မျက်စိ ကျန်းမာ စေဖို့ ဘာတွေ လုပ်လေ့ ရှိကြလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 22, 2020 . 2 mins read
Share now

ဘာလုပ်ကြမလဲ ဆိုတော့လေ။ မျက်စိက ကြည့်လို့ မကောင်းတာ၊ မျက်သားခြောက်သွေ့တာ၊ မျက်ရိုးကိုက်တာ၊ မျက်လုံးအောင့်တာ၊ မှုန်ဝါးတာတွေအတွက် မျက်စိ အားဆေး ဝယ်သောက်မယ်၊ မျက်စဉ်း ခတ်မယ်လေ။ မရရင် ဆေးခန်းပြမယ်၊ မျက်မှန် လုပ်မယ်။

ဒါပေမယ့် လိုအပ်ချက်တွေ ရှိလို့ ဆန္ဒပြနေတဲ့ ကိုယ့် ခန္ဓာကိုယ်ကို ချော့ရကောင်းမှန်း မသိကြပါဘူး။ လိုအပ်နေတဲ့ အာဟာရတွေကို ပြန်ဖြည့်ပေးမယ်၊ လွဲမှားနေတဲ့ အမူအကျင့်တွေကို ပြန်ပြင်မယ် ဆို ဆေးတွေ မလိုအပ်ခင် တော်ရုံတန်ရုံ ပြဿနာတွေကို အလိုလို ကုသနိုင်ပါတယ်နော်။

မျက်စိ ကျန်းမာဖို့ ဒါတွေ ဂရုစိုက်လိုက်ပါ

(၁) အသီးအရွက် နဲ့ အာဟာရ ဖြစ်တာတွေ များများ စားပါ

အစားအသောက် ဆိုတာ ကိုယ့်ကျန်းမာရေးကို ကောင်းအောင်လည်း လုပ်ပေးနိုင်သလို ဆိုးအောင်လည်း လုပ်ပေးနိုင်တဲ့အရာတွေပါ။ အားလုံးသိကြတဲ့ အတိုင်း မျက်လုံးကျန်းမာရေးအတွက်ဆို ဗီတာမင် A ကြွယ်ဝတဲ့ မုန်လာဥနီမြင်းခွာရွက်ဟင်းနုနွယ်တို့ကို စားပေးဖို့လိုအပ်ပါတယ်။

ဒါ့အပြင် ဆောလ်မွန်ငါး၊ ကြက်ဥ နဲ့ အခြား အဆီများတဲ့ ငါးတွေမှာ အမြင်အာရုံကို အထူးကျန်းမာစေတဲ့ Omega 6 တို့လည်း ပါတာကြောင့် သင်နေ့စဉ် စားနေတဲ့ အစားအသောက်တွေထဲမှာ သူတို့ကိုလည်း မေ့ခဲ့လို့မရပါဘူး။

(၂) ဆေးလိပ် ဖြတ်ပါ

ဆေးလိပ် သောက်လို့ ရလာတဲ့ ကျန်းမာရေး ကောင်းကျိုးတွေ ဆိုတာ ကြားဖူးပါသလား။ ဆေးလိပ်ကြောင့် အမြင်အာရုံကြော ထိခိုက်သွားပြီး macular degeneration ဆိုတဲ့ အမြင်အာရုံ ချို့တဲ့တဲ့ ရောဂါ ရနိုင်သလို ဆေးလိပ်သောက်သူတွေက အတွင်းတိမ် ဖြစ်ဖို့ အလားအလာ ပိုများနိုင်ပါတယ်။ ဒါကြောင့် ကောင်းကျိုး တစ်ခုမှ မပေးတဲ့ ဆေးလိပ်ကို ဖြတ်လိုက်ပါ။

(၃) နေကာမျက်မှန် တပ်ပါ

နေကာမျက်မှန် တပ်တိုင်း ပဲများတာ မဟုတ်ရပါဘူး။ မျက်စိကို နေရောင်ခြည် တိုက်ရိုက် ထိတွေ့နေရတဲ့ အလုပ်ခွင်တွေမှာ နေရသူတွေ၊ ဘာကြောင့်ပဲဖြစ်ဖြစ် နေပူထဲ ထွက်ရတဲ့အခါ နေကာမျက်မှန်တပ်သင့်ပါတယ်။

ဥပမာ ယာဉ်မောင်း တစ်ယောက်ဟာ ကားထဲ ရောက်လာတဲ့ ခရမ်းလွန်ရောင်ခြည်တွေကို မလွှဲမရှောင်သာ ထိတွေ့ရမှာမို့ နေကာမျက်မှန် နဲ့ ကာကွယ်သင့်ပါတယ်။

နေရောင် ထဲမှာ ပါတဲ့ ခရမ်းလွန်ရောင်ခြည်တွေက အသားအရေအတွက် သာမက မျက်လုံး ကိုပါ ဒုက္ခပေးနိုင်တဲ့အတွက် အမြင်အာရုံကို ပျက်စီးစေတဲ့အထိ ကြောက်စရာကောင်းပါတယ်။

ဒီခရမ်းလွန်ရောင်ခြည်ကို ကာကွယ်ဖို့ ဆိုရင် အပြင်သွားတိုင်း ခရမ်းလွန်ရောင်ခြည်ကို ကာကွယ်ပေးနိုင်တဲ့ နေကာမျက်မှန် ဝတ်ဆင်သွားတာ အကောင်းဆုံးပါ။ မျက်ကပ်မှန် တပ်ထားရင်တောင် အပြင်ကနေ နေကာ မျက်မှန်ထပ်တပ် သွားဖို့ အကြံပေးပါရစေ။

(၄) အန္တရာယ်ရှိတဲ့ အလုပ်ခွင်ထဲ ရောက်နေရင် မျက်စိ အကာအကွယ် ဝတ်ထားပါ

ဂဟေ ဆော်တဲ့ အလုပ်၊ ဓာတုပစ္စည်း တွေနဲ့ ထိတွေ့နေရတဲ့ အလုပ်၊ မျက်လုံး ထဲ အမှုန်အမွှားတွေ ဝင်နိုင်တဲ့ အလုပ်တွေ လုပ်နေရတဲ့သူတွေဆို ကြိုပြီး သတိရှိရှိနဲ့ မျက်လုံး အကာအကွယ် တပ်ဆင်ထားဖို့ အရေးကြီးပါတယ်။

(၅) ကွန်ပျူုတာ၊ ဖုန်း တို့ကို အကြာကြီး မကြည့်ပါနဲ့

နည်းပညာ တိုးတက်လာတဲ့ ဒီဘက်ခေတ်မှာ ကွန်ပျူတာ၊ စမတ်ဖုန်း၊ တက်ဘလက် တို့လို ဒစ်ဂျစ်တယ်ပစ္စည်း တွေနဲ့ ကင်းဖို့ ဆိုတာ မလွယ်ကူလောက်ပါဘူး။ ဒါပေမယ့် ကွန်ပျူတာ အကြည့်များပြီး မျက်လုံးစပ်လာတာ၊ မျက်လုံးအောင့်လာတွေက သင့်မျက်လုံးကို ထိခိုက်နေပြီလို့ လက္ခဏာပြနေတာပါ။

ကိုယ့်အလုပ်က မဖြစ်မနေ ကွန်ပျူတာကို အမြဲကြည့်နေရတဲ့ အလုပ်ဆိုရင် မျက်လုံး မထိခိုက်စေဖို့ အတွက် –

  • ဖုန်း၊ ကွန်ပျူတာ ၁ နာရီလောက်ကြည့်ပြီးရင် ခပ်ဝေးဝေး တစ်နေရာကို ၁၀ မိနစ်လောက် ကြည့်ပေးပါ။
  • ဖုန်း၊ ကွန်ပျူတာကြည့်ရင် မျက်လုံးကို မထိခိုက်စေမယ့် မျက်မှန်တို့ ကွန်ပျူတာ မျက်နှာပြင်က အလင်းရောင်ကို ကာပေးတဲ့ အကာအကွယ် တစ်ခုခု ဖြစ်ဖြစ် သုံးပါ။
  • မျက်တောင် ခတ်ပေးဖို့လည်း မမေ့ပါနဲ့။
  • မျက်လုံး ညောင်းလာရင် မိနစ် ၂၀ လောက် မှိတ်ထားပေးပါ။

(၆) မျက်စိ ကျန်းမာရေး ပုံမှန် စစ်ဆေးပါ

ကိုယ့် မျက်လုံး ပါဝါ ဘယ်လောက်ရှိသလဲ၊ အခြေအနေ ဘယ်လိုရှိသလဲ၊ မျက်စိ အားနည်းနေသလား၊ မျက်မှန်တပ်ဖို့ လိုသလား၊ မျက်မှန်လဲဖို့ လိုသလား စတာတွေကို ဆရာဝန် ဆီမှာ ပုံမှန် စစ်ဆေးဖို့ သင့်ပါတယ်။ ဒါမှ ကိုယ့်ရဲ့ အမြင်အာရုံ ထိခိုက်နေပြီလား၊ မျက်လုံးနဲ့ ပတ်သက်တဲ့ တခြား ရောဂါတွေရော ရှိသေးလား ဆိုတာကို စောစော သိရှိနိုင်မယ်၊ လိုအပ်ရင် အချိန်မီ ကုသနိုင်မယ်၊ နောက်ဆက်တွဲပြဿနာတွေ ကာကွယ်ပြီးသားဖြစ်စေမယ်လေ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ ကော်လာဂျင်က ကျန်းမာရေးအတွက် အကျိုးကျေးဇူးတွေ များပေမယ့်  ကော်လာဂျင်ကို အသားအရေအတွက် အဓိက သောက်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

အကြောက်တရား နဲ့ ကျန်းမာရေး

အကြောက်တရား နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သွေးတိုးသမားတွေ စားပေးရမယ့် အထူးအစားအစာများ

သွေးတိုးသမားဆိုတာ ဟိုဟာမတည့် ဒီဟာမတည့်နဲ့ဆိုတော့ စားရေးသောက်တာမှာ အင်မတန်ခက်ခဲတယ်။ ဒီလို သွေးတိုးသမားတွေ စားပေးရမယ့် အထူးအစားအစာလေးတွေ ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

Pepper Spray နဲ့ ဖြန်းခံထိတဲ့အခါ

Pepper Spray နဲ့ ဖြန်းမိတဲ့အခါ ဘာတွေ လုပ်ရမလဲ။ ဆေးခန်းပဲ ပြေးရမလား။ အိမ်မှာပဲ သက်သာအောင် လုပ်လို့ ရမလား။ ဘာတွေ ဖြစ်နိုင်လဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆီးချို ရှိသူတွေ သတိထားသင့်တဲ့ ရေဓာတ်ခန်းခြောက် ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 9, 2021 . 2 mins read
မုယော ရဲ့ကျန်းမာရေး အာနိသင်

မုယော ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read
home-remedies-for-eye-allergies မျက်လုံး ဓာတ်မတည့်မှု

မျက်လုံး ဓာတ်မတည့်မှု ကို သက်သာစေမယ့် အိမ်တွင်းကုထုံး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 5, 2021 . 2 mins read