သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

အလုပ်ထွက်ပြီး မိသားစုကိုပဲ အချိန်ပေးဖို့ ဆုံးဖြတ်လိုက်ပြီလား

    အလုပ်ထွက်ပြီး မိသားစုကိုပဲ အချိန်ပေးဖို့ ဆုံးဖြတ်လိုက်ပြီလား

    ဒီဘက်ခေတ်ကြီးထဲမှာ အိမ်မှာပဲ အမြဲနေပြီး ကလေးတွေနဲ့ အချိန်ကုန်တဲ့ အိမ်ထောင်ရှင်မေမေတွေ နည်းလာပါပြီ။ ငွေရေးကြေးရေး အခြေအနေအရရော၊ ကိုယ့်ရဲ့ စိတ်ခံစားချက်နဲ့ ဘဝအပေါ် ခံယူချက်ကြောင့် အလုပ်တစ်ဖက်နဲ့ မိသားစုတာဝန်ကို မလစ်ဟင်းအောင် ကြိုးပမ်းကြတဲ့ မေမေတွေဟာ တော်တော်လေးကို စိတ်ရောလူပါ ပင်ပန်းရတဲ့ ကိစ္စပါပဲ။

    မကြာမီမှာ ကလေးယူပြီး ပျော်ရွှင်စရာ မိသားစုဘဝလေး ထူထောင်ကြမယ့် မေမေတွေလည်း လုပ်နေတဲ့ အလုပ်ကို ထွက်ရမလား၊ အလုပ်ရော အိမ်မှုကိစ္စကိုပါ တွဲပြီး လုပ်ရမလား တွေဝေနေကြမှာပါ။ ဒီနေ့ဆောင်းပါးလေးမှာ အိမ်မှာပဲ အမြဲနေပြီး မိသားစုနဲ့ အတူအချိန်ကုန်ဆုံးဖို့ ပြင်ဆင်နေတဲ့ မေမေတွေအတွက် ကြုံလာနိုင်တဲ့ ပြောင်းလဲမှုတွေနဲ့ ဘဝကို ဘယ်လိုဟန်ချက်ညီအောင် ထိန်းလို့ ရမလဲဆိုတာနဲ့ ပတ်သက်ပြီး ပြောပြပေးချင်ပါတယ်။

    အိမ်တွင်းပုန်း မေမေတွေအတွက် အားသာချက်တွေ

    ၁။ မိသားစုဝင်က တစ်ခုခုလိုအပ်တိုင်း ကိုယ်က အမြဲ အဆင့်သင့်ဖြစ်နေမယ်။

    ၂။ တစ်ယောက်တည်း ရှိနေသလို အထီးကျန်ဆန်မှုတွေ ခံစားရတော့မှာ မဟုတ်ပါဘူး။

    ၃။ အလုပ်ခွင်ဖိအားနဲ့ လွတ်ကင်းသွားမယ်။

    ၄။ ကလေးဟာ ကိုယ့်မျက်စိအောက်မှာ ကြီးပြင်းလာတာကို မြင်တွေ့ခွင့်ရမယ်။

    ၅။ အိမ်မှုကိစ္စတွေကို မလစ်ဟင်းအောင် စီမံခန့်ခွဲနိုင်မယ်။

    ၆။ ဝင်ငွေနဲ့ အသုံးစရိတ်ကို မျှတအောင် စီစဉ်လို့ ရမယ်။

    ၇။ ကိုယ့်ကလေးရဲ့ ပညာရေးမှာ လစ်ဟင်းမှုတွေ နည်းသွားနိုင်တယ်။

    ၈။ မိသားစုနဲ့ အတူနေရတဲ့အတွက် ကလေးမှာ သံယောဇဉ်တိုးလာမယ်။

    အိမ်တွင်းပုန်းမေမေတွေ အိမ်မှာပဲအမြဲနေရတဲ့အခါ ဘယ်လိုပြဿနာတွေ တွေ့ရနိုင်လဲ။

    ဘယ်ရွေးချယ်မှုမဆို အကောင်းရော အဆိုးပါ ဒွန်တွဲနေမှာပါ။ အဲ့သလိုပဲ အိမ်မှာ နေတာ ကြာလာတဲ့အခါ ဒါမှမဟုတ် ကိုယ်ဝါသနာပါတဲ့ အလုပ်ကို စွန့်လွှတ်ပြီး မိသားစုအတွက်ပဲ အချိန်ပေးနေရတဲ့အခါမျိုးမှာ စိတ်ညစ်စရာတွေ ဖြစ်လာနိုင်ပါတယ်။

    • မိသားစုနဲ့ နေရတာ ပျော်စရာကောင်းပေမယ့် အိမ်မှာပဲ အမြဲနေရတဲ့အခါမှာ မေမေတွေအတွက် လှောင်ပိတ်ထားသလို စိတ်ထဲ အကျဉ်းကျနေသလို နေရထိုင်ရခက်တာမျိုးတော့ ဖြစ်စေနိုင်ပါတယ်။
    • အချိန်ကြာလာရင် မေမေတွေအနေနဲ့ ကိုယ့်ကလေးမရှိရင် မနေတတ်တော့တာ၊ ကိုယ့်ကလေးအပေါ် မှီခိုတွယ်တာလွန်းတဲ့ စိတ်တွေ ဖြစ်လာနိုင်ပါတယ်။
    • အလုပ်ထွက်ပြီး အိမ်မှာပဲ နေနေတယ်ဆိုလို့ စိတ်ဖိစီးမှု အလုံးစုံကင်းစင်သွားမှာတော့ မဟုတ်ပါဘူး။ တစ်အိမ်သားလုံးရဲ့ တာဝန်ဝတ္တရားတွေဟာ ကိုယ့်အပေါ်မှာ ပုံကျလာတဲ့အတွက် စိတ်ဖိစီးမှု အနည်းနဲ့အကျဉ်းတော့ ခံစားရနိုင်ပါတယ်။
    • ဖခင်တစ်ဦးတည်း အလုပ်နေနေရတာ ဖြစ်တဲ့အတွက် အသုံးစရိတ်မလုံလောက်တာ၊ မိသားစု စားဝတ်နေရေး၊ နေစရိတ်ကို အချိန်ပြည့်ပူပန်နေရတာတွေ ရှိလာနိုင်ပါတယ်။
    • ကိုယ်ဝါသနာပါတဲ့ အလုပ်ကို သတိရတမ်းတတာ၊ တစ်ယောက်တည်း အိမ်မှုတာဝန်တွေ အကုန်ယူထားရတဲ့အခါ စိတ်ဆိုးဒေါသထွက်လွယ်နိုင်ပါတယ်။

    မေမေတွေ ဘဝကို ဟန်ချက်ညီဖို့ ဘယ်လိုနေထိုင်ကြမလဲ။

    မိသားစုအတွက် အချိန်ပေးရတာဟာ မိခင်ကောင်းတစ်ယောက်ရဲ့ တာဝန်ဆိုပေမယ့် ကိုယ့်ကျန်းမာရေးနဲ့ ဘဝကိုလည်း မေ့ထားလို့ မဖြစ်ပါဘူး။ မိသားစုဝင်တွေကိုလည်း စိတ်ပူသလို ကိုယ့်အတွက်ကိုလည်း စိတ်ပူပါ။ အာဟာရမျှတစွာ စားသောက်ပါ။ အိပ်ရေးဝအောင် အိပ်ပါ။ လေ့ကျင်ခန်း၊ အားကစား ပုံမှန်လုပ်ပေးပါ။

    ရုံးပိတ်ရက်၊ ကျောင်းပိတ်ရက်တွေမှာ မိသားစုဝင်တွေကို အိမ်မှုကိစ္စတာဝန် ခွဲဝေပေးပါ။ ဥပမာ မေမေက ထမင်းဟင်းချက်ပြီး စားသောက်ပြီးသွားရင် ဖေဖေတွေက ပန်းကန်ဆေးပေးတာမျိုး၊ ကလေးတွေက ကိုယ့်အခန်းကိုယ် သန့်ရှင်းရေးလုပ်တာမျိုး လုပ်ခိုင်းပေးပါ။

    အိမ်မှာပဲ ကိုယ့်ကိုယ်ကို လှောင်ပိတ်တာထက် အပြင်ထွက်ပေးပါ။ မနက်တိုင်း ဈေးဝယ်ထွက်တာ၊ လမ်းထွက်လျှောက်တာမျိုး လုပ်ပေးပါ။ ကိုယ့်သူငယ်ချင်းအပေါင်းအသင်းတွေ၊ ရပ်ဝေးမှာ နေနေတဲ့ မိဘဆွေမျိုးတွေဆီ အလည်သွားတာမျိုး လုပ်ပေးပါ။

    အလုပ်လုပ်ရတာ ဝါသနာပါတဲ့ အိမ်ထောင်ရှင်မေမေတွေဆိုရင် အိမ်မှာ အချိန်သိပ်ပေးစရာမလိုတဲ့ အလွတ်တန်းအလုပ်တွေ၊ အချိန်ပိုင်း အလုပ်လုပ်တွေ လုပ်ရင်း အပိုဝင်ငွေ ရှာပေးလို့ ရပါတယ်။ ဒါမှမဟုတ်လည်း ကိုယ့်အနီးအနားက လုပ်အားပေးအသင်းအဖွဲ့တွေ၊ ကူညီမှုလုပ်ငန်းတွေမှာ ဝင်ရောက်အားဖြည့်ပေးလို့လည်း ရပါတယ်။

    health-tool-icon

    ကလေးကာကွယ်ဆေးထိုး အချိန်ဇယား

    ကာကွယ်ဆေးထိုးအချိန်ဇယားကို အသုံးပြုပြီး သင့်ကလေး ဘယ်ကာကွယ်ဆေးကို ဘယ်အရွယ်မှာ ထိုးသင့်တယ်ဆိုတာကို လေ့လာလိုက်ပါ။

    ကလေးက ယောက်ျားလေးလား၊ မိန်းကလေးလား

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    How To Balance Life For Stay At Home Mom –https://www.verywellfamily.com/pros-cons-stay-at-home-mom-3128991 (March 1, 2019)

    Benefits Of Stay At Home Mother –https://www.verywellfamily.com/research-stay-at-home-moms-4047911 (March 1, 2019)

    စာရေးသူ ဓာတ်ပုံbadge
    Ye Myo Myat မှ ရေးသားသည်။ 15/07/2022 တွင် ပြန်လည်ပြင်ဆင်ခဲ့သည်။
    Dr. Thurein Hlaing Win မှ အချက်အလက် စစ်ဆေးထားပါသည်။
    Next article: