ကျန်းမာရေးနဲ့ညီညွတ်မျှတစွာ စားပါ။ ဟင်းသီးဟင်းရွက်နဲ့ သစ်သီးဝလံတွေမှာပါတဲ့ ဓာတ်တိုးဆန့်ကျင်ဗီတာမင်တွေက မျက်စိကျန်းမာရေးအတွက် အထူးသင့်လျော်ပါတယ်။ ကိုက်လန်၊ ဒေါက်ခွ၊ ပန်းပွင့်စိမ်း၊ ပဲအမျိုးမျိုးနဲ့ အခြားဟင်းသီးဟင်းရွက်တွေမှာ မျက်ကြည်လွှာတစ်စိတ်တစ်ပိုင်း ပျက်စီးနေသူတွေအတွက် ကောင်းမွန်းတဲ့ lutein နဲ့ zeaxanthin အပါအဝင် ဓာတ်တိုးဆန့်ကျင် အာဟာရဓာတ်တွေ ကြွယ်ဝစွာပါဝင်ပါတယ်။
အမဲသား၊ ဝက်သား၊ သိုးသား၊ နို့၊ ချိစ်၊ ဒိန်ချဉ်၊ သဘာဝအတိုင်းရရှိတဲ့ cereal တွေနဲ့ ဂျုံပေါင်မုန်စတဲ့ အသားဓာတ်နဲ့ ဇင့်ပါဝင်မှုများတဲ့ အစားအစာတွေကိုလည်း စားသုံးသင့်ပါတယ်။
နောက်ထပ်စားသုံးသင့်တဲ့ အာဟာရကတော့ သံလွင်ဆီလို ကျန်းမာရေးနဲ့ညီညွတ်တဲ့ မပြည့်ဝဆီတွေပဲ ဖြစ်ပါတယ်။ ဒါ့အပြင် Omega-3 fatty acid ကြွယ်ဝတဲ့ ဆယ်လ်မွန်ငါး၊ တူနာငါး၊ အခွံမာသီးတွေက မျက်ကြည်လွှာ ဆိုးဆိုးရွားရွားပျက်စီးနိုင်ချေကို လျော့ကျစေကြောင်း သုတေသနပြု လေ့လာမှုတွေက သက်သေပြထားပါတယ်။
ဒါပေမယ့် ငါးကြီးဆီအားဆေးတွေလို omega-3 ဖြည့်စွက်အားဆေးတွေ သောက်သုံးသူတွေမှာတော့ တူညီတဲ့အကျိုးရလဒ် မရရှိခဲ့ပါဘူး။
- အခြားကျန်းမာရေးပြဿနာတွေကို ဖြေရှင်းပါ။
သင့်မှာ နှလုံးသွေးကြောရောဂါ ဒါမှမဟုတ် သွေးတိုးရောဂါရှိရင် ဒီရောဂါကို ထိန်းချုပ်နိုင်ဖို့ သင့်ဆရာဝန်ရဲ့ညွှန်ကြားချက်တွေကို တိတိကျကျလိုက်နာပြီး ဆေးမှန်မှန်သောက်ဖို့ အရေးကြီးပါတယ်။
လေ့ကျင့်ခန်းပုံမှန်လုပ်ပါ။တစ်နေ့တာစားသုံးတဲ့ ကယ်လိုရီပမာဏကို လျော့ချပြီး ကိုယ်လက်လေ့ကျင့်ခန်း ပိုလုပ်ခြင်းအားဖြင့် ကိုယ်အလေးချိန်လျော့ချနိုင်ပါတယ်။ နေ့စဉ်ပုံမှန် ကိုယ်လက်လေ့ကျင့်ခန်းပြုလုပ်ပါ။ အစားအသောက်ကို ချင့်ချိန်စားပါ။ ပုံမှန်ကိုယ်အလေးချိန်ဖြစ်အောင် ထိန်းသိမ်းပါ။
သင့်ဆရာဝန်နဲ့ ဆွေးနွေးတိုင်ပင်ပြီး မျက်စိစစ်ဆေးရမယ့် အချိန်အပိုင်းအခြားကို သေသေချာချာ သတ်မှတ်ပါ။ စစ်ဆေးရမယ့် အချိန်တစ်ခုနဲ့ တစ်ခုကြားမှာလည်း Amsler grid အသုံးပြုပြီး မိမိဘာသာစစ်ဆေးနိုင်ပါတယ်။ ဒီလိုစစ်ဆေးခြင်းအားဖြင့် dry macular degeneration ကနေ wet macular degeneration အဖြစ် ပြောင်းလဲသွားတဲ့အခြေအနေကို စောစောသိနိုင်ပြီး ဆေးဝါးကုသမှု စောစောခံယူနိုင်မှာ ဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။