၅။ ဦးနှောက်နဲ့ ဉာဏ်ရည်ကို ထိခိုက်စေတာ၊ အပြုအမူနဲ့ စိတ်ပိုင်းဆိုင်ရာကို အနှောင့်အယှက်ပေးနိုင်တယ်။
၆။ အရိုးနဲ့ သွား ကျန်းမာရေး၊ ကြွက်သား၊ အာရုံကြောနဲ့ သွေးလွှတ်ကြောရဲ့ လုပ်ငန်းဆောင်တာတွေအတွက် အရေးပါတဲ့ ကယ်လ်စီယမ်ဓါတ် စုပ်ယူမှုကို ထိခိုက်စေလို့ တခြားကလေးတွေနဲ့ ယှဉ်လိုက်တဲ့အခါ လူကောင်သေးပြီး အရပ်မထွက်တာ၊ ကိုယ်အလေးချိန်နည်းနိုင်တယ်။
၇။ ခဲဆိပ်သင့်တဲ့ ကလေးတွေမှာ အကြားအာရုံ ချို့ယွင်းတာ၊ ကျောက်ကပ်ပျက်စီးတာ၊ အာရုံကြော အားနည်းတာ ဖြစ်နိုင်ပါတယ်။
၈။ ဘာသာစကား သင်ယူမှုမှာလည်း အခက်အခဲတွေ ဖြစ်စေတယ်။
၉။ ရုတ်တရက် တက်ပြီး သတိလစ်တာတွေအထိပါ ဖြစ်လာနိုင်ပါတယ်။
ကိုယ်ထဲက ခဲဆိပ်ကို ဘယ်လိုကုသမလဲ။
သွေးထဲမှာ ခဲဆိပ် ဘယ်လောက်ပမာဏထိ ရှိလဲ ဆိုတာပေါ် မူတည်ပြီး ကုသမှုပုံစံ ပြောင်းလဲသွားနိုင်ပါတယ်။ ခဲဆိပ်နည်းရင် ကုသတာလွယ်မယ်။ ပျောက်တာမြန်မယ်။ ရောဂါကုသနေတဲ့ အချိန်မှာလည်း ကိုယ့်ကလေးကို ခဲဆိပ်သင့်စေမယ့် အရာတွေနဲ့ ဝေးတဲ့ နေရာမှာ ထားသင့်ပါတယ်။ ခဲဆိပ်တွေ များနေပြီဆိုရင်တော့ ဆေးရုံမှာ သေချာကုသမှု ခံယူဖို့ လိုအပ်ပါတယ်။
ကျန်းမာရေးနဲ့ ညီညွတ်တဲ့ အစာအာဟာရတွေ သေချာကျွေးဖို့ လိုအပ်သလို ကယ်လ်စီယမ်ဓါတ်၊ သံဓါတ်နဲ့ ဗီတာမင် C ဓါတ်တွေကို အဓိက ရရှိဖို့ အရေးကြီးပါတယ်။ အစားအစာနဲ့ မလုံလောက်ဘူးလို့ ထင်ရင် ဆရာဝန်ရဲ့ ခွင့်ပြုချက်နဲ့ ဖြည့်စွက်အားဆေးတွေ တိုက်ပေးလို့ ရပါတယ်။
ခဲဆိပ်သင့်နေတဲ့ ကလေးရဲ့ မိသားစုဝင်တွေ အထူးသဖြင့် အရွယ်ငယ်သေးတဲ့ ကလေးတွေအနေနဲ့လည်း ကိုယ်ခန္ဓါထဲမှာ ခဲဆိပ်ရှိ၊ မရှိ သေချာစစ်ဆေးသင့်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။