ကိုဗစ်ဖြစ်ပြီးခါစ၊ အဖျားလေးတော့ ကျန်သေးတယ်။ ရက်ပြည့်ပြီဆိုလည်း သွားမထိုးပါနဲ့။ သာမန်နဲ့ မပြင်းထန်လူနာတွေက လက္ခဏာပြစကစပြီး ၁၁ရက်၊ ရက်ပြည့်ပေမယ့် ဆေးမသောက်ဘဲ အဖျားလုံးဝမရှိတာ ၁ရက်ပြည့်မှ သက်သာတယ်လို့ ပြောလို့ရတာပါ။ ရက်တော့ မပြည့်သေးဘူး၊ Antibody ထွက်နေပြီဆိုလည်း မရပါဘူး။ ရက်မပြည့်သေးရင် သူများကို ကူးနိုင်ခြေ ရှိပါတယ်။
အကောင်းဆုံးကတော့ လောလောလတ်လတ် ဖြစ်ထားတဲ့သူတွေက သွားမထိုးပါနဲ့ဦး။ ပိုးကူးရာကနေ ခုခံအားရနေပြီဖြစ်တဲ့အတွက် ခုခံအား မရှိသေးတဲ့သူတွေကို ဦးစားပေးပါ။ ထိုးချင်တယ်ဆို ရောဂါသက်သာပြီး ရက် ၉၀ ပြည့်မှ ထိုးပါ။
လက်ရှိမှာ လက္ခဏာခံစားနေရတဲ့ သူတွေကတော့ လုံးဝကို သွားမထိုးသင့်ပါဘူး။
ကိုဗစ်လက္ခဏာတော့ မရှိဘူး။ ကိုဗစ်ရောဂါ ရှိသူနဲ့ ထိတွေ့ထားတယ်ဆိုရင်လည်း နောက်ဆုံး ထိတွေ့တဲ့ ရက်က စပြီး ၁၁ရက်ပြည့်မှ သွားထိုးပါ။ ဒီကြားထဲမှာ လက္ခဏာ ပေါ်ချင် ပေါ်လာနိုင်တယ်လေ။ သေချာအောင် ဆေးစစ်ချင်တယ်ဆိုရင်တော့ နောက်ဆုံး ထိတွေ့ပြီး ၅ရက်မြောက်နေ့မှ နှာခေါင်းတို့ဖတ်ယူပြီး စစ်ပါ။
သာမန်လူတွေကတော့ ဆေးမထိုးခင်မှာ ကိုဗစ်ရှိမရှိ စစ်စရာ မလိုပါ။
စိတ်ချရတဲ့ နေရာက ဆေးကိုပဲ ထိုးပါ။ အတုအပ သတိပြုပါ။ ဆေးရဲ့ Cold chainကို အားမနာတမ်း မေးပါ။ ဒါတွေ မကောင်းဘူးဆိုရင် ဘယ်တံဆိပ်ပဲ ဖြစ်ဖြစ်၊ ဘယ်လောက်စျေးကြီးကြီး အာနိသင်မရဘဲ လက်မောင်းနာတာပဲ အဖတ်တင်မှာပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။