ကလေးတွေအတွက် အိပ်စက်ခြင်းဟာ အစားအစာ နှင့် လုံခြုံစွာနေထိုင်ရမှုထက်မနည်း အရေးကြီးပါတယ်။ အကြောင်းကတော့ အိပ်စက်ခြင်းဟာ ဉာဏ်ရည်ဖွံ့ဖြိုးမှုအပေါ်မှာသာမက ကိုယ်ကာယဖွံ့ဖြိုးမှုအပေါ်မှာပါ ကြီးမားတဲ့ သက်ရောက်မှု ရှိနေလို့ပါပဲ။
ကလေးတွေအတွက် အိပ်စက်ခြင်းဟာ အစားအစာ နှင့် လုံခြုံစွာနေထိုင်ရမှုထက်မနည်း အရေးကြီးပါတယ်။ အကြောင်းကတော့ အိပ်စက်ခြင်းဟာ ဉာဏ်ရည်ဖွံ့ဖြိုးမှုအပေါ်မှာသာမက ကိုယ်ကာယဖွံ့ဖြိုးမှုအပေါ်မှာပါ ကြီးမားတဲ့ သက်ရောက်မှု ရှိနေလို့ပါပဲ။
ဒါပေမယ့် အိပ်ချိန်တစ်ခုပဲ အရေးကြီးတာတော့ မဟုတ်ပါဘူး။ အိပ်စက်တဲ့အချိန်အတွင်းမှာလည်း အနှောင့်အယှက်ကင်းကင်း နှစ်နှစ်ခြိုက်ခြိုက် အိပ်စက်နိုင်ဖို့နဲ့ နေ့လည်နေ့ခင်းလိုအချိန်တွေမှာ တစ်မှေးအိပ်စက်ခြင်းတွေဟာဆိုရင်လည်း အရေးကြီးပါတယ်။
လေ့လာတွေ့ရှိချက်တစ်ခုမှာဆိုရင် IQ မြင့်တဲ့သူတွေဟာ အိပ်ချိန် ပိုများကြကြောင်းတွေ့ရှိထားပါတယ်။ အဲလိုပြောလို့ ပိုအိပ်တာကောင်းတယ်ချည်း မဟုတ်ပါဘူးနော်။ ယနေ့ခေတ်အချိန်အရ လူတွေဟာ ဖျော်ဖြေရေးတွေ၊ အင်တာနက်၊ ရုပ်ရှင်၊ ဂိမ်း စတာတွေကြောင့် အိပ်ချိန် လျော့နည်းလာကြချိန်မှာ IQ မြင့်တဲ့လူတွေက ယေဘုယျအားဖြင့် အိပ်ချိန်ပိုကြကြောင်း လေ့လာတွေ့ရှိထားတာဖြစ်ပါတယ်။ နေ့စဉ် အခြားကလေးများထက် အိပ်ချိန်ပိုလာတာကို သတိထားမိလာပြီဆိုရင်တော့လည်း ဒါဟာ စိတ်ကျခြင်းရဲ့ လက္ခဏာဖြစ်နိုင်တာမို့လို့ မိဘတွေအနေနဲ့ သတိထားသင့်ပါတယ်။ အကြောင်းကတော့ လူတော်တော်များများ တွေးထင်ထားတဲ့ ကလေးတွေဟာ depression မဝင်နိုင်ဘူးဆိုတဲ့အချက်ဟာ အမှန်မဟုတ်လို့ပါပဲ။ ကလေးတွေဟာလည်း စိတ်ကျခြင်းကို ခံစားရနိုင်ပါတယ်။
နောက်တစ်ခုကတော့ အိပ်ချိန်လေး အနည်းငယ်လောက် လျော့နည်းရုံပါလို့ ပေါ့ပေါ့ဆဆတွေးလို့ မရပါဘူး။ အနည်းငယ်သောအိပ်ချိန်လျော့နည်းခြင်းဟာဆိုရင်လည်း ကလေးတွေကို နွမ်းလျစေပါတယ်။ တစ်ခါတစ်ရံ ကလေးတွေဟာ တက်ကြွနေတယ်လို့ ထင်ရနိုင်ပြီး အမှန်တကယ်မှာ မိဘတွေ၊ သူငယ်ချင်းတွေနှင့် ကစားချင်သောကြောင့် အဲ့ဒီလို တက်ကြွနေဖို့ကို သူတို့ကိုယ်တိုင်က ကြိုးစားနေကြတာဖြစ်ပြီး နောက်ပိုင်းမှာ အလွန်အမင်း ခြေကုန်လက်ပန်းကျခြင်းမျိုးကဲ့သို့သော အရာတွေဖြစ်လာနိုင်ပါတယ်။ အဲ့ဒါရဲ့ နောက်ဆက်တွဲရလဒ်အနေနဲ့ ဇီဇာကြောင်တာတွေ၊ ဒေါသထွက်လွယ်တာတွေ၊ ဒါမှဒါဆိုပြီး တစ်ယူသန်တာတွေ ဖြစ်လာနိုင်ပါတယ်။ အိပ်ပျော်ဖို့ ခက်ခဲသွားတာတွေ၊ ညအချိန်မှာ နိုးနေတာမျိုးတွေလည်း ဖြစ်လာနိုင်လို့ မပေါ့ဆသင့်ပါဘူး။
ဒီလိုမျိုးလေး ကလေးအတွက် ဆောင်ရွက်ပေးထားမယ်ဆိုရင် ကလေးအတွက် အများကြီး အကျိုးရှိသလို မိမိကိုယ်တိုင်အတွက်လည်း ကောင်းမွန်စွာ အိပ်ပျော်ခွင့်ရနိုင်ဖို့ အခွင့်အလမ်းများသွားမှာပဲ ဖြစ်ပါတယ်။
ကျေးဇူးတင်ပါတယ်
ရေးသားသူ – May Kham Eain
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။