စျေးသက်သာပြီး သိုလှောင်သိမ်းဆည်းရလွယ်ကူတဲ့ အောက်ဖို့ဒ် ကိုဗစ်ကာကွယ်ဆေး

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date နိုဝင်ဘာ 24, 2020 . 2 mins read
Share now

ကိုဗစ်ကာကွယ်ဆေးတွေ တစ်မျိုးပြီး တစ်မျိုး အောင်မြင်လာတာ ဝမ်းသာစရာသတင်းပါပဲ။ ဒီနိုဝင်ဘာလထဲမှာပဲ ကာကွယ်ဆေး သတင်းကောင်းတွေက ရက်ဆက်ဆိုသလို ကြားနေရတာပါ။ လအစမှာ Pfizerနဲ့  Modernaက ကာကွယ်ဆေးတွေ အောင်မြင်လုနီးပါး ဖြစ်နေပြီဆိုတာကို ကြေညာပြီး မရှေးမနှောင်းမှာပဲ အောက်ဖို့ဒ်ကလည်း သူ့ကာကွယ်ဆေးက ၉၀ရာခိုင်နှုန်းကျော် ထိရောက်တယ်ဆိုတာ နိုဝင်ဘာ ၂၃ရက်နေ့က ကြေညာခဲ့ပြန်ပါတယ်။

အောက်ဖို့ဒ်ရဲ့ ကိုဗစ်ကာကွယ်ဆေး

အောက်ဖို့ဒ်နဲ့ AstraZenecaတို့ ပူးပေါင်းပြီး ထုတ်လုပ်တဲ့ ကာကွယ်ဆေးက ခုဆိုရင် စမ်းသပ်ဆဲ အဆင့် ၃ကို အောင်မြင်သွားပြီလို့ ပြောလို့ရပါတယ်။ နည်းလမ်းနှစ်မျိုးနဲ့ စမ်းသပ်ပြီးတဲ့နောက်မှာ ပျမ်းမျှခြင်း ၇၀.၄ ရာခိုင်နှုန်း အောင်မြင်မှု ရှိတာကို တွေ့ရပါတယ်။

နည်းလမ်း နှစ်မျိုးမှာ ပထမနည်းလမ်းက ၉၀ရာခိုင်နှုန်း အောင်မြင်ပြီး ဒုတိယနည်းလမ်းက ၆၂ ရာခိုင်နှုန်း အောင်မြင်ပါတယ်။ နည်းလမ်း နှစ်ခုလုံးမှာ ကာကွယ်ဆေးကို နှစ်ခါထိုးပေးခဲ့ပါတယ်။

ပထမနည်းလမ်းမှာ ပမာဏတစ်ဝက်တစ်ခါ၊ ပမာဏ အပြည့် တစ်ခါ ထိုးပေးခဲ့ပါတယ်။ ဒါက ၉၀ရာခိုင်နှုန်း အောင်မြင်ပါတယ်။ နှစ်ခါလုံး ပမာဏအပြည့် ထိုးခဲ့တဲ့ ဒုတိယနည်းလမ်းကတော့ ၆၂ရာခိုင်နှုန်း ကာကွယ်နိုင်ပါတယ်။ ဒါကြောင့် တကယ်လက်တွေ့ ထိုးရမယ်ဆိုရင် ပထမနည်းလမ်းနဲ့ ထိုးပေးမှာပါ။

သူ့ကာကွယ်ဆေးက အအေးမိပိုးဖြစ်တဲ့ Adenovirusကို အားပျော့အောင် လုပ်ထားတာပဲ ဖြစ်ပါတယ်။ လူ့ခန္ဓာကိုယ်ထဲရောက်ရင် ဒုက္ခမပေးနိုင်အောင် မျိုးဗီဇပြောင်းလဲထားတာပဲ ဖြစ်ပါတယ်။

စမ်းသပ်မှုမှာ လူပေါင်း ၂၄ ၀၀၀ပါဝင်ပြီး ယူကေ၊ ဘရာဇီးနဲ့ တောင်အာဖရိကက လူမျိုးပေါင်းစုံပါဝင်ခဲ့ပါတယ်။ နှစ်ကုန်ပိုင်းမှာ ဆက်လုပ်မယ့် စမ်းသပ်မှုမှာဆိုရင် ယူအက်စ်၊ ကင်ညာ၊ ဂျပန်နဲ့ အိန္ဒိယက လူတွေနဲ့ဆိုရင် စုစုပေါင်း ၆၀၀၀၀လောက် ပါဝင်လာဦးမှာပါ။

ကာကွယ်ဆေးက အသက်ကြီးတဲ့သူတွေ အပါအဝင် အသက်အရွယ်စုံမှာ ခုခံအား ပဋိပစ္စည်း ကောင်းကောင်းထွက်တာကို တွေ့ရပါတယ်။ ကာကွယ်ဆေးထိုးတဲ့သူတွေထဲမှာ ပြင်းထန်တဲ့အခြေအနေ၊ ဆေးရုံတက်ရတဲ့ အခြေအနေမျိုးလည်း မရှိပါဘူး။

အောက်ဖို့ဒ် ကိုဗစ်ကာကွယ်ဆေးရဲ့ အားသာချက်

သူ့ရဲ့ အားသာချက်က

-ပမာဏတစ်ဝက်တစ်ခါ၊ ပမာဏ အပြည့်တစ်ခါ နှစ်ခါထိုးတဲ့ နည်းလမ်းမှာ ကူးစက်မှုကိုပါ လျှော့ချနိုင်တာ တွေ့ရပါတယ်။ ကာကွယ်ဆေးထိုးထားတဲ့သူတွေမှာ ပိုးဝင်ပြီး လက္ခဏာမပြတဲ့ အခြေအနေတောင် မဖြစ်ပါဘူး။ ဒါကို သေချာပြောဖို့ကတော့ ဒေတာတွေကို ထပ်စောင့်ရပါဦးမယ်။

သိုလှောင်တဲ့ အပူချိန်က ၂-၈ ဒီဂရီစင်တီဂရိတ်မှာ (အိမ်သုံးရေခဲသေတ္တာ) သိမ်းဆည်းထားနိုင်တာပဲ ဖြစ်ပါတယ်။ ဒါကြောင့် မြန်မာနိုင်ငံ အပါအဝင် နိုင်ငံတော်တော်များများကို သယ်ယူပို့ဆောင်တဲ့နေရာမှာ၊ သိုလှောင်သိမ်းဆည်းတဲ့နေရာမှာ အဆင်ပြေစေပါလိမ့်မယ်။

-အောက်ဖို့ဒ်ရဲ့ ကာကွယ်ဆေးက တကယ်သာ အောင်မြင်မယ်ဆိုရင် တတိယနိုင်ငံ (low- and midle-income countries)တွေကို ဖြန့်ဖြူးမယ့် ကာကွယ်ဆေးရဲ့ ၄၀ရာခိုင်နှုန်းအဖြစ်ပါဝင်လာမှာ ဖြစ်ပါတယ်။ ဒါကြောင့် မြန်မာနိုင်ငံအနေနဲ့ မျှော်လင့်ချက် ပိုများလာပါပြီ။

-စျေးနှုန်းကလည်း တစ်လုံးကို ၄ဒေါ်လာစွန်းစွန်းပဲ ကျမယ်လို့ ဆိုပါတယ်။

ကာကွယ်ဆေးတွေက တစ်နေ့ထက် တစ်နေ့ ပိုပိုပြီး အောင်မြင်လာတာကြောင့် ကိုဗစ်ကြီး ပြီးဖို့ဆိုတာ မဝေးတော့ပါဘူး။ ကာကွယ်ဆေးတွေ မရခင်အထိတော့ တစ်ကိုယ်ရည်ကာကွယ်နည်းတွေဖြစ်တဲ့ လက်ဆေးတာ၊ နှာခေါင်းစည်းတပ်တာ၊ လူစုလူဝေးရှောင်တာတွေ ကျင့်သုံးပြီး ကျန်းမာအောင်နေကြပါလို့ အကြံပြုချင်ပါတယ်။

COVID-19 Outbreak updates
Country: Myanmar
Data

117,946

Confirmed

97,819

Recovered

2,484

Death
Distribution Map

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အပ်ကြောက် လို့ ကာကွယ်ဆေးမထိုးချင်ဘူးဆို ဒီနည်းလမ်းတွေ လုပ်ကြည့်ပါ။

အပ်ကြောက် တဲ့သူတွေ ကာကွယ်ဆေးထိုးမယ်ဆို ဘာတွေ ပြင်ဆင်ထားသင့်သလဲ။ ကာကွယ်ဆေးလည်း ထိုးချင်တယ်၊ အပ်လည်းကြောက်တယ်ဆိုရင် ဘယ်လိုလုပ်လို့ရနိုင်မလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကိုဗစ်ကာကွယ်ဆေးနဲ့ ဓာတ်မတည့်ခြင်း ဆိုတာ

ဓာတ်မတည့်ခြင်း ဆိုတာဘာလဲ။ အန္တရာယ်ရှိလား။ ကိုဗစ်ကာကွယ်ဆေး ထိုးပြီးရင်ရော ဓာတ်မတည့်တာ ဖြစ်နိုင်သလား။ မဖြစ်အောင် ဘာတွေ ကြိုပြင်ဆင်ထားရမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကိုဗစ်ကာကွယ်ဆေး မထိုးခင် ဒါအရင် ဖတ်သွားပါ။

ကိုဗစ်ကာကွယ်ဆေး မထိုးခင်မှာ ဘာတွေ ပြင်ဆင်ထားရမလဲ။ ဘာတွေရှာင်ကြဉ်ရမလဲ။ ဆေးထိုးပြီးတဲ့အခါ ကိုယ့်ကိုယ်ကို ဘယ်လိုဂရုစိုက်မလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

Covishield ကာကွယ်ဆေးနဲ့ အမေးများတဲ့မေးခွန်းများ

Covishield ကာကွယ်ဆေး ထိုးရတော့မယ်ဆိုတော့ ကိုယ့်အနေနဲ့ ထိုးလို့ရလား၊ မရဘူးလားအပြင် တခြားအမေးများတဲ့မေးခွန်းတွေကို ကျန်းမာရေးဝန်ကြီးဌာနက ဖြေကြားပေးထားပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

နေပူ ထဲမှာ အကြာကြီး လမ်းလျှောက်ရမယ်ဆိုရင် ဘာတွေသတိထားသင့်လဲ။

နေပူ ထဲမှာ အကြာကြီး လမ်းလျှောက်ရမယ်ဆိုရင် ဘာတွေသတိထားသင့်လဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 2 mins read
how to prevent covid when you have to be in a crowd

လူစုလူဝေးအကြားမှာ ကိုဗစ်အန္တရာယ် ကင်းကင်းနဲ့ နေနိုင်ဖို့ဆိုရင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 2 mins read
သတိ ကိုဗစ် ရှိသေးသည်

သတိ ကိုဗစ်ရှိသေးသည်

ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 8, 2021 . 2 mins read
နီးနီးနားနား Camping သွား ဒီအချက်တွေသတိထား

နီးနီးနားနား Camping သွား ဒီအချက်တွေသတိထား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 2, 2021 . 3 mins read