Cry it out (CIO) အလွယ်ပြောရရင် ကလေးငိုတာကို အဖက်မလုပ်တဲ့သဘောပါပဲ။ ညဘက်မှာ ကလေးကို ဝအောင်ကျွေး၊ သေးခံတွေ သေချာလဲပေးပြီးရင် အိပ်ရာထဲမှာ ထားလိုက်တာပါ။ ကလေးငိုလည်း သွားမကြည့်တော့ပါဘူး။ ဒါက ကလေးထက်စာရင် မိဘတွေအတွက် ပိုခက်ခဲပါတယ်။ မိဘတွေက ကလေးငိုတာကို မခံနိုင်လို့ပါ။ ဒါကြောင့် မနေနိုင်ဘဲ သွားသွားချီမိတတ်ပါတယ်။
သူ့ရဲ့ သဘောတရားက ကလေးကို အစာဝပြီး စိတ်ချရတဲ့ အနေအထားတစ်ခုမှာ ထားထားလိုက်တာပါ။ ငိုနေပေမယ့် ခဏနေရင် ကလေးက အိပ်ပျော်သွားပါတယ်။ ၃-၄ရက် လောက်နေရင် ကလေးက သူ့ဟာသူ အိပ်တတ်သွားပါပြီ။ ဒီနည်းက အမြန်ဆုံးပါပဲ။ ဒါပေမယ့် မိဘတွေ သည်းခံနိုင်ဖို့တော့ လိုပါတယ်။
ဒါကတော့ ခုနကလို ကလေးငိုတာကို သည်းမခံနိုင်ဘူးဆိုတဲ့ မိဘတွေအတွက်ပါ။ ကလေးငိုရင် ချက်ချင်း သွားမကြည့်ဘဲ ခဏလောက် နေမှ သွားကြည့်တဲ့ နည်းလမ်းပါ။ ခဏဆိုတာကို အချိန်တိုးတိုးသွားတာပါ။ ဒီည ၅မိနစ်နေမှ သွားကြည့်ရင်၊ နောက်ည ၁၀မိနစ် ဒီလိုနဲ့ တိုးတိုးသွားလိုက်ရင် နောက်ကျရင် ကလေးက သူ့အလိုလို အိပ်ပျော်သွားပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။