စပွန်ဆာ ဆောင်းပါး

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ဖုန်း၊ကွန်ပျူတာ အကြည့်များလွန်းလို့ မျက်လုံးအောင့်နေပြီလား ။ ။

ဖုန်းတို့ ကွန်ပျူတာတို့အကြည့်များပြီး မျက်လုံး အောင့်တာ မျက်လုံးညောင်းတာမျိုးတွေ မဖြစ်ဖူးတဲ့သူဆိုလို့ ခုခေတ်ကြီးမှာ ခပ်ရှားရှားပါ။ အရင်တုန်းကတော့ မျက်လုံးအားနည်းတာ၊ မျက်လုံးအားမစိုက်နိုင်တာ မျက်လုံးညောင်းတာမျိုးတွေက အသက်ကြီးလာမှ ဖြစ်တယ်ဆိုပေမယ့် ခုခေတ်ကြီးမှာတော့ မျက်လုံးပြဿနာဟာ အသက်အရွယ်မရွေးတော့ပါဘူး။ တစ်နေ့လုံးကွန်ပျူတာရှေ့ အလုပ်လုပ်နေရတဲ့သူတွေ၊ အင်တာနက်သုံး ဖုန်းပွတ် ဂိမ်းဆော့နေတဲ့သူတွေအတွက် စိတ်အညစ်ရဆုံး မျက်လုံးပြဿနာကတော့ မျက်လုံးအောင့်တာပဲ ဖြစ်ပါတယ်။ ဖုန်းမပွတ်သာနေလို့ရမယ်။ ကွန်ပျူတာနဲ့ အလုပ်လုပ်နေရတဲ့သူတွေအတွက်ကတော့ ဘယ်လိုမှ ရှောင်လွဲမရတာကြောင့် ဖြစ်နေတဲ့ မျက်လုံးအောင့်တဲ့ ပြဿနာကို ဖြေရှင်းနိုင်ဖို့ကသာ အဓိကဖြစ်နေတာပေ့ါ။

ဒီတော့ မျက်လုံးအောင့်တာကို ဘယ်လိုသက်သာအောင်လုပ်ကြမလဲ ။ ။

လောလောလတ်လတ် မျက်လုံး အရမ်းအောင့်နေတဲ့အခါ

  • မျက်တောင်ခဏခဏ ခတ်ပါ။ အရမ်းအာရုံစိုက်လိုက်တဲ့အခါ မျက်တောင်ခတ်ဖို့ မေ့နေတတ်ကြပါတယ်။ မျက်တောင်ခတ်ခြင်းက မျက်လုံးကို ခဏအနားပေးတာဖြစ်သလို မျက်ရည်ကြည် တွေကိုလည်း ထုတ်ပေးတာကြောင့် မျက်လုံခြောက်တာ၊ မျက်လုံးအောင့်တာတွေကိုလည်း သက်သာစေပါတယ်။
  • မျက်လုံးပေါ် သခွားသီး ေအးအေးလေး ကပ်ပေးတာမျိုး၊ ရေခဲဝတ်လေးကပ်ပေးတာမျိုးကလည်း မျက်လုံးအောင့်တာကို သက်သာစေပါတယ်။
  • မျက်စဉ်းဆေးရှိရင် မျက်စဉ်းခတ်ပါ- မျက်စဉ်းဆေးတွေ ဆောင်ထားပါ – မျက်ရည်တုလို့ခေါ်တဲ့ မျက်စဉ်းဆေးတွေက အားစိုက်ထားရလို့ ခြောက်သွေ့နေတဲ့ မျက်လုံးကို အစိုဓါတ်ပြန်ထိန်းပေးလို့ အောင့်နေတဲ့ မျက်လုံး သက်သာသွားမယ့်အပြင် မျက်ရည်ကြည်အလွှာလေးတစ်ထပ်ခံနေလို့ မျက်ကြည်လွှာပေါ် အလင်းရောင် တိုက်ရိုက်ထိခြင်းကနေလည်း ကာကွယ်ပေးမှာပါ။
  • မျက်လုံးကို မှိတ်ပြီး အနားပေးလိုက်ပါ။

မျက်လုံးအောင့်တာ မျက်လုံးညောင်းတာတွေကို လျှော့ချုဖို့ ၊ ကာကွယ်ဖို့ ကိုယ့်ရဲ့နေထိုင်မှု ပုံစံကို ပြောင်းလဲဖို့ လိုအပ်ပါတယ်။

  • TV ၊ ဖုန်း ကွန်ပျူတာကြည့်တဲ့အခါမှာ အလင်းရောင်လျှော့ကြည့်တာမျိုးလုပ်ပေးပါ။ မှောင်နေတဲ့ အခန်းထဲမှာ အလင်းတစ်ဆုံးတင်ပြီး ဖုန်းပွတ် ဂိမ်းဆော့တာမျိုးမလုပ်ပါနဲ့။
  • ထိုင်ရင်း စာဖတ်တဲ့အခါ မီးပေးတဲ့ အလင်းရောင်ကို ကျောပေးအနေအထားနဲ့နေပြီး စာဖတ်ပါ။ စာကြည့်မီးအိမ် သုံးမယ်ဆိုရင်လည်း မျက်စိကို ကာပေးတဲ့ အအုပ်ပါတဲ့ မီးအိမ်လေးသုံးရင် ပိုကောင်းပါတယ်။
  • ကွန်ပျူတာဖန်သားပြင်၊ ဖုန်းမျက်နှာပြင်ကို ၃ နာရီဆက်တိုက်တောက်လျှောက်ကြည့်တာမျိုး မလုပ်ပါနဲ့။ ၂၀-၂၀ -၂၀ နည်းလမ်းကို ကျင့်သုံးပါ။ ကွန်ပျူတာကြည့်ပြီး မိနစ် ၂၀တိုင်း ပေ၂၀ အကွာအဝေးရှိတဲ့ အရာတစ်ခုကို စက္ကန့် ၂၀ လောက်ကြည့်နေပါ။
  • မျက်လုံးအရမ်းညောင်းပြီး ခြောက်နေတာတောင် အတင်း ကွန်ပျူတာတို့ ဖုန်းတို့ကြည့်တာမျိုး မလုပ်ပါနဲ့။ အဲလိုအချိန်မှာ ခဏနားလိုက်လို့ ဘာမှဖြစ်မသွားပါဘူး။
  • အဲယားကွန်းက မျက်လုံးကို ပိုခြောက်စေတဲ့အတွက်ကြောင့် အဲယားကွန်းလေတည့်တည့်ကျတဲ့နေရာကို ရှောင်ပါ။
  • ဆေးလိပ်ဖြတ်ပါ။
  • ဖန်သားပြင်ပေါ်က ထွက်လာတဲ့ အလင်းတန်းတွေကို ကာကွယ်ဖို့ ကွန်ပျူတာကြည့်မျက်မှန်ဆောင်ထားတာ၊ အလင်းကာတဲ့ အဖတ်တို့ကို ကွန်ပျူတာပေါ် ကပ်ထားတာမျိုးတွေ လုပ်ပေးပါ။ ဒါေ့ကြာင့် ကိုယ်မျက်မှန်သွားလုပ်တဲ့အခါ တစ်ခါတည်း အလင်းတန်းတွေကို ကာပေးတဲ့ မျက်မှန်လုပ်ခဲ့ဖို့ မမေ့ပါနဲ့။.
  • မျက်စိ ဆရာဝန်ဆီ ၆လတစ်ခါဖြစ်ဖြစ် ၊ ၁နှစ်တစ်ခါဖြစ်ဖြစ်မျက်စိကျန်းမာရေး သွားစစ်ဆေးပါ ။ ။

ဖုန်းသုံးလွန်းသူတွေရော၊ ဂိမ်းဆော့သူတွေရော ကွန်ပျူတာနဲ့ အလုပ်လုပ်နေရတဲ့သူတွေရော အားလုံး မျက်လုံးအောင့်တဲ့ ပြဿနာတွေ ခံစားရနိုင်ဆုံးမို့ ဒါလေး ဖတ်ထား သင့်တယ်နော်။ အလုပ်မှာ ပဲ ဖြစ်ဖြစ် ၊ အိမ်မှာပဲ ဖြစ်ဖြစ် မျက်လုံးအသုံးများလို့ အောင့်လာတဲ့အခါ အသုံးတည့်တာပေါ့ ။။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Verifying...

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

စာရေးသူ ဓာတ်ပုံbadge
Dr. Thin Yadanar @ Frances မှ ရေးသားသည်။ 3 ရက် အကြာက တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။