COVID-19 ရန် ကာကွယ်ဖို့ အချိန်ဘယ်လောက်ပေးပြီး လေ့ကျင့်ခန်းလုပ်ရမလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date အောက်တိုဘာ 26, 2020 . 2 mins read
Share now

WHO ကတော့ COVID-19 ကပ်ဘေးကာလမှာ လူတိုင်း အသက်အရွယ်တိုင်း ကိုယ်လက် လေ့ကျင့်ခန်း တွေ ပြုလုပ်ဖို့ လိုအပ်တယ်လို့ တိုက်တွန်းထားပါတယ်။ ကိုယ်လက်လေ့ကျင့်ခန်း ပြုလုပ်တာဟာ ခန္ဓာကိုယ်ရဲ့ ကိုယ်ခံအားစနစ်ကို တိုးတက်လာအောင် မြှင့်တင်ပေးတာမို့ ရောဂါကာကွယ်ရေးမှာ တစ်ဖက်တစ်လမ်းက အထောက်အကူဖြစ်စေတယ်လို့ ဆိုထားတာပါ။

ဒါတင်မကပါဘူး။ ကိုယ်လက်လေ့ကျင့်ခန်း ပုံမှန်ပြုလုပ်တာဟာ ကိုယ်ခံအားစနစ်ကိုသာမက စိတ်ပိုင်းဆိုင်ရာ အခြေအနေတွေကိုလည်း တိုးတက်ကောင်းမွန်စေနိုင်ပါတယ်။ ဒါကြောင့် နေ့စဉ် သင့်လျော်တဲ့ လေ့ကျင့်ခန်းမျိုးတွေကို ပြုလုပ်ပေးမယ်ဆိုရင် COVID-19 ရောဂါ ကာကွယ်ရေးမှာ တစ်ဖက်တစ်လမ်းကနေ အကျိုးရှိစေမှာဖြစ်ပါတယ်။

ကပ်ဘေးကာလမှာ လူတိုင်းနီးပါး နေအိမ်တွေမှာ Stay at Home အဖြစ်နေထိုင်ကြရတာမို့ ကိုယ်လက်လေ့ကျင့်ခန်းပြုလုပ်ဖို့ အချိန်တွေ အရင်ကထက်ပိုပြီး ရရှိလာကြပါပြီ။ နေ့စဉ်လေ့ကျင့်ခန်းပြုလုပ်ပေးတာက အလေ့အကျင့်ရသွားရင် တစ်သက်လုံးယူဆောင်သွားသင့်တဲ့ အလေ့အကျင့်ကောင်းလေးလည်းဖြစ်ပါရဲ့။

WHO ကတော့ Be Active ဆိုတဲ့ ကမ်ပိန်းလေးပြုလုပ်ပြီး လူတိုင်း လေ့ကျင့်ခန်းပြုလုပ်ဖို့ တိုက်တွန်းပြောဆိုနေပါတယ်။ ဒီနည်းလမ်းဟာ အာဟာရပြည့်ဝအောင်စားသောက်တာ၊ အိမ်ပြင်မထွက်တာ၊ လက်ကိုသန့်စင်အောင်ဆေးတာတွေနဲ့ ပေါင်းစပ်လိုက်ရင် သင့်ဆီကို ကိုဗစ်မကူးစက်လာစေဖို့နဲ့ ကျန်းမာစေဖို့ အများကြီးအထောက်အကူဖြစ်သွားစေမယ်မဟုတ်လား။

အသက်အရွယ်အလိုက် ဘယ်လိုလေ့ကျင့်ခန်းလုပ်ကြမလဲ

လေ့ကျင့်ခန်း လုပ်ကြတာတော့ ဟုတ်ပါပြီ။ ဘာတွေကို ဘယ်လိုလုပ်ကြမှာတဲ့တုန်း။ ကျွမ်းကျင်သူတွေရဲ့ အဆိုအရတော့ ကိုယ်နဲ့ကိုက်ညီတဲ့ လေ့ကျင့်ခန်းကို Gym Trainer တွေနဲ့ ညှိနှိုင်းတိုင်ပင်ပြီး လုပ်ဖို့ အကြံပေးပါတယ်။

ခုလိုကပ်ဘေးကာလမှာ Gym ကိုလည်း ဘယ်သူမှ မသွားနိုင်ကြပါဘူး။ ကိုယ်က ခုမှ လေ့ကျင့်ခန်းစလုပ်မယ်လူဆိုရင် ဘယ် Gym Trainer နဲ့မှလည်း သိကျွမ်းဖို့ မလွယ်ကူပါဘူး။

ဒီလိုမျိုးဆိုရင်တော့ လူမှုကွန်ယက်တွေ၊ Application တွေ၊ Youtube လို ဒစ်ဂျစ်တယ် ပလက်ဖောင်းတွေကို အသုံးချပြီး လေ့လာနိုင်ပါတယ်။ ဒီအရာတွေကနေတဆင့် လွယ်ကူပြီး ကိုယ်လိုက်ပြီး လုပ်နိုင်မယ့် လေ့ကျင့်ခန်းအမျိုးအစားတွေကို စတင်လေ့လာပြုလုပ်နိုင်ပါတယ်။ အချိန်ကြာလာတာနဲ့အမျှ လုပ်နိုင်စွမ်းနဲ့ စွမ်းဆောင်ရည်မြင့်တက်လာမှာပါ။

ပုံမှန်အားဖြင့်ဆိုရင်တော့ အသက်ရှူလေ့ကျင့်ခန်းလုပ်တာ၊ ၃-၄ မိနစ်လောက် ရုပ်ပိုင်းဆိုင်ရာ လှုပ်ရှားရတဲ့ လေ့ကျင့်ခန်းလုပ်တာနဲ့ လမ်းလျှောက်တာ၊ အကြောလျော့တာတွေကို သွေးလည်ပတ်မှုကောင်းစေဖို့၊ အရိုးနဲ့ ကြွက်သားတွေ တိုးတက်စေဖို့ နေ့စဉ်ပြုလုပ်ပေးသင့်တယ်လို့ WHO က ဆိုပါတယ်။

ခုလို နေေ့စဉ်ပြုလုပ်ပေးခြင်းအားဖြင့် စိတ်ပိုင်းရော ရုပ်ပိုင်းရော ကျန်းမာလာစေမှာဖြစ်တယ်လို့ဆိုထားပြီး COVID-19 ကိုသာမက နှလုံးရောဂါ၊ လေဖြတ်တာ၊ စိတ်ဓာတ်ကျတာမှတ်ဉာဏ်ပျောက်ဆုံးတာဆီးချိုနဲ့ ကင်ဆာအမျိုးမျိုးကိုပါ ကာကွယ်ပေးနိုင်လိမ့်မယ်လို့လည်း လမ်းညွှန်ထားပါတယ်။

အသက်အရွယ်အလိုက်ဆိုရင်တော့ အောက်ပါအတိုင်း လေ့ကျင့်ခန်းတွေပြုလုပ်သင့်ပါတယ်။

  • ၁ နှစ်အထက်ကလေးငယ်တွေ – ဒီအသက်အရွယ် ကလေးငယ်တွေအနေနဲ့လည်း ကိုယ်လက်လှုပ်ရှားမှုရှိသင့်ပါတယ်။ တစ်နေ့ကို အကြိမ်နည်းနည်းစီနဲ့ မိနစ် ၃၀ လောက် ကိုယ်လက်ကို လှုပ်ရှားတာ ကြမ်းပြင်ပေါ်မှာ ကစားတာမျိုးတွေ ပေးလုပ်သင့်ပါတယ်တဲ့။
  • ၁ နှစ်မှ ၅ နှစ် – ဒီအရွယ် ကလေးငယ်တွေအနေနဲ့ တစ်နေ့မှာ ကိုယ်လက်လှုပ်ရှားမှုပါဝင်တဲ့ ကစားချိန် မိနစ် ၆၀ ကနေ ၁၈၀ အနည်းဆုံးရှိဖို့ လိုအပ်ပါတယ်။
  • ၅ နှစ်မှ ၁၇ နှစ် – ခုအသက်အရွယ် လူငယ်တွေအနေနဲ့ တစ်နေ့မှာ မိနစ် ၆၀ လောက်ကိုယ်လက်လှုပ်ရှားမှု၊ ကစားမှုတွေ ပြုလုပ်ပေးဖို့ လိုအပ်မှာဖြစ်ပြီးတော့ အရွယ်နည်းနည်းရတဲ့ကလေးတွေအနေနဲ့ အရိုးနဲ့ ကြွက်သားလေ့ကျင့်ခန်းတွေကို တစ်ပတ်မှာ ၃ ရက်လောက် ပြုလုပ်သင့်ပါတယ်။
  • ၁၈ နှစ်အထက် – ကြီးကောင်ဝင်ပြီး လူကြီးဘဝစရောက်ပြီဖြစ်တဲ့ ဒီအသက်အရွယ်မှာတော့ တစ်ပတ်ကို အနည်းဆုံး မိနစ် ၁၅၀ လောက် ကိုယ်လက်လှုပ်ရှားလေ့ကျင့်ခန်းလုပ်ပေးဖို့ လိုအပ်မှာဖြစ်ပါတယ်။ အကောင်းဆုံးအခြေအနေမျိုးကိုပိုင်ဆိုင်ချင်ရင်တော့ တစ်ပတ်ကို မိနစ် ၃၀၀ ဝန်းကျင် လေ့ကျင့်ခန်းပြုလုပ်ပေးသင့်ပါတယ်။ ကြွက်သားနဲ့ အရိုးတွေအတွက်ကိုလည်း တစ်ပတ်ကို ၂ ရက်နဲ့ အထက် လေ့ကျင့်ခန်း သီးသန့်လုပ်ပေးသင့်ပါတယ်တဲ့။

ဒါ့အပြင် ကိုယ်အလေးချိန်မတိုးလာဖို့နဲ့ ကျန်းမာနေဖို့ အောက်ပါနည်းလမ်းတွေကိုလည်း လိုက်နာကျင့်သုံးနိုင်ပါတယ်။

  • အချို အငန်ကဲတဲ့အစားအစာတွေကို လျှော့စားတာ၊
  • အစားအစားရာမှာ Diet အစီအစဉ်ပြုလုပ်ပြီးစားတာ၊
  • အပြင်စာတွေ မှာယူစားသောက်တဲ့ အကျင့်ကို လျှော့ချတာ၊
  • အိပ်ရေးဝဝ အိပ်တာ၊
  • စိတ်ဖိစီးမှုနဲ့ ပူသင်သောကတွေကို လျှော့ချတာ၊
  • Work from Home ကာလမှာ တောက်လျှောက်ထိုင်ပြီး အလုပ်မလုပ်ပဲ မကြာခဏအညောင်းအညာဖြေ လမ်းထလျှောက်ပေးတာ၊
  • အရက်နဲ့ အယ်လ်ကိုဟောပါဝင်တဲ့ အဖျော်ယမကာသောက်သုံးမှုကို ရပ်တန့်ပစ်တာစတာတွေပါပဲ။

ကိုဗစ်ရောဂါကို တိုက်ထုတ်ဖို့ ကာကွယ်ဆေးတွေ၊ ကုသဆေးတွေ ပေါ်ထွက်လာခြင်းမရှိသေးပါဘူး။ ဒီရောဂါဆိုးကြီးဟာ နောက်ထပ် ၁ လ၊ ၁ နှစ်စသဖြင့် ဘယ်လောက်မဆို အချိန်ကြာသွားနိုင်ပါတယ်။

ဒီလိုအခြေအနေမှာ ရောဂါဆိုးကိုရှောင်ကြဉ်ရင်း တခြားရောဂါဆိုးတွေ ထပ်ဝင်မလာအောင် ဂရုတစိုက်နေထိုင်ဖို့အတွက် လေ့ကျင့်ခန်းလုပ်တာက အကောင်းဆုံးနည်းလမ်းဖြစ်ပါတယ်။ ကိုဗစ်ကြီးပြီးတဲ့အခါ ကျန်းမာကြံ့ခိုင်ပြီး ပျော်ရွှင်စရာ ပုံမှန်ဘဝကို ပြန်လည် ရယူနိုင်ဖို့လည်း ခုပဲ လေ့ကျင့်ခန်းလုပ်ကြရအောင်။

COVID-19 Outbreak updates
Country: Myanmar
Data

80,505

Confirmed

59,888

Recovered

1,765

Death
Distribution Map

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ပိုမိုကောင်းမွန်တဲ့ ရလဒ်နဲ့အတူ အောင်မြင်မှုလမ်းကြောင်းပေါ်ရောက်ရှိလာတဲ့ အမေရိကန်ရဲ့ ကိုဗစ်ကာကွယ်ဆေး

ကမ္ဘာတစ်လွှားမှာ ကိုဗစ်ကြောင့် စီးပွားရေးတွေ ထိခိုက်နေရသလို ဆုံးရှုံးနေရတဲ့ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

Covid-19နဲ့ ပတ်သက်ပြီး ကိုယ်ဝန်ဆောင်မိခင် တွေ ဘာတွေသိထားသင့်လဲ

ကိုယ်ဝန်ဆောင်မိခင် ကနေ ကလေးဆီကို ကိုဗစ်ပိုးကူးစက်တာမျိုး မတွေ့ရသေးပေမယ့် မိခင်တွေဟာ ကူးစက်ခံရရင် သူများထက် အန္တရာယ်ရှိတာကြောင့် အထူးဂရုစိုက်သင့်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကိုဗစ်ကာလမှာ Gym ပြန်ကစားတော့မယ်ဆိုရင်…

ကိုဗစ် ကပ်ဘေး Gym Mask ပိုးသန့်စင် ရောဂါပိုး ကူးစက် အရက်ပြန် အသက်ရှူ အလေးတုံး လေ့ကျင့်ခန်း ရေချိုး ချောင်းဆိုး နှာချေ နည်းပြဆရာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

ကိုရိုနာဗိုင်းရပ်စ်များအကြောင်း

ကိုရိုနာဗိုင်းရပ်စ်တွေမှာ မျိုးကွဲအများကြီးရှိပြီး MERS-CoV၊ SARS-CoVနဲ့ SARS-CoV-2က အပြင်းထန်ဆုံး ဖြစ်ပါတယ်။ မားစ်၊ ဆားစ်နဲ့ COVID-19ကို ဖြစ်စေပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

COVID-19အကြောင်း တစေ့တစောင်း

COVID-19အကြောင်း တစေ့တစောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 23, 2020 . 3 mins read
ဆောင်းအအေး နဲ့ ကိုဗစ်

ဆောင်းအအေး နဲ့ ကိုဗစ်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 20, 2020 . 2 mins read
စပွန်ဆာ
ကာကွယ်ဆေး တွေအတွက် သိုလှောင်အပူချိန်က ဘယ်လောက်ထိအရေးကြီးသလဲ။

ကာကွယ်ဆေး တွေအတွက် သိုလှောင်အပူချိန်က ဘယ်လောက်ထိအရေးကြီးသလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် နိုဝင်ဘာ 19, 2020 . 2 mins read
COVID-19 ကာကွယ်ဆေး တန်ကြေးက သေးပါ့မလား

COVID-19 ကာကွယ်ဆေး တန်ကြေးက သေးပါ့မလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် နိုဝင်ဘာ 18, 2020 . 3 mins read