မိတ်ကပ်လေး တစ်နေကုန် မျက်နှာမှာ ရှိနေစေချင်တယ်ဆိုရင်တော့ ရေခဲလေး သုံးလို့ ရပါသေးတယ်။ အောက်ခံမိတ်ကပ်မလိမ်းခင်မှာ primer လိမ်းကြသလိုမျိုးပါပဲ မိတ်ကပ်မလိမ်းခင်မှာ ရေခဲလေး မျက်နှာမှာ ကပ်ထားပေးပါ။ ဒီလို လုပ်ပေးတာက ချွေးပေါက်တွေကို ကျဉ်းစေပြီး အဆီမပြန်စေတာမို့ မိတ်ကပ်ကွက်ခြင်း၊ ပျက်ခြင်းမရှိဘဲ တစ်နေကုန် လှပနေမှာပါ။
မျက်နှာအဆီတဝင်းဝင်း ဖြစ်လို့ မလှဘူး ထင်နေရင်တော့ အဆီပြန်ခြင်းတွေကို နှုတ်ဆက်လိုက်ဖို့ ဝန်မလေးသင့်ပါဘူး။ အဆီပြန်တဲ့ အသားအရေက ဝက်ခြံလည်း ဖြစ်စေနိုင်ပါတယ်။ ရေခဲတုံးလေးတွေကို ထုပ်ပြီး မျက်နှာမှာ ကပ်ပေးပါ။ အထူးသဖြင့် T zone မှာပါ။ ခပ်အေးအေးလေး ဖြစ်တဲ့အထိ ကပ်ထားပေးပါ။ ဒါဆိုရင် အဆီပြန်ခြင်းတွေ ကင်းဝေးမှာပါ။ အကယ်လို့ မျက်နှာကို စိုစိုအိအိလေး ဖြစ်ချင်တယ်ဆိုရင်တော့ အစိုဓာတ်ထိန်းခရင်မ်လေး လိမ်းပေးပါ။
သတိထားရမှာက သိပ်အေးလွန်းရင်တော့ မျက်နှာ စပ်ဖျင်းဖျင်းဖြစ်တာ၊ ယားယံတာ၊ အသားခြောက်တာတွေ ဖြစ်လာနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။