နံ့သာဖြူ ကပေးတဲ့ အသားအရေ လှပခြင်း

နံ့သာဖြူဆိုတာက မြန်မာလူမျိုးတိုင်းနဲ့ ရင်းနှီးပြီးသား ဖြစ်မှာပါ။ အမွှေးနံ့သာအနေနဲ့ သုံးကြတယ်လေ။ ဒီလိုမျိုး အသုံးပြုကြတဲ့ နံ့သာဖြူက အသားအရေကို ကျန်းမာစေသလား။ အသားအရေကို ဘယ်လိုမျိုး ကောင်းကျိုးတွေ ပေးစွမ်းလဲဆိုတာကို သိချင်တယ်ဆိုရင်တော့ နံ့သာဖြူ ကပေးတဲ့ အသားအရေ လှပခြင်း ဆိုတဲ့ ဒီဆောင်းပါးလေးထဲမှာ ဖတ်ကြည့်လိုက်တော့နော်။

နံ့သာဖြူ ဆိုတာ ဘာလဲ

နံ့သာဖြူ ဆိုတာက အမွှေးနံ့သာ တစ်မျိုးပါ။ လွန်ခဲ့တဲ့ နှစ်ပေါင်းများစွာက အာရှဒေသမှာ အလေးအမြတ် သုံးစွဲခဲ့ကြတဲ့ အပင်တစ်မျိုးပေါ့။ ဆေးဖက်ဝင်သလို အမွှေးနံ့သာအနေနဲ့လည်း အသုံးပြုကြပါတယ်။ နံ့သာဖြူကို အရေပြားမှာ တိုက်ရိုက်လိမ်းကျံကြသလို ဘာသာရေး အခမ်းအနားတွေမှာ အမွှေးနံ့သာအနေနဲ့လည်း အသုံးပြုကြပါတယ်။

နံ့သာဖြူ အဆီကို အသုံးပြုကြသလို ဆပ်ပြာ၊ အလှကုန်၊ ဖယောင်းတိုင် ခရင်မ်တွေနဲ့ အမွှေးတိုင်အဖြစ်လည်း အသုံးပြုကြပါတယ်။

နံ့သာဖြူ ကပေးတဲ့ အသားအရေ လှပခြင်း

နံ့သာဖြူက အမွှေးနံ့သာ အနေနဲ့ အသုံးပြုလို့ ရသလို အသားအရေ လှပဖို့အတွက်လည်း အသုံးပြုပေးလို့ ရပါတယ်။ ဒီတော့ နံ့သာဖြူ ကပေတဲ့ အသားအရေလှပခြင်းတွေက ဘာတွေဖြစ်မလဲဆိုတာကို အတူတူ ကြည့်လိုက်ရအောင်နော်။

• အသားအရေ အေးမြစေတယ်

နံ့သာဖြူက အသားအရေကို အေး​မြစေနိုင်တဲ့ အာနိသင်ရှိပါတယ်။ နွေအပူရှိန်ကြောင့် အသားအရေတွေကို ပူစပ်စပ်ဖြစ်တာကနေ သက်သာစေဖို့အတွက်ဆိုရင် နံ့သာဖြူကို ခပ်ပါးပါးလေး အရေပြားပေါ်မှာ တိုက်ရိုက် လိမ်းပေးလို့ ရပါတယ။

• အရောင်ကျစေနိုင်တယ်

အရေပြား ရောင်ရမ်းတာကို သက်သာစေဖို့လည်း နံ့သာဖြူကို အသုံးပြုပေးလို့ ရပါတယ်။ ဝက်ခြံတွေကြောင့် ရောင်ရမ်းတာကို သက်သာစေသလို အရေပြားမှာ ထိခိုက်တာကြောင့် ရောင်ရမ်းတာကို သက်သာစေဖို့လည်း နံ့သာဖြူကို အသုံးပြုပေးလို့ ရပါတယ်။

• အသားအရေကို အာဟာရ ဖြည့်ပေးနိုင်တယ်

နံ့သာဖြူက အရေပြားကို အေးမြစေသလို အရေပြားအတွက် လိုအပ်တဲ့ အာဟာရတွေကိုလည်း ဖြည့်ပေးနိုင်ပါတယ်။ အသားအရေကို ကျန်းမာပြီး အာဟာရပြည့်စေဖို့ဆိုရင် နံ့သာဖြူကို အရေပြားမှာ တိုက်ရိုက် လိမ်းကျံပေးတာကလည်း နည်းလမ်းကောင်းပါပဲ။

• ဝက်ခြံသက်သာစေတယ်

နံ့သာဖြူက ဘက်တီးရီးယားတွေကို တိုက်ဖျက်ပေးနိုင်ပါတယ်။ ဒါကြောင့် ဝက်ခြံတွေကို သက်သာစေဖို့အတွက် နံ့သာဖြူကို ဝက်ခြံတွေအပေါ်မှာ တိုက်ရိုက် လိမ်းကျံပေးလို့ ရပါတယ်။ ပုံမှန်လေး လိမ်းပေးမယ်ဆိုရင် ဝက်ခြံတွေကို သိသိသာသာ သက်သာစေမှာပါ။

• အသားအရောင် ညီစေတယ်

အသားအရေ မညီတဲ့သူတွေအနေနဲ့ နံ့သာဖြူကို လိမ်းပေးလို့ ရပါတယ်။ နံ့သာဖြူကို အသားအရောက် မညီတဲ့နေရာတွေမှာ ပုံမှန်လေး လိမ်းကျံပေးတာက အသားအရောင် ညီစေဖို့ ထိထိရောက်ရောက် ထောက်ကူပေးနိုင်မှာပါ။

• အစက်အပြောက်တွေ သက်သာစေတယ်

ဝက်ခြံကြောင့်ဖြစ်တဲ့ အမာရွတ်တွေ သက်သာစေဖို့အတွက် နံ့သာဖြူကို အသုံးပြုပေးလို့ ရပါတယ်။ အမာရွတ်ဖြစ်တဲ့နေရာတွေမှာ ပုံမှန်လေး တိုက်ရိုက် လိမ်းကျံပေးရုံနဲ့ သိသိသာသာ သက်သာလာမှာပါ။ အသားအရေကို ကြည်လင်ဝင်းပစေဖို့ ထောက်ကူပေးနိုင်မှာပါ။

• အသားအရေ တင်းရင်းစေတယ်

အသက်အရွယ်ကြောင့် ဖြစ်ဖြစ် နေထိုင်စားသောက်မှုပုံစံကြောင့်ဖြစ်ဖြစ် အရေပြားမှာ တင်းအားတွေ ကျဆင်းပြီး အသားအရေမှာ အရေးအကြောင်း ထင်တာတွေ ဖြစ်နိုင်ပါတယ်။ ဒီတော့ အသားအရေကို တင်းတင်းရင်းရင်းလေး လှချင်တယ်ဆိုရင် နံ့သာဖြူမှုန့်နဲ့ မျက်နှာ၊ လည်ပင်း အသားအရေတွေကို ပေါင်းတင်ပေးလို့ ရသလို အရေပြားမှာ လိမ်းကျံပေးလို့လည်း ရပါတယ်။

• အသားအရေကြည်လင်စေတယ်

နံ့သာက အသားအရေကို ချောမွေ့စေပြီး ကြည်လင်စေဖို့လည်း ထောက်ကူပေးပါတယ်။ သဘာဝရဲ့ အရေပြား Glow စေတဲ့ အရာလေးပါ။ နံ့သာဖြူ ပုံမှန်လိမ်းပေးတာက အသားအရေကို ကြည်လင်စေပြီး ဝင်းပစေဖို့ ထိထိရောက်ရောက် အားဖြည့်ပေးပါတယ်။ အသားအရေကို ကြည်လင် ဝင်းပစေမှာပါ။

• ဓာတ်မတည့်တာ သက်သာစေတယ်

အရေပြားမှာ ဓာတ်မတည့်တာကြောင့် နီမြန်းတာ ရောင်ရမ်းတာကို သက်သာစေနိုင်ပါတယ်။ အရေပြားမှာ တိုက်ရိုက်လိမ်းကျံပေးလို့ ရပါတယ်။

ဘာတွေ သတိထားရမလဲ။

နံ့သာဖြူကို အရေပြားမှာ လိမ်းတာက များသောအားဖြင့် စိတ်ချရပါတယ်။ ဒါပေမယ့် နံ့သာဖြူလိမ်းပြီး အသားတွေ ယားလာတယ်၊ စပ်ဖျင်းဖျင်းဖြစ်လာတယ်ဆိုရင် လိမ်းတာကို ရပ်ပြီး ရေဆေးချဖို့ လိုပါတယ်။ အရင်က နံ့သာဖြူလိမ်းပြီး ဓာတ်မတည့်နဲ့ ပြဿနာဖြစ်ဖူးတဲ့သူတွေက ထပ်မလိမ်းသင့်ပါဘူး။ အရေပြားပြဿနာတစ်ခုခုအတွက် လိမ်းမယ်ဆိုရင်လည်း သက်ဆိုင်ရာဆရာဝန်နဲ့ အရင်တိုင်ပင်ဖို့ လိုပါတယ်။