ART ဆေးသောက်သုံးနေချိန်မှာ HIV ပိုးက သူ့ရဲ့မျိုးပွားဆဲလ်တွေကို proviruses (ဗိုင်းရပ်စ်မဖြစ်ခင်အဆင့်) အနေနဲ့ လူရဲ့ DNA ထဲမှာသွားသိုလှောင်ထား ပါတယ်။ ဒါကြောင့်မို့ ဆေးတွေသောက်နေချိန်မှာပဲ ဗိုင်းရပ်စ်က ထပ်ပွားနိုင်စွမ်းမရှိတာဖြစ်ပြီး ဆေးသောက်ရပ်လိုက်တာနဲ့အချိန်တိုအတွင်း ပြန်ပွားနိုင်စွမ်းရှိပါတယ်။
ကမ္ဘာပေါ်မှာလက်ရှိအချိန်ထိ HIV ပိုးကူးစက်ခံထားရသူပေါင်း သန်း (၄၀) ဝန်းကျင်ရှိနေပါတယ်။ ဒီအထဲက ဝ.၅% သောသူတွေကဆေးသောက်စရာမလိုဘဲ သဘာဝအလျောက်ကို HIV ကိုထိန်းထားနိုင်စွမ်းရှိနေကြောင်း သိပ္ပံပညာရှင်တွေသိရှိထားပြီး ဒီလိုလူတွေကို Elite controllers လို့သတ်မှတ်ပါတယ်။ Elite controllers တွေမှာ ဘာ့ကြောင့် HIV ပိုးထပ်မပွားနိုင်သလဲဆိုတဲ့အချက်ကိုရှင်းပြဖို့အတွက် မျိုးရိုးဗီဇအကြောင်း နည်းနည်းလောက်အရင် ပြောပြချင်ပါတယ်။
သက်ရှိသတ္တဝါတိုင်းရဲ့ ခန္ဓာကိုယ်ကို ဆဲလ်တွေနဲ့ ဖွဲ့စည်းတည်ဆောက်ထားပြီး ဆဲလ်တစ်လုံးစီတိုင်းမှာ တစ်ယောက်ချင်းစီရဲ့ မျိုးရိုးဗီဇလက္ခဏာသွင်ပြင်တွေကို ပုံဖော်ပေးတဲ့ ခရိုမိုဆုန်းတွေပါဝင်ပါတယ်။ (ခရိုမိုဆုန်းတွေက အပ်ချည်မျှင်လေးတွေနဲ့ပုံစံဆင်တူပါတယ်) ခရိုမိုဆုန်းတစ်ခုချင်းစီကို ပရိုတင်းဓာတ်နဲ့ DNA မော်လီကျူးတစ်လုံးစီပါဝင်ဖွဲ့စည်းထားပါတယ်။ ကိုယ်ခန္ဓာကလိုအပ်တဲ့ဆဲလ်တွေထုတ်လုပ်ဖို့အတွက် ခရိုမိုဆုန်းထဲက DNA ကို RNA ဖြစ်အောင်ပြောင်းလဲပေးရပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။