မျက်နှာကိုသန့်စင်ပါ။
ကိုယ့်ရဲ့အသားအရေအမျိုးအစားကို အရင်ဆုံးတော့သိအောင်လုပ်ရပါမယ်။ လူတစ်ဦးနဲ့တစ်ဦး အသားအရေမတူတတ်ပါဘူး။ ကိုယ်က သာမန်အသားအရေပိုင်ရှင်လား၊ခြောက်သွေ့လား၊အဆီပြန်တတ်လား၊ တုံ့ပြန်လွယ်တဲ့ အသားအရေမျိုးလားဆိုတာကို အရင်သိအောင်လုပ်ရပါမယ်။နောက်တစ်ခုက အသားအရေအမျိုးအစားကပြောင်းလဲနေတတ်တယ်ဆိုတာကိုပါ။
ဘယ်လိုအသားအရေမျိုးပဲဖြစ်ဖြစ် နည်းစနစ်မှန်မှန်လေးနဲ့ထိန်းသိမ်းမယ်ဆိုရင် အစက်အပြောက်ကင်းပြီးဖြူစင်ဝင်းပလာမှာတော့အသေအချာပါပဲ။ အသားအရေဖြူစင်ဝင်းပဖို့ဆိုရင် အခြေခံအကျဆုံး စည်းမျဉ်းက မျက်နှာကို သန့်စင်ဖို့ပါ။ အသားအရေနဲ့လိုက်ဖက်မယ့် မျက်နှာသစ်ဆေးကိုရွေးချယ်မိဖို့လိုပါလိမ့်မယ်။
ဝက်ခြံတွေကို သက်သာပျောက်ကင်းစေမယ့် နည်းလမ်းရှာဖွေပါ။
မျက်နှာပေါ်ကချွေးပေါက်တွေမှာ ဖုန်မှုန့်တွေနဲ့ အဆီတွေပိတ်ဆို့မှုကြောင့် ဝက်ခြံတွေဖြစ်ရတာပါ။ဆေးဆိုင်တွေမျာ ဝက်ခြံသက်သာစေတဲ့ဆေးတွေမေးပြီးဝယ်ယူလို့ရပါတယ်။ ဝက်ခြံသက်သာစေမယ့်ဆေးတွေကိုဆေးညွှန်းအတိုင်းတိတိကျကျ အသုံးပြုပေးဖို့တော့လိုပါမယ်။ပျောက်ချင်ဇောနဲ့ တစ်ကြိမ်ပဲလူးရမယ့်ဆေးကို တစ်ကြိမ်မကလူးတာမျိုးမလုပ်ပါနဲ့။ ဝက်ခြံက မျက်နှာမှာအဖြစ်များပြီး လည်ပင်း၊ကျော၊ရင်ဘတ်၊ ပခုံးနဲ့လက်မောင်းအထက်ပိုင်းတွေမှာလည်းပေါက်တတ်ပါသေးတယ်။
ဝက်ခြံအတွက်အသုံးပြုလေ့ရှိတဲ့ ပစ္စည်းအချို့ကအသားအရေကို ကျိန်းစပ်စေတာမျိုးတွေဖြစ်စေနိုင်ပါတယ်။ တကယ်လို့ အသားအရေမှာ စပ်ဖျဉ်းဖျဉ်းဖြစ်တာမျိုးခံစားရရင် ဆက်မသုံးဖို့အကြံပြုချင်ပါတယ်။ဆေးဆိုင်ကဆေးတွေကိုအသုံးပြုနေပေမယ့် ဝက်ခြံကမသက်သာဘူးဆိုရင် အရေပြားဆရာဝန်နဲ့ပြသကြည့်ပြီး ပိုကောင်းတဲ့ဆေးတွေကို အသုံးပြုကြည့်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။