ရုရှားဆေးကို အားကိုးရဖွယ်ရှိနေတဲ့ ကိုဗစ်ကာကွယ်ဆေး ဖန်တီးမှုအခြေအနေ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date စက်တင်ဘာ 10, 2020 . 2 mins read
Share now

ကမ္ဘာ့ထိပ်တန်းတက္ကသိုလ်ကြီးဖြစ်တဲ့ အောက်စ်ဖို့ဒ်တက္ကသိုလ်ကြီးရဲ့ ကိုဗစ်ကာကွယ်ဆေး (COVID-19 Vaccine) ဖန်တီးမှု အစီအစဉ်ကတော့ အဆင်မပြေမှုတချို့ ပေါ်ပေါက်လာတာကြောင့် ရပ်တန့်ထားလိုက်ရပါတယ်။

ဆေးဝါးကို နောက်ဆုံးအဆင့် စမ်းသပ်မှုတွေပြုလုပ်ချိန်မှာ စမ်းသပ်ခံလူနာတွေမှာ ဘေးထွက်ဆိုးကျိုးတွေ ဖြစ်ပေါ်လာတာတာကြောင့် ယခုလိုစမ်းသပ်မှုကို ရပ်တန့်လိုက်တာဖြစ်ပါတယ်။

ဒီကာကွယ်ဆေးဟာ ချင်ပန်ဇီတွေဆီကနေ ရယူထားတဲ့ Adenovirus ကို အသုံးပြုပြီး အအေးမိတုပ်ကွေးဖြစ်စေတဲ့ ဗိုင်းရပ်စ်ကို ပျော့အောင်လုပ်ထားတဲ့ ကာကွယ်ဆေးပါ။ ကိုဗစ်ဗိုင်းရပ်စ်က ထုတ်လုပ်တဲ့ ပရိုတင်းနဲ့ အသွင်တူအောင် ထုတ်လုပ်ထားတာပြီး ကိုယ်ခံအားစနစ်ကို ကိုဗစ်ရောဂါဖြစ်စေတဲ့ SARS-CoV-2 virus ကို ခုခံတိုက်ထုတ်နိုင်အောင်စီမံခဲ့တာပါ။

အောက်စဖို့ဒ်တက္ကသိုလ်နဲ့ AstraZeneca ဆေးဝါးကုမ္ပဏီတို့ပူးပေါင်းဆောင်ရွက်နေတဲ့ ယခု ဆေးဝါးဖန်တီးမှုဟာ အမေရိကန်ဒေါ်လာ ၂ ဘီလီယံအထိကုန်ကျဖို့ ခန့်မှန်းထားပြီး နာမည်ကျော် ဘီလီယံနာသူဌေးကြီး ဘီလ်ဂိတ်ရဲ့ Bill and Melinda Gates Foundation က ဒေါ်လာ သန်း ၇၅၀ အထိထောက်ပံ့ထားတဲ့ အစီအစဉ်ဖြစ်တာမို့ ဆုံးရှုံးမှုကြီးမားခဲ့ပါတယ်။

ရုရှားတို့ခြေလှမ်း

ဒီလိုမျိုးဗြိတိသျှတွေရဲ့ ကာကွယ်ဆေးထုတ်လုပ်ရေးခြေလှမ်း ရပ်တန့်ထားရချိန်မှာတစ်ဖက်မှာလည်း မကြာသေးခင်ကမှ ကိုဗစ်ကာကွယ်ဆေးကို အောင်မြင်စွာ ထုတ်လုပ်နိုင်ခဲ့ပြီလို့ ကြေညာထားတဲ့ ရုရှားနိုင်ငံရဲ့ ကာကွယ်ဆေးဟာ ဘေးထွက်ဆိုးကျိုးတွေမရှိဘူးဆိုတဲ့ သတင်းအချက်အလက်ကို ကမ္ဘာ့ထိပ်တန်းကျန်းမာရေးစာဆောင် The Lancet က အတည်ပြုဖော်ပြလိုက်ပါတယ်။

ရုရှားနိုင်ငံက ထုတ်လုပ်ထားတဲ့ အဆိုပါ ကမ္ဘာ့ပထမဆုံး COVID-19 ကာကွယ်ဆေးနဲ့ ပတ်သက်ပြီး ရုရှား သိပ္ပံပညာရှင်တွေရဲ့ ပထမဆုံးအစီရင်ခံစာ ထွက်လာခဲ့ပြီး အဆိုပါအစီရင်ခံစာမှာ ပါဝင်တဲ့ အချက်အလက်တွေကို ဆေးပညာဂျာနယ်ဖြစ်တဲ့ The Lancet ဂျာနယ်မှာ ဖော်ပြခဲ့တာပါ။

ကနဦး စမ်းသပ်မှုမှာ ပါဝင်ခဲ့တဲ့ လူနာတွေဟာ Sputnik-V လို့အမည်ပေးထားတဲ့ ကာကွယ်ဆေးရဲ့ ဘေးထွက်ဆိုးကျိုးတွေကို မခံစားခဲ့ရသလို ကိုယ်ခံစွမ်း အားကိုလည်း မြှင့်တင်ပေးနိုင်ခဲ့တယ်လို့ သိရပါတယ်။ ကိုဗစ်ရောဂါကို ကာကွယ်ရေးမှာ ကိုယ်ခံအားစနစ်ကို မြှင့်တင်နိုင်ဖို့နဲ့က အဓိကအကျဆုံးအချက်ဖြစ်တာမို့ ရုရှားတွေရဲ့ ကာကွယ်ဆေးဟာ စိတ်ချရတဲ့အဆင့်ကို ရောက်ရှိသွားပြီလို့ ဆိုရတော့မှာပါ။

အဆိုပါ ရုရှားထုတ် ကမ္ဘာ့ပထမဆုံး COVID-19 ကာကွယ်ဆေးကို သူတို့တိုင်းပြည်တွင်းမှာ အသုံးပြုဖို့ ပြီးခဲ့တဲ့ သြဂုတ်လအတွင်းက မှတ်ပုံတင်ခဲ့ပါတယ်။ ကမ္ဘာကိုဖြန့်ဖြူးဖို့ကိစ္စကိုတော့ ရုရှားဘက်က ဖွင့်ဟလာခြင်းမရှိသေးပါဘူး။

ဒီဆေးဟာ စိတ်ချရတယ်လို့ ရုရှားနိုင်ငံ သမ္မတ ဗလာဒီမီယာ ပူတင်ကိုယ်တိုင် ထုတ်ဖော်ပြောကြားခဲ့သလို သူရဲ့ သမီးဖြစ်သူကိုလည်း အဆိုပါ ကာကွယ်ဆေး ထိုးပေးခဲ့ပါတယ်။

ရုရှားနိုင်ငံဟာ လာမယ့် နိုဝင်ဘာ (သို့မဟုတ်) ဒီဇင်ဘာလကနေစပြီး ကာကွယ်ဆေး အများအပြား ထုတ်လုပ်သွားမှာဖြစ်ပြီး သူ့နိုင်ငံအတွင်းမှာ ကာကွယ်ဆေး ထိုးပေးသွားမယ့်အစီအစဉ်ကို စတင်တော့မယ်လို့လည်း ကြေညာထားပါတယ်။

ကမ္ဘာ့ကပ်ရောဂါအဖြစ် သတ်မှတ်ထားတဲ့ COVID-19 ကြောင့် အနေအထိုင် အသွားအလာသတိထားနေရတဲ့အပြင် စီးပွားရေးထိခိုက်မှုတွေလည်း ကြုံလာရတာကြောင့် ကာကွယ်နိုင်တဲ့ တစ်ကမ္ဘာလုံးနီးပါးက ကာကွယ်ဆေးနဲ့ ကုသဆေးကို မျှော်လင့်နေကြပါတယ်။

ရုရှားနဲ့ ဗြိတိန်တို့လိုပဲ တခြားသော ကမ္ဘာအရပ်ရပ်မှာလည်း ကာကွယ်ဆေးဖန်တီးနိုင်ဖို့ ကြိုးပမ်းမှုတွေရှိနေပြီး ကာကွယ်ဆေးထုတ်လုပ်ဖို့ အလားအလာရှိတဲ့ ကာကွယ်ဆေး အမျိုးအစား ၁၆၀ ကျော်လောက်ကို ကမ္ဘာ့တလွှားမှာ လေ့လာ စမ်းသပ်မှုတွေ လုပ်ဆောင်နေကြပါတယ်။ ကျွမ်းကျင်သူတွေကတော့ ယခုနှစ် ကုန်ပိုင်းလောက်မှာ ကာကွယ်ဆေးတချို့ကို စတင် အသုံးပြုဖို့ အသင့်ဖြစ်မယ်လို့ မျှော်လင့်ထားကြပါတယ်။

COVID-19 Outbreak updates
Country: Myanmar
Data

49,072

Confirmed

28,636

Recovered

1,172

Death
Distribution Map

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

COVID-19 လက္ခဏာတစ်မျိုးဖြစ်တဲ့ လည်ချောင်းနာခြင်းကို သက်သာစေမယ့် အိမ်တွင်းကုထုံးများ

လည်ချောင်းနာတယ်ဆိုတာက အတော်လေး ခံရက်တဲ့ ဝေဒနာတစ်ခုပါ။ နောက်ပြီး COVID-19 ရဲ့ ရောဂါလက္ခဏာတွေထဲမှာလည်း လည်ချောင်းနာတာက တစ်ခုအပါအဝင်ဖြစ်နေတာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သာမန် ဖျားနာမှုကြောင့် အနံ့၊ အရသာ ပျောက်ခဲ့ရင်

အအေးမိတယ်။ တုပ်ကွေးဖြစ်တယ်။ သက်တော့ သက်သာလာပါရဲ့ စားလိုက်ရင် ခံတွင်းမတွေ့ဘူး။ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကိုဗစ်ကာကွယ်ဆေးကို မျှော်လင့်ရုံမှလွဲ၍ တခြားနည်းလမ်းမရှိ…

ကိုဗစ် ကာကွယ်ဆေး ကပ်ရောဂါ ကပ်ဘေး အအေးမိ တုပ်ကွေး ဝက်သက် ခွေးရူးပြန် ရောဂါပိုး လေထု ထိန်းချုပ် မြန်မာနိုင်ငံ ပထမလှိုင်း လက်ဆေး ဆပ်ပြာ မိသားစု Covid-19 Mask

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

အူမကြီးကင်ဆာအတွက် မှန်ပြောင်းကြည့်မယ်ဆို ဒါတွေသိထားဖို့လိုမယ်နော်

အူမကြီးနဲ့စအိုလမ်းကြောင်းတစ်ဝိုက်မှာ ပြဿနာရှိ၊ မရှိသိရဖို့အတွက် အူမကြီးမှန်ပြောင်းကြည့်လို့ ရပါတယ်။ အဖြစ်များတဲ့ကင်ဆာရောဂါတွေထဲမှာ အူမကြီးကင်ဆာလည်းပါပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint

သင့်အတွက် ရွေးချယ်ထားသည်

လေထုထဲမှ ကူးစက်နိုင်သော ရောဂါများ

လေထုထဲမှ ကူးစက်နိုင်သော ရောဂါများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
တံတွေးဂလင်းပိုးဝင်ခြင်း

တံတွေးဂလင်းပိုးဝင်ခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
ကိုဗစ်ကာကွယ်ဖို့ရာ ဗီတာမင်ဒီ ကို မဖြစ်မနေ သောက်သင့်လား

ကိုဗစ်ကာကွယ်ဖို့ရာ ဗီတာမင်ဒီ ကို မဖြစ်မနေ သောက်သင့်လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 21, 2020 . 2 mins read
ဘားဟိုးဖောက်ခြင်း (သို့မဟုတ်) ဦးခွံရိုးကို အပေါက်ဖောက်ပြီး ကုသခြင်း

ဘားဟိုးဖောက်ခြင်း (သို့မဟုတ်) ဦးခွံရိုးကို အပေါက်ဖောက်ပြီး ကုသခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 12, 2020 . 2 mins read