အရက်ကြောင့် အာရုံကြော အားနည်းခြင်း

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

မင်္ဂလာပါ

Hello Sayarwon စာမျက်နှာကနေ ကြိုဆိုပါတယ် ။ ဒီတစ်ခါ ‌ဆွေးနွေးပေးမယ့် အကြောင်းအရာကတော့ ကျွန်တော့်ဆေးခန်းမှာ ကြုံတွေရလေ့ရှိတဲ့ အရက်ကြောင့် အာရုံကြော အားနည်းခြင်း ဖြစ်ပါတယ် ။

မြန်မာနိုင်ငံဟာ အရက်သောက်သုံးမှုနှုန်း မြင့်မားတဲ့ နိုင်ငံတစ်ခုဆိုတာ လူတိုင်း သိကြမယ် ထင်ပါတယ် ။ ချက်အရက်တွေ၊ အရက်တုတွေကလည်း ပေါများတဲ့အတွက် အခြေခံလူတန်းစားနဲ့ လူလတ်တန်းစားတွေမှာ ဒီအခြေအနေတွေကို ကြုံတွေ့ရတတ်ပါတယ် ။

အရက်အလွန်အကျွံသောက်ခြင်းကနေ အာရုံကြောများ ပျက်စီးတတ်ပြီး ရလဒ်အနေနဲ့ ခြေထောက်များ နာကျင်ခြင်း ၊ တစ်ဆစ်ဆစ်ကိုက်ခဲခြင်းတွေ ဖြစ်တတ်ပါတယ် ။ ဒါ့အပြင် အရက်သောက်ခြင်းကြောင့် ခန္ဓာကိုယ်ထဲမှာ ဗီတာမင် B အုပ်စုတွေ ချို့တဲ့လာတတ်ပါတယ် ။ ‌သုတေသနပြုချက်တွေအရ အရက်ဖြတ်လိုက်တဲ့အခါမှာ အာဟာရဓါတ်တွေ တိုးတက်လာပြီး အာရုံကြောအားနည်းခြင်းတွေကို သက်သာစေပါတယ် ။

အရက်အသောက်များတဲ့ လူတွေမှာ ဒီလက္ခဏာတွေ ဖြစ်နေရင်တော့ အာရုံကြောအားနည်းလာပြီလို့ ဆိုနိုင်ပါတယ် ။

  • ခြေထောက်များ ထုံကျဉ်ခြင်း
  • တဆစ်ဆစ်ကိုက်ခဲခြင်း
  • အပ်နဲ့ထိုးနေသလို ခံစားရခြင်း
  • ကြွက်သားများ အားနည်းခြင်း၊ ကြွက်တက်ခြင်း
  • ကြွက်သားများ လှုပ်မရခြင်း
  • သွားလာလှုပ်ရှားရာမှာ ပုံမှန်မဟုတ်ဘဲ အခက်အခဲတွေ့ခြင်းတွေ ဖြစ်တတ်ပါတယ် ။

အရက်ကြောင့် နောက်ထပ်ကြွက်သားအားနည်းတာကတော့ ဆီးနှင့် ဝမ်းလမ်းကြောင်းကို ထိတတ်ပါတယ် ။ အမျိုးသားတွေမှာ ဆီးမလုံခြင်း ၊ ဆီးသွားရခက်ခြင်း ၊ ဝမ်းချုပ်ခြင်းနှင့် ဝမ်းပျက်ခြင်းတွေလည်း ဖြစ်တတ်ပါတယ် ။

အခြားသော လက္ခဏာတွေကတော့ လိင်ပိုင်းဆိုင်ရာ အားနည်းခြင်း ၊ ပန်းသေခြင်း ၊ မြုံခြင်း ၊ စကားများ လုံးထွေးခြင်း ၊ မျိုချရခက်ခြင်း ၊ မူးဝေ အော့အန်ခြင်းတွေပဲ ဖြစ်ပါတယ် ။

ဒီလက္ခဏာတွေ ဖြစ်လာရင်တော့ တတ်ကျွမ်းတဲ့ဆရာဝန်နဲ့ ပြသတာ အကောင်းဆုံးနည်းလမ်းပါ ။ ဆရာဝန်က ကနဦးရောဂါ စစ်ဆေးခြင်း ၊ အာရုံကြော စမ်းသပ်မှုများ ၊ လိုအပ်သလို သွေးဖောက်စစ်ဆေးပြီးတော့ ကိုယ်တွင်းက အာဟာရဓါတ်တွေ ၊ ဘာတွေ မူမမှန်လဲဆိုတာကို ကြည့်ရမှာ ဖြစ်ပါတယ် ။

ကုသမှုကတော့ ဗီတာမင်ဓါတ်တွေ အားနည်းတာ ဖြစ်တဲ့အတွက် လိုအပ်တဲ့ အာဟာရဓါတ်တွေ ပြန်လည်ဖြည့်တင်းဖို့ လိုအပ်ပါမယ် ။ အထူးသဖြင့် Vitamin B အုပ်စုတွေပါ ။ အကိုက်အခဲ ပျောက်ဆေးများ သောက်နိုင်ပြီး ကိုယ်လက်လေ့ကျင့်ခန်းတွေလည်း လုပ်ပေးလို့ရတဲ့အပြင် လိုအပ်ပါက အရိုးအကြော ဆရာဝန်ရဲ့ လမ်းညွှန်ကုသချက်တွေကိုလည်း လိုက်နာရမှာ ဖြစ်ပါတယ် ။

ဒီလိုတွေ မဖြစ်ရအောင်

  • အရက်အလွန်အကျွန်သောက်သုံးခြင်းကို ရှောင်ကြဉ်ပါ
  • အာရုံကြောအားနည်းတဲ့ လက္ခဏာတွေ ပြလာရင် အရက်လျှော့သောက်ခြင်း၊ ဖြတ်ခြင်းတွေ လုပ်ပါ
  • သင့်တင့်မျှတတဲ့ အာဟာရကို စားသုံးပါ
  • Vitamin အားဖြည့်ဆေးတွေ သောက်သုံးပါလို့ တင်ပြရင်း နိဂုံးချုပ်ပါတယ်

ရေးသားသူ – Dr.Aung Kyaw Myint

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ထင်သလောက်မစွမ်း တော့ဘူးလား ကိုယ့်လူ

အမျိုးသားတွေဟာ သူတို့ရဲ့ လိင်မှုစွမ်းဆောင်ရည် အားနည်းနေပြီ၊ ကျဆင်းလာနေပြီဆိုတာကို ထုတ်ပြောဖို့ သပ်ပြီး တွန့်ဆုတ်တတ်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

အာရုံကြောမှာ အဖြစ်များတဲ့ ရောဂါများ

ဦးနှောက်နဲ့ အာရုံကြော မှာဖြစ်နိုင်တဲ့ ရောဂါတွေကလည်း များပြားလွန်းပါတယ်။ တချို့ရောဂါတွေဆို အသိနောက်ကျရင် အသက်အန္တရာယ်ထိခိုက်တဲ့အထိ ဖြစ်သွားနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကိုဗစ်ကာလမှာ ကလေးတွေဂိမ်းပိုဆော့လာတာကို အပြစ်မမြင်သင့်တော့ပါ

ကိုဗစ်ကာလမှာ မိဘတွေနဲ့ တီးခေါက်ကြည့်မိသလောက် ကလေးတွေနဲ့ ကျောင်းတက်နေဆဲဖြစ်တဲ့ ဆယ်ကျော်သက်အရွယ်တွေ အရင်ကထက် ပိုပြီး ဂိမ်းဆော့လာတယ်လို့ ပြောနေကြတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ကျန်းမာစွာနေထိုင်ခြင်း, Corona Virus, COVID-19 အောက်တိုဘာ 29, 2020 . 2 mins read

ကိုဗစ်ဆေးရုံ တွေကို ဆေးလိပ်တွေ၊ အရက်တွေ ခိုးသယ်လာကြတဲ့အခါ

ကိုဗစ်ဆေးရုံကြီးများသို့ ဆေးလိပ်နဲ့ အရက်ယူဆောင်လာခွင့်မပြုပါ။ ခိုးဝှက်ပြီးလည်း မယူလာရပါ။ အောက်ဆီဂျင်ပိုက်လိုင်းများရှိသည့်အတွက် အလွယ်တကူမီးလောင်နိုင်ပါသည်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သင့်အတွက် ရွေးချယ်ထားသည်

drinking-too-much-during-the-pandemic

အကျပ်အတည်းကာလဆိုပြီး ပိုသောက်မိနေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 22, 2021 . 2 mins read
အော်ရင်း ဟစ်ရင်း လည်ချောင်းနာ နေပြီလား

အော်ရင်း ဟစ်ရင်း လည်ချောင်းနာ နေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 3 mins read
လမ်းလျှောက်ရလို့ ဖိနပ်ပေါက် တဲ့အခါ

လမ်းလျှောက်များလို့ ဖိနပ်ပေါက် တဲ့အခါ ဒီလိုလုပ်ပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 10, 2021 . 2 mins read
Covishield ကာကွယ်ဆေး နဲ့ အရက် သောက်သုံးခြင်း

Covishield ကာကွယ်ဆေး နဲ့ အရက် သောက်သုံးခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 5, 2021 . 2 mins read