ဆီးချိုသွေးချိုရောဂါ ဖြစ်နိုင်ခြေမြင့်စေသော အကြောင်းအရာများစွာ ရှိပါတယ်။ သင့်ဆီမှာ ဖြစ်နိုင်ခြေရှိ၊ မရှိ သိရအောင် အောက်ပါအချက်တွေကို မှတ်သားဖတ်ရှုနိုင်ပါတယ်။
ဆီးချိုသွေးချိုရောဂါ ဖြစ်နိုင်ခြေမြင့်စေသော အရာများ
ဆီးချိုသွေးချိုရောဂါ ဖြစ်နိုင်ခြေမြင့်စေသော အရာများ အကြောင်း လေ့လာကြည့်လိုက်ရအောင်နော်။
အမျိုးအစား (၁) ဆီးချိုရောဂါ
သုတေသနပြုချက်များအရ အမျိုးအစား (၁) ဆီးချိုရောဂါ အကြောင်းကို တိကျစွာမသိရပေမယ့် ဖြစ်နိုင်ခြေမြင့်တက်စေတဲ့ အကြောင်းအရာတွေ ရှိပါတယ်။
- မိသားစုရာဇဝင်။ သင့်ရဲ့ မိဘနဲ့ မွေးချင်းတွေမှာရှိရင် သင့်မှာ ဖြစ်နိုင်ခြေမြင့်ပါတယ်။
- ပတ်ဝန်းကျင်အခြေအနေ။
- ကိုယ်ခံအားဆဲလ်များ ပျက်စီးခြင်း။ မိမိကိုယ်ကို တိုက်ထုတ်တဲ့ ခုခံပစ္စည်းတွေ ဖြစ်ပါတယ်။ ဒါပေမယ့် သူတို့ကြောင့် လူတိုင်းမှာတော့ ဆီးချို မဖြစ်တတ်ပါဘူး။
- စားသောက်မှုပုံစံ။ တချို့လေ့လာချက်တွေမှာ နွားနို့ကို စောစီးစွာ စသောက်ဖူးခြင်း၊ ဗီတာမင်ဒီ စားသုံးမှု နည်းခြင်း၊ အသက်လေးလမတိုင်မီ အစေ့အဆန်များ ကျွေးခြင်း စတာတွေကြောင့်လို့ ဆိုပါတယ်။ ဒါပေမယ့် ဒီအကြောင်းအရာတွေဟာ အမျိုးအစား (၁) ဆီးချိုနဲ့ တိုက်ရိုက် ဆက်စပ်နေကြောင်း အတိအကျ မပြောနိုင်ကြပါဘူး။
အမျိုးအစား (၂) ဆီးချို
အချို့အကြောင်းအရာတွေဟာ ဖြစ်ပွားနိုင်ခြေကို မြင့်တက်စေပါတယ်။
- ကိုယ်အလေးချိန်များခြင်း
- လှုပ်ရှားမှုနည်းခြင်း။ လှုပ်ရှားမှုနည်းလေ၊ အဖြစ်များလေပါပဲ။ ကိုယ်လက်လှုပ်ရှားခြင်းဟာ သင့်ရဲ့ ကိုယ်အလေးချိန်ကို ထိန်းချုပ်ဖို့၊ ဂလူးကို့စ်ကို စွမ်းအင်အနေနဲ့ ရယူဖို့၊ သင့်ရဲ့ဆဲလ်တွေဟာ အင်ဆူလင်ကို ပိုပြီးအာရုံခံမိစေဖို့ အရေးကြီးတဲ့ လုပ်ငန်းဖြစ်ပါတယ်။
- မိသားစုရာဇဝင်။ သင့်ရဲ့ မိဘနဲ့ မွေးချင်းတွေမှာ အမျိုးအစား (၂) ဆီးချိုဖြစ်ရင် သင့်မှာလည်း ဖြစ်နိုင်ခြေ ပိုများပါတယ်။
- လူမျိုးစု။ ဟစ်ပန်းနစ်၊ အမေရိကန် အင်ဒီးယန်း၊ အာရှ၊ အမေရိကန် တွေမှာ ဖြစ်နိုင်ခြေ ပိုများပါတယ်။ အကြောင်းရင်းတော့ သေချာမသိသေးပါဘူး။
- အသက်အရွယ်။ အသက်ကြီးလာတာနဲ့အမျှ ဖြစ်နိုင်ခြေ ပိုများလာပါတယ်။ ဒါပေမယ့် အမျိုးအစား (၂) ဆီးချိုဟာ ကလေးများ၊ အရွယ်ရောက်ခါစ လူငယ်များမှာ အဖြစ်များတာကို တွေ့လာရပါတယ်။
- ကိုယ်ဝန်ဆောင်စဉ်ဆီးချိုဖြစ်ခြင်း။ ကိုယ်ဝန်ဆောင်စဉ်ကာလမှာ ဆီးချိုဖြစ်ရင် နောင်မှာ ဆီးချိုဖြစ်နိုင်ခြေ မြင့်လာတတ်ပါတယ်။
- အမျိုးသမီးများတွင် ဖြစ်တတ်သော Polycystic ovary syndrome ရောဂါ (သားဥအိမ်အရည်အိတ်တည်ခြင်း ရောဂါစု)။ ဒီရောဂါရှိနေရင်လည်း အမျိုးအစား ၂ ဆီးချိုရောဂါ ဖြစ်တတ်ပါတယ်။
- သွေးတိုးခြင်း။ သွေးပေါင်ချိန် ၁၄၀/၉၀ နဲ့ အထက်ကို တက်ခြင်းဟာ အမျိုးအစား (၂) ဆီးချိုဖြစ်နိုင်ခြေ များပါတယ်။
- ပုံမှန်မဟုတ်သော ကိုလက်စထရောနဲ့ triglyceride မြင့်တက်ခြင်း
ကိုယ်ဝန်ဆောင်ဆီးချိုရောဂါ
အမျိုးသမီးတိုင်းဟာ ကိုယ်ဝန်ဆောင်ချိန်မှာ ဆီးချိုဖြစ်တတ်ပေမယ့် အချို့အမျိုးသမီးများဟာ သူများတွေထက် ဖြစ်နိုင်ခြေ များပါတယ်။ အောက်ပါ အချက်တွေဟာ ဖြစ်နိုင်ခြေ မြင့်တက်စေပါတယ်။
- အသက်အရွယ်။ ၂၅ နှစ်ထက်ကြီးတဲ့ အမျိုးသမီးတွေ ဖြစ်နိုင်ခြေ ပိုများပါတယ်။
- ကိုယ်အလေးချိန်။ ကိုယ်ဝန်မဆောင်မီ ကိုယ်အလေးချိန် များတာဟာ ဖြစ်နိုင်ခြေပိုများစေပါတယ်။
- မိသားစုနဲ့ မိမိရာဇဝင်။ မိဘများ၊ မွေးချင်းများမှာ အမျိုးအစား (၂) ဆီးချို ဖြစ်တာရှိရင် ဖြစ်နိုင်ခြေ ပိုများပါတယ်။ ယခင် ကိုယ်ဝန်ဆောင်ခဲ့ချိန်မှာ ဆီးချိုဖြစ်ဖူးရင်၊ ကလေးကြီးကြီး မွေးဖူးရင် ဖြစ်နိုင်ခြေ ပိုများပါတယ်။
[embed-health-tool-bmi]
