အသက်ရှူခြင်းကို ဘယ်လိုစီမံမလဲ

လေ့ကျင့်ခန်း အနည်းငယ်လုပ်ပြီး အသက်ရှူကျပ်နေရင်၊ မောနေရင် သင့်ဆရာဝန်ကို ပြောပြဖို့ အရေးကြီးပါတယ်။ ဒါဆို သူတို့က သင့်မှာ ဖြစ်နေတဲ့ မောပန်းခြင်းရဲ့ အကြောင်းရင်းကို ရှာဖွေပြီး မှန်ကန်တဲ့ ကုသမှုတွေ ပေးမှာ ဖြစ်ပါတယ်။ သင့်အသက်ရှူခြင်းကို ထိန်းချုပ်ဖို့အတွက် နည်းလမ်းတွေကို လေ့ကျင့်နိုင်ပါတယ်။

၁။ သဘာဝအတိုင်း အသက်ရှူခြင်း

ဒီနည်းလမ်းမှာ အဆင့်သုံးခု ရှိပါတယ်။

၁) နှာခေါင်းကနေပြီး ပုံမှန်လေပမာဏကို ဖြည်းညင်းစွာ ရှူသွင်းပြီး အဆုတ်အောက်ပိုင်းကိုသာ လေဖြည့်ပါ။

၂) ဖြည်းညင်းစွာ အသက်ရှူထုတ်ပါ။

၃) ဒီလို ညင်သာစွာ အသက်ရှူသွင်းခြင်းကို စိတ်လျှော့ပြီး ပြုလုပ်ပါ။ အဆုတ်ရဲ့ အောက်ပိုင်းကိုသာ လေဖြည့်ဖို့ အရေးကြီးပါတယ်။

ဒီနည်းဟာ တစ်နေ့လုံအတွက် အသက်ရှူဖို့ အကောင်းဆုံးဖြစ်ပါတယ်။ ဒီနည်းလမ်းနဲ့ အသက်ရှူခြင်းကို လေ့ကျင့်ခြင်းဟာ အောက်စီဂျင် လုံလောက်စွာ သယ်ဆောင်နိုင်စေပြီး carbon dioxide ရှူထုတ်ခြင်းကို ထိန်းချုပ်ပေးပါတယ်။

နှာခေါင်းကနေပြီး ပုံမှန်လေပမာဏကို ဖြည်းညင်းစွာ ရှူသွင်းပြီး အဆုတ်အောက်ပိုင်းကိုသာ လေဖြည့်ပါ။ ဖြည်းညင်းစွာ အသက်ရှူထုတ်ပါ။ ဒီနည်းလမ်းကို အစပိုင်းမှာ ဗိုက်ပေါ်လက်တစ်ဖက်တင်ပြီးရင်ဘတ်ပေါ် လက်တစ်ဖက်တင်ကာ စမ်းကြည့်သင့်ပါတယ်။

အသက်ဖြည်းညင်းစွာ ရှူသွင်းချိန်မှာ အောက်ဘက်လက်ဟာ မြင့်တက်လာပြီး အပေါ်ဘက်လက်ကတော့ တစ်သမတ်တည်း ရှိမှာ ဖြစ်ပါတယ်။ ဒီလို ညင်သာစွာ အသက်ရှူသွင်းခြင်းကို စိတ်လျှော့ပြီး ပြုလုပ်ပါ။ အဆုတ်ရဲ့ အောက်ပိုင်းကိုသာ လေဖြည့်ဖို့ အရေးကြီးပါတယ်။

၂။ တည်ငြိမ်စွာ အသက်ရှူခြင်း

ဒီနည်းလမ်းမှာ အဆင့်သုံးခု ရှိပါတယ်။

၁) အဆုတ် အပေါ်ပိုင်းရော၊ အောက်ပိုင်းပါ လေဖြည့်ဖို့အတွက် ဖြည်းညင်း ကြာရှည်စွာ နှာခေါင်းနဲ့ အသက်ရှူသွင်းပါ။

၂) အသက်ရှူ ၃ စက္ကန့်အောင့်ပါ။

၃) စေ့ထားတဲ့ ပါးစပ်ကနေပြီး ဖြည်းညင်းစွာ ရှူထုတ်ပါ။ ကိုယ်ကို လျှော့ထားသင့်ပါတယ်။

ဒီနည်းလမ်းကတော့ Hyperventilation ကို ထိန်းချုပ်ပေးပြီး နှလုံးခုန်ကို နှေးစေကာ နေရသက်သာစေပါတယ်။ ဒီနည်းကို ရက်သတ္တပတ်အနည်းငယ်ကြာ တစ်နေ့မှာ အကြိမ်အနည်းငယ် ပြုလုပ်ပြီး လေ့ကျင့်သင့်ပါတယ်။ ပြောင်းလဲမှုတွေ ဖြစ်ချိန်၊ စိတ်ဖိစီးမှု လျော့လိုချိန်၊ စိတ်တည်ငြိမ်လိုချိန်တွေမှာ ဒီနည်းနဲ့ အသက်ရှူနိုင်ပါတယ်။ ဒါကြောင့် ကြောက်ရွံ့ချိန်တွေမှာ စိတ်တည်ငြိမ်ဖို့ နည်းလမ်းဆိုတယ်ဆိုရင် ဒီနည်းကို ပြုလုပ်နိုင်ပါတယ်။

၃။ စိတ်တည်ငြိမ်အောင် နံပတ်ရေခြင်း။

ဒီနည်းမှာတော့ အဆင့် ခြောက်ဆင့်ရှိပါတယ်။

၁) သက်တောင့်သက်သာ ဖြစ်အောင် ထိုင်ပါ။

၂) အသက် ဝဝ ကို အကြာကြီးရှူပြီး ဖြည်းညင်းစွာ ရှူထုတ်ပါ။

၃) မျက်လုံးတွေကို မှိတ်လိုက်ပါ။

၄) ပုံမှန်အသက်ရှူခြင်းကို ၁၀ ခါပြုလုပ်ပြီး အကြိမ်တိုင်းမှာ ၁ ကနေ ၁၀ အထိရေပါ။

၅) ဒီအချိန်မှာတော့ သင်ဟာ အသက်ကို သက်တောင့်သက်သာ ရှူပြီး မေးရိုး၊ နဖူး၊ ဝမ်းဗိုက် တွေမှာ ရှိတဲ့ ဖိအားကို သတိထားပါ။ ဒီဖိအားတွေ လျော့ကျနေပြီလို့အာရုံပြုပါ။

၆) ၁ ပြန်ရောက်တဲ့အခါ မျက်စိကို ဖွင့်လိုက်ပါ။

ဒီနည်းလမ်းကို စိတ်သက်သာအောင် ရေတွက်ခြင်းလို့ ခေါ်ပါတယ်။ သူဟာ စိတ်တည်ငြိမ်အောင် အသက်ရှူခြင်းထက် အကျိုးကျေးဇူး နှစ်ခု ပိုရှိပါတယ်။ ပထမဦးစွာ သူဟာ ပြီးဆုံးဖို့ ပိုကြာမြင့်ပါတယ်။ ၃၀ စက္ကန့်အစား ၉၀ စက္ကန့်ကြာပါတယ်။ ဒီအချိန်အတွင်းမှာ သင်ဟာ စိတ်ပူပန်နေတဲ့ အတွေးတွေကိုသာ အာရုံပြုနေမှာ ဖြစ်ပါတယ်။

ကြောက်စရာ ကောင်းတဲ့အတွေးတွေကို လေးနက်စွာ အာရုံမစိုက်ပဲ ဖြတ်ကျော်နိုင်တယ်ဆိုရင် သင်ဟာ သင့်အတွေးတွေကို ပိုမို ထိန်းချုပ်နိုင်မှာ ဖြစ်ပါတယ်။ ဒုတိယအနေနဲ့ ဒီနည်းလမ်းဟာ ပုံမှန်အတိုင်းအသက်ရှူနည်းနဲ့ စိတ်တည်ငြိမ်အောင် အသက်ရှူနည်းလိုပဲ စိတ်တည်ငြိမ်စေပါတယ်။ ဒါက သင်ဟာ သင့်ကိုယ်ခန္ဓါကို တည်ငြိမ်စေဖို့ စက္ကန့် ၉၀ ပေးခြင်းဖြစ်ပါတယ်။ ပြီးရင်တော့ ဒီအချိန်ကို ကျော်သွားရင် အရင်ထက်ပိုပြီး စိတ်ပူမှု နည်းပါးတာကို တွေ့ရမှာ ဖြစ်ပါတယ်။

ဒီနည်းလမ်းတွေကို အသုံးပြုစဉ်မှာ အချက်နှစ်ခုကို သတိထားရမှာ ဖြစ်ပါတယ်။ ပထမတစ်ခုကတော့ ဒီအသက်ရှူနည်းတွေဟာ လောလောဆယ်ဖြစ်နေတဲ့ အတွေးတွေကိုသာ ထိန်းချုပ်နိုင်တာ ဖြစ်တာမို့ သင်ဟာ ကြောက်နေချိန်မှာ သင့်ရဲ့ အတွေးဆိုးတွေကို ပြောင်းလဲခြင်း၊ အသက်ရှူခြင်းကို ပြောင်းလဲခြင်းတွေကို ပြုလုပ်သင့်ပါတယ်။

ဒုတိယအချက်ကတော့ ဒီနည်းလမ်းတွေဟာ သင်အာရုံစိုက်သလောက် အကျိုးရရှိမှာ ဖြစ်ပါတယ်။ ဒီနည်းလမ်းပြုလုပ်စဉ်မှာ ဘယ်အရာကိုမှ မတွေးသင့်ပါဘူး။ သင့်ရဲ့ စိတ်ပူနေတဲ့ အတွေးတွေ၊ ဒါပြီးရင် ဘာလုပ်မယ်ဆိုတာတွေ၊ ဒီနည်းကို ဘယ်လောက်ကျွမ်းနေပြီဆိုတာတွေ ကို မတွေးပဲ အထက်ဖေါ်ပြပါ အချက်တွေကို လိုက်နာသင့်ပါတယ်။