အူအတက်ရောင် တယ်ဆိုတာ အူအတက်မပေါက်ခင် အရေးပေါ်ခွဲစိတ်မှုခံယူဖို့ လိုအပ်တဲ့ အခြေအနေပါ။ ကံကောင်းတာက အူအတက်ကို ဖယ်ထုတ်လိုက်လည်း ဘာပြဿနာမှမရှိဘဲ နေလို့ရတာပါပဲ။
မှ အချက်အလက် စစ်ဆေးထားပါသည်။ Dr. Thurein Hlaing Win
အူအတက်ရောင် တယ်ဆိုတာ အူအတက်မပေါက်ခင် အရေးပေါ်ခွဲစိတ်မှုခံယူဖို့ လိုအပ်တဲ့ အခြေအနေပါ။ ကံကောင်းတာက အူအတက်ကို ဖယ်ထုတ်လိုက်လည်း ဘာပြဿနာမှမရှိဘဲ နေလို့ရတာပါပဲ။
ဝမ်းဗိုက်ညာဘက် အောက်နားမှာ ဗိုက်အောင့်တာက အူအတက်ရောင်တဲ့ လက္ခဏာဖြစ်တတ်ပါတယ်။ ဒါပေမယ့် အများစုက ချက်နားတဝိုက်မှာ နာကျင်မှု စတင်ပြီး နောက်မှ ညာဘက်ကို ရွေ့လျားလာတာ ဖြစ်ပါတယ်။ အဲဒီကနေ ကိုယ်လှုပ်ရှားလိုက်တဲ့အခါ၊ အသက်ပြင်းပြင်းရှူတဲ့အခါ၊ ချောင်းဆိုးတဲ့အခါ၊ နှာချေလိုက်တဲ့အခါ ပိုဆိုးလာတတ်ပါတယ်။
ရောင်ရမ်းမှု ပိုပြင်းထန်လာတာနဲ့အမျှ ဗိုက်အောင့်တာပိုဆိုးလာပြီး အချိန်မီမကုသနိုင်ရင် အသက်အန္တရာယ် ရှိလာနိုင်ပါတယ်။ တခြားအဖြစ်များတဲ့ လက္ခဏာတွေကတော့ –
အများအားဖြင့် အသက် ၁၀ နှစ်ကနေ ၃၀ နှစ်အတွင်း အရွယ်တွေမှာ ဖြစ်လေ့ရှိပါတယ်။ ကိုယ့်ရဲ့ မိသားစုဆွေမျိုး တွေမှာ အူအတက်ရောင် ဖြစ်ဖူးတဲ့သူ ရှိရင်လည်း ကိုယ့်မှာ ဖြစ်နိုင်ခြေများနိုင်ပါတယ်။
မစင်၊ ကပ်ပါးပိုး စတဲ့ အရာတစ်ခုခု အူအတက်မှာ ပိတ်ဆို့ရင် အူအတက်ရောင် ခြင်းဖြစ်တတ်ပါတယ်။ ဒီလိုပိတ်ဆို့ရင် အူအတက်မှာ နဂိုကရှိနှင့်ပြီးသား ဘက်တီးရီးယားတွေကို ထိန်းချုပ်မရ ဖြစ်စေပြီး ပိုးဝင် ရောင်ရမ်းစေတာပါ။ အူအတက်ရောင် စေတဲ့ တခြားအကြောင်းရင်းတွေထဲမှာ အစာခြေလမ်းကြောင်း ပိုးဝင်ခြင်းရောဂါတွေနဲ့ အူရောင်ရောဂါ တို့ ပါဝင်ပါတယ်။
များသောအားဖြင့်တော့ အူအတက်ရောင်ရင် ခွဲစိတ်ဖယ်ရှားရတာပါပဲ။ အထူးသဖြင့် အူအတက်ပေါက်ရင်ပေါ့။ အူအတက် မပေါက်သေးဘဲ ရောင်ရမ်းကာစအချိန် ဆိုရင်တော့ ဆရာဝန်က ပဋိဇီဝပိုးသတ်ဆေး နဲ့ပဲ ထိန်းပြီး ကုသပေးလို့ရပါတယ်။
ဒါပေမယ့် အူအတက် ရှိနေသရွေ့ နောက်တစ်ကြိမ် ထပ်ရောင်နိုင်၊ ပေါက်နိုင်တဲ့ အန္တရာယ်ရှိနေတာမို့ ခွဲစိတ်ဖယ်ရှားဖို့ပဲ ဆရာဝန်က အကြံပြုပါလိမ့်မယ်။
အူအတက် ခွဲစိတ်ပြီး ပြန်သက်သာမယ့် ကြာချိန်က လူနာရဲ့ ကျန်းမာရေးအခြေအနေ၊ ရောဂါအခံ၊ ကုသမှုအမျိုးအစားကို မူတည်ပါတယ်။
ဆေးရုံဆင်းတဲ့အခါ ဆရာဝန်ညွှန်ကြားတဲ့ ဆေးဝါးတွေကို မှန်အောင် သောက်ပါ။ ညွှန်ကြားလိုက်တဲ့ ဆောင်ရန်ရှောင်ရန်တွေ၊ အနာဂရုစိုက်ပုံတွေကို သေချာမှတ်သား လိုက်နာဖို့ အရေးကြီးပါတယ်။
ဒီကာလ အတွင်းမှာ အစာအာဟာရ ကိုလည်း ညီညွတ်မျှတအောင် စားသုံးဖို့၊ ကျန်းမာရေးနဲ့ မညီတာတွေ ကို ရှောင်ဖို့ ပြင်းထန်တဲ့ လှုပ်ရှားမှုတွေ မလုပ်ဖို့ သတိထားရပါမယ်။
အူအတက်ခွဲစိတ်မှု နောက်ပိုင်း လုံးဝအပြီး ပြန်ကျန်းမာလာဖို့က သီတင်းပတ် အတော်ကြာနိုင်ပါတယ်။ အနာပိုးဝင်တာ လိုမျိုး နောက်ဆက်တွဲပြဿနာတွေ ရှိလာရင်တော့ ပိုပြီးကြာနိုင်ပါတယ်။
ခွဲစိတ်မှု နောက်ပိုင်း –
Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများ မပြုလုပ်ပေးပါ။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Thurein Hlaing Win
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။