခွံစပ်ကြား အပြင်ဘက်အစွန်းနေရာတွင် နီရဲသော အဖုလေးဖြစ်လာခြင်းဖြစ်သည်။ ယင်းသည် မျက်ခွံအတွင်းတွင်လည်းဖြစ်နိုင်သည်။ အချို့သူများသည် မျက်စိစွန်ခြင်း နှင့် မျက်ခွံတွင်အဆီအိတ်ရောင်ခြင်းကို မှားတတ်ကြသည်။
မျက်ခွံတွင်အဆီအိတ်ရောင်ခြင်းသည်လည်း မျက်ခွံဖောင်းလာခြင်းမျိုးဖြစ်ပြီး အဖြစ်များပါသည်။ ယင်းသည် မျက်စိစွန်ခြင်းနှင့် ဆင်တူသော်လည်း မျက်ခွံ၏အစွန်းတွင် မဖြစ်ခြင်း၊ အရွယ်အစားပိုကြီးခြင်း၊ ဖြစ်စေသော အကြောင်းရင်းမတူခြင်း စသည်ဖြင့် ကွဲပြားမှုများရှိပါသည်။
မျက်စိစွန်ခြင်းသည် နာကျင်သော်လည်း ကုသမှုခံယူစရာမလိုဘဲပျောက်ကင်းသည်ကများပြီး ပြင်းထန်သောဆိုးကျိုးများလည်း ဖြစ်ခဲပါသည်။
မျက်စိစွန်ခြင်း
သည် အလွန်အဖြစ်များပြီး အသက်အရွယ်မရွေး ဖြစ်နိုင်ပါသည်။ ထိုဖြစ်စဉ်ကို ဖြစ်စေနိုင်သော အချက်များကို လျှော့ချခြင်းများပြုလုပ်နိုင်သော်လည်း တိကျသော သတင်းအချက်အလက်များရရှိရန် ဆရာဝန်နှင့် တိုင်ပင်သင့်ပါသည်။
မျက်လုံးစပ်လာခြင်း၊ နီလာခြင်း၊ မျက်ခွံအစပ်နေရာတွင် ရောင်လာခြင်းနှင့် ခိုးလိုးခုလုဖြစ်လာခြင်း တို့သည် မျက်စိစွန်လျှင်တွေ့ရများသော လက္ခဏာများဖြစ်သည်။ ထို့ပြင် မျက်ရည်များထွက်နေခြင်း၊ မျက်လုံးထဲတွင် ကြမ်းရှရှ ခစားမိခြင်းနှင့် အလင်းရောင်စူးခြင်း တို့လည်းဖြစ်နိုင်ပါသည်။
(အထက်တွင် မဖော်ပြထားသော လက္ခဏာများလည်း ကျန်ရှိနိုင်ပါသည်။ တိကျသော သတင်းအချက်အလက်များရရှိရန် ဆရာဝန်နှင့် တိုင်ပင်သင့်ပါသည်။)
အောက်ပါတို့ ခံစားရပါက ဆရာဝန်နှင့် ပြသင့်ပါသည်။
အထက်တွင်ဖော်ပြထားသော လက္ခဏာများအပြင် ပိုသိလိုသော် ဆရာဝန်နှင့်တိုင်ပင်သင့်သည်။
လူတယောက်နှင့် တယောက် ရောဂါ၏တုံပြန်ပုံခြင်းမတူညီသည့်အတွက် မိမိ၏အခြေအနေကို သိရှိကာထိရောက်စွာကုသနိုင်ရန် ဆရာဝန်နှင့်တိုင်ပင်သင့်သည်။
မျက်စိစွန်ခြင်းသည် Staphylococcus ဘက်တီးရီးယားများ သည် မျက်ခွံတွင်ရှိသော အဆီဂလင်းများထဲသို့ဝင်ရောက်ခြင်းကြောင့်ဖြစ်ရပြီး တခါတရံတွင် အဆိုပါအဆီဂလင်းများသည် ဆဲလ်အသေ၊ ဖုန်မှုန့်နှင့် အညစ်အကြေးများပိတ်ဆို့ရာမှ မျက်စိစွန်ခြင်းဖြစ်ရသည်။
Staphylococcus ဘက်တီးရီးယားများ သည် အရေပြားပေါ်တွင် ရှိနေတတ်ပြီး အခြေအနေဖန်တီးလာသောအခါ မျက်ခွံတွင်ရှိသော အဆီဂလင်းများထဲတွင်ကြီးထွားလာပြီး မျက်စိစွန်ခြင်းဖြစ်ရသည်။
ဖြစ်နိုင်ချေများစေသော အကြောင်းများစွာမှာ အောက်ပါတို့ဖြစ်သည်။
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
သင့်မျက်ခွံပုံစံကို ကြည့်ပြီး သင့်အခြေအနေကို သိနိုင်ပါသည်။ ဆရာဝန်သည် သင့်မျက်ခွံတွင် အပေါက်ပိတ်နေသော ဂလင်းနေရာကို ရှာခြင်းဖြင့် မျက်စိစွံခြင်းနှင့် မျက်ခွံရှိအဆီအိတ်ရောင်ခြင်းကို ခွဲခြားလိမ့်မည်။ ထို့ပြင် အမာရွတ်များ၊ ပြင်ပမှ အရာဝတ္ထုများ နှင့် မျက်ခွံတွင်းရှိ ဂလင်းများရောင်ခြင်းရှိမရှိကို စစ်ဆေးကာ ရောဂါပိုးဝင်သော လက္ခဏာများရှိမရှိကိုပါစစ်ဆေးလိမ့်မည်။
ထိုသို့စစ်ဆေးခြင်းသည် အရေးပါပြီး မျက်လုံးနှင့် မျက်လုံးတဝိုက်ရှိ ဂလင်းများသို့ ရောဂါပိုးများပြန့်နှံ့မှုရှိမရှိကိုပါသေချာစေသည်။
မျက်စိစွန်ခြင်းသည် မည်သည့်ဆေးကုသမှုမှမလိုဘဲ ၁ ပတ်အတွင်းပျောက်ကင်းနိုင်ပါသည်။ သို့သော် အောက်ပါကုသမှုများကို ခံယူနိုင်ပါသည်။
နေထိုင်မှုပုံစံပြောင်းလဲခြင်းနှင့် အိမ်တွင်းကုထုံးများကိုပြုလုပ်ခြင်းဖြင့် မျက်စိစွန်လေ့ရှိသူများအတွက် ဘယ်လိုသက်ရောက်မှုရှိနိုင်သလဲ။
အောက်ပါနေထိုင်မှုပုံစံပြောင်းလဲခြင်းနှင့် အိမ်တွင်းကုထုံးများသည် သင့်အတွက်အကူအညီဖြစ်နိုင်ပါသည်။
သင်သိလိုသည်များရှိသော် ဆရာဝန်နှင့်တိုင်ပင်ကာ ပိုမိုကောင်းမွန်သော အကြံဉာဏ်များရယူနိုင်ပါသည်။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
Eye health guide.http://www.webmd.boots.com/eye-health/guide/stye-symptoms-diagnosis-treatment.Accessed September 23, 2016.
Sty. http://www.emedicinehealth.com/sty/page4_em.htm#what_are_stye_treatmentsAccessed September 23, 2016.
