ဘယ်အချိန်မှာ ဆရာဝန်ပြသင့်သလဲ
ဒိုင်ပါလောင်ခြင်းက နာကျင်ပြီး စပ်ဖျဉ်းဖျဉ်းဖြစ်စေတယ်ဆိုပေမယ့် ကလေးဆိုတော့ သူကလည်း နည်းနည်းပါးပါးဆို သတိမထားမိပါဘူး။ ပိုဆိုးလာမှသာ ဒိုင်ပါဝတ်ပေးတိုင်း ငိုနေမှာပါ။ ဒိုင်ပါလောင်တာကနေ ပိုးဝင်လာရင်တော့ စိုးရိမ်ရပါတယ်။ သေးခံလောင်တဲ့နေရာမှာ ရောဂါပိုးဝင်ပြီဆိုရင် ပြတတ်တဲ့ ဒီလက္ခဏာလေးတွေကို သတိထားပါ။ ဒါဆိုရင် ကလေးအထူးကုဆရာဝန်ကိုပြသင့်ပါတယ်။
- သေးခံဝတ်တဲ့နေရာမှာ အရည်ကြည်ဖုလေးတွေဖြစ်လာတာ
- အဖျားရှိလာတာ
- နီရဲလာတာ
- ရောင်ရမ်းလာတာ
- သေးခံဝတ်တဲ့နေရာမှာပြည်တည်လာတာ၊ အရည်ထွက်လာတာ
သေးခံလောင်ခြင်းကို သက်သာစေမယ့် အချက် ၅ ချက်
ကလေးမှာ သေးခံလောင်တာ သက်သာစေမယ့် အချက်(၅)ချက် ကတော့
(၁) သေးခံဒိုင်ပါကို မကြာခဏလဲပေးပါ
ကလေးကို ရေသုတ်တဲ့အခါ မပွတ်ဘဲ တို့ပြီးသုတ်ပေးပါ။ ဒိုင်ပါအသစ်လဲတိုင်း ကလေးရဲ့ ပေါင်ခြံနဲ့ တင်ပါးတဝိုက်ကို သန့်စင်ခြောက်သွေ့နေပါစေ။ ကလေးက တုံပြန်လွယ်တဲ့အသားအရေရှိနေရင် အဲဒီနေရာတွေကို သန့်ရှင်းပေးတဲ့အခါ ရေလေးဖျန်းပြီး ဂွမ်းလုံးလေးနဲ့တို့သုတ်ပေးပါ။
(၂) အသားအရေချောမွေ့စေမယ့် အဆီတစ်ခုခုလိမ်းပေးပါ
သင့်ကလေးရဲ့ အသားအရေခြောက်သွေ့နေပြီဆိုရင် ဆီးနဲ့ ဝမ်းကြောင့် ဒိုင်ပါလောင်တာ မဖြစ်စေဖို့ baby oil တစ်မျိုးမျိုးလိမ်းပေးနိုင်ပါတယ်။ ဒါမှ ကလေးရဲ့အသားအရေမှာ ချောမွေ့စေပြီး သေးခံလောင်ခြင်းကြောင့် ဖြစ်လာတဲ့ဝေဒနာကို သက်သာစေဖို့ အကာအကွယ်အလွှာတစ်ခုဖြစ်စေမှာပါ။
(၃) ဒိုင်ပါကို အရမ်းမတင်းကျပ်ပါစေနဲ့
ကလေးကို ဒိုင်ပါ ခပ်လျော့လျော့ဝတ်ပေးပါ သို့မဟုတ် လေဝင်လေထွက်ကောင်းစေဖို့ ကလေးနဲ့ နည်းနည်းကြီးတဲ့ ဒိုင်ပါအရွယ်အစားကို ရွေးနိုင်ပါတယ်။ ဒိုင်ပါမဝတ်ခင် ဒိုင်ပါဝတ်မယ့်နေရာတဝိုက်မှာ သန့်ရှင်းပြီးခြောက်သွေ့နေဖို့ အရေးကြီးပါတယ်။
(၄) ဒိုင်ပါ မဝတ်ပေးတဲ့အချိန်လည်း ရှိရပါမယ်
လေဝင်လေထွက်ကောင်းခြင်းက သေးခံလောင်တာသက်သာစေဖို့၊ ခြောက်သွေ့စေဖို့ အကောင်းဆုံးသဘာဝနည်းလမ်းပါ။ ကလေးမှာ သေးခံလောင်တဲ့နေရာ ဖြစ်လာရင် တခါတလေ ကလေးကို ဒိုင်ပါမဝတ်ဘဲ ဒီအတိုင်းထားပေးပါ။
(၅) ကြိုတင်ကာကွယ်ခြင်းက အကောင်းဆုံးဆေးပါပဲ
ဒီလိုလောင်တာမျိုးမဖြစ်ရအောင် ကြိုတင်သတိထားကာကွယ်တာ အကောင်းဆုံးပါပဲ။ သားသားမီးမီးလေးတွေ ဝေဒနာမခံစားရတော့ဘူးပေါ့။ သေးခံဒိုင်ပါဝတ်ပေးမယ်ဆိုရင် ဒိုင်ပါအောက်က အသားအရေမှာ လေဝင်လေထွက်ရှိဖို့ သတိထားရမှာဖြစ်သလို အရည်အသွေးကောင်းပြီး စိတ်ချရတဲ့ ဒိုင်ပါအမှတ်တံဆိပ်ကို ဝယ်သုံးဖို့လည်းအရေးကြီးတယ်ဆိုတာ မမေ့ပါနဲ့။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။