သားအိမ်လန်ရုံသက်သက်ကတော့ ကလေးရဖို့ အနှောင့်အယှက်မဖြစ်စေပါဘူး၊၊
ကလေးရဖို့ဆိုတာက သုက်ကောင်ရဲ့ အရည်အသွေး၊ ဒီသုက်ကောင်လေး ကူးပြီးတက်လာတဲ့အခါ သားဥပြွန်ထဲမှာ မမျိုးဥလေးနဲ့ တွေ့နိုင် မတွေ့နိုင် ဒါနဲ့အဓိက ဆိုင်တာပါ၊၊
သားဥပြွန်မှာ ကောင်းကောင်းမျိုးအောင်ခဲ့မယ်ဆိုရင် သားအိမ်လန်နေပေမယ့် တခြားလူတွေလိုပဲ သန္ဓေသားလေးက သားအိမ်နံရံမှာ တွယ်ပြီး ကောင်းကောင်းကြီးထွားနိုင်ပါတယ်၊၊ ဒါ့ပြင် ကလေးကြီးလာရင် သားအိမ်ပါ လိုက်ကျယ်ပြီး ဝမ်းခေါင်းထဲ ဝင်သွားမှာဖြစ်လို့ အဲ့ဒီအချိန်ကျရင် သားအိမ်လန်တယ်ဆိုတာလည်း မရှိတော့ပါဘူး၊၊ အများစုကလည်း ပုံမှန်အတိုင်းပဲ ကိုယ်ဝန်ဆောင် မီးဖွားနိုင်ကြပါတယ်၊၊
တချို့လူတွေ ကလေးမရလို့ စစ်လိုက်တဲ့အခါ သားအိမ်လန်နေတာကို တွေ့ရတယ်တဲ့၊၊
မွေးရာပါ သားအိမ်လန် တာ၊ အသက်ကြီးလာလို့ အရွတ်တွေ လျော့ရဲပြီး သားအိမ်လန်တာက ကလေးရဖို့ အနှောင့်အယှက်မဖြစ်စေပါဘူး၊၊
ဒါပေမယ့် ရောဂါကြောင့် သားအိမ်လန်နေရင်တော့ သွယ်ဝိုက်တဲ့ နည်းလမ်းနဲ့ ကလေးရဖို့ ခက်စေနိုင်ပါတယ်၊၊ ဥပမာ သားအိမ်မှာ အလုံးတည်နေရင်သားအိမ်လည်း လန်နေနိုင်သလို ဒီအလုံးခံနေလို့ သားအိမ်မှာ သန္ဓေသားလည်း တွယ်လို့ ရမှာ မဟုတ်ပါဘူး၊၊
သားအိမ်မှာ သွေးလုံးရှိနေရင်လည်း ဒီလိုပဲ ကလေးရဖို့ ခက်ပါတယ်၊၊ မျိုးပွားအင်္ဂါတွေ ရောင်ရမ်းပြီး အမာရွတ်တွယ်နေတဲ့အခါ သားအိမ်လန်တာတင် မဟုတ် သားဥပြွန်ပါ အမာရွတ်နဲ့ ပိတ်နေတာကြောင့် မျိုးဥနဲ့ သုက်ကောင်နဲ့ ပေါင်းလို့ ရမှာမဟုတ်ပါဘူး၊၊
ဒီအဖြစ်အပျက်တွေ အားလုံးမှာ သားအိမ်လန်နေတာကြောင့် မရတာမဟုတ်၊၊ သားအိမ်လန်စေတဲ့ ရောဂါအခံတွေကြောင့်သာ မရတာ ဖြစ်ပါတယ်၊၊ ဒါပေမယ့် လိုရာ ဆွဲတွေးတဲ့အခါကျ သားအိမ်လန်နေလို့ ကလေးမရဘူးဆိုတာ ဖြစ်သွားပါတယ်၊၊
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။