ဘေဘီလေးတွေကို ဘယ်လိုသိပ်ကြမလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date အောက်တိုဘာ 6, 2020 . 2 mins read
Share now

မနက်သုံးနာရီကလည်းထိုးပြီ၊ မိမိရဲ့ဘေဘီလေးကလည်းမအိပ်သေးဘူး။ မေမေကတော့ အရမ်းအိပ်ချင်နေပြီပေါ့။

ဘေဘီလေးတို့အိပ်စက်ဖို့ရန်အတွက် မေမေတို့တွေ ဘယ်လိုနည်းလမ်းတွေ သုံးရမှာပါလိမ့်။

(၁) ‘S’ ငါးလုံးနည်းလမ်း

  • Swaddling ဆိုတာ မြန်မာလိုဆိုရင် တင်းကြပ်စွာထုပ်ပိုးထားသည်လို့ အဓိပ္ပာယ်ရပါတယ်။ ကလေးတွေဟာ မေမေတို့ရဲ့ဗိုက်ထဲမှာ သန္ဓေသားဘဝအနေနဲ့ ကိုးလခန့်ရှိနေခဲ့တာပါ။ ထိုအချိန်က မေမေတို့ရဲ့သားအိမ်ဟာ သန္ဓေသားလေးတွေကို နွေးထွေးစွာထုပ်ပိုးထားခဲ့ပါတယ်။ ဒါကြောင့်အပြင်ရောက်လာသည့်တိုင် ဒီလိုခံစားမှုမျိုးကို ကြိုက်နေတတ်ကြပါတယ်။ ဘေဘီလေးတွေကိုချော့သိပ်ဖို့ဆိုရင် နွေးထွေးစွာထုပ်ပိုးယုယထားခြင်း နည်းလမ်းဟာလည်း အသုံးဝင်ပါတယ်။ တခြားအချိန်တွေမှာတော့လွတ်လပ်စွာဆော့ကစားပါစေနော်။
  • Side – ဘေးတစ်စောင်းအနေအထားနဲ့ သိပ်ကြည့်ပါ။ ဘေးစောင်းအနေအထားဟာ ဘေဘီလေးကို အိပ်မက်ကမ္ဘာထဲရောက်အောင် တဖြည်းဖြည်းနဲ့ခေါ်ဆောင်သွားနိုင်ပါတယ်။ အိပ်ပျော်သွားရင်တော့ ပက်လက်အနေအထားပြန်ပြောင်းပေးနိုင်ပါတယ်။
  • Shushing ဆိုတဲ့အဓိပ္ပာယ်ကတော့တိုးတိတ်ညင်သာတဲ့ ရှူးဆိုတဲ့အသံကို စည်းချက်ကျကျ ကလေးရဲ့နားအနီးမှာသီဆိုပေးပါ။ ဤအသံဟာ သားအိမ်ထဲမှာရှိနေစဉ် ကာလမှာ ကြားခဲ့ရတဲ့အသံနဲ့ ပုံစံတူတယ်လို့ဆိုထားကြပါတယ်။
  • Swing – ဒီနည်းလမ်းကိုတော့ လူတိုင်းသိပြီးသားပါ။ ကလေးကို ပုခက်ထဲမှာဖြစ်စေ၊ ကလေးအိပ်စင်မှာဖြစ်စေ လွှဲသိပ်ရမယ့်နည်းလမ်းပါ။ ဖြည်းညင်းစွာလွှဲဖို့တော့လိုပါတယ်။ အားများများနဲ့လွှဲသိပ်ခြင်းဟာ ထိခိုက်ဒဏ်ရာရမှာစိုးရိမ်ရသလို ကလေးရဲ့ဉီးနှောက်ကိုလည်း ထိခိုက်နိုင်ပါတယ်။ အိပ်မောကျသွားရင်တော့လွှဲနေတာကိုရပ်လိုက်ပါ။
  • Sucking Reflex ဆိုတာဘေဘီလေးတွေ နို့စို့တဲ့အလေ့အထပါ။ ဘေဘီလေးတွေဟာ မေမေ့နို့ကိုစို့ရင်း အိပ်ပျော်သွားတတ်ကြပါတယ်။ နို့တိုက်ရင်း မေမေကိုယ်တိုင် အိပ်မပျော်သွားအောင်တော့ သတိထားပါ။ မေမေ့နို့ဟာကလေးမျက်နှာကို မတော်တဆ ဖိမိနေတတ်တာမို့အသက်ရှူကြပ်သွားနိုင်ပါတယ်။ ချိုလိမ်လေးတွေပေးထားလို့လည်းရပါတယ်။

(၂) နေ့နဲ့ည အလင်းနဲ့အမှောင်ကို သင်ကြားပေးပါ။

သားအိမ်ထဲမှာရှိနေစဉ်မှာပတ်ဝန်းကျင်ဟာမှောင်နေပါတယ်။ အပြင်လောကကို ရောက်လာတဲ့အခါ အလင်းကို ချက်ချင်း အသားမကျသေးတာကြောင့် အလွယ်တကူ အိပ်မပျော်သေးတာပါ။ ညဘက်အခန်းမီးပိတ်ချိန်စောလေလေ ကလေးရဲ့ နှစ်ခြိုက်စွာအိပ်ပျော်ချိန် စောလေလေပါ။ ဒါ့အပြင် ညတိုင်းညတိုင်းမီးပိတ်တဲ့အချိန်ဟာတစ်ချိန်ထဲဖြစ်ရင်ပိုကောင်းပါတယ်။ အိပ်ချိန်ကို ပုံမှန်မှတ်မိသွားနိုင်ပါတယ်။ အိပ်ချိန်ကို တစ်သမတ်တည်းဖြစ်သွားစေပြီး မေမေလည်း ခက်ခက်ခဲခဲသိပ်ရတဲ့ ပြဿနာလျော့သွားမှာပါ။

(၃) စိတ်ကိုပြင်ဆင်ပါ။

တကယ်တော့ ဘေဘီလေးတွေညညထထငိုတယ်ဆိုတာ ပုံမှန်သဘာဝပါပဲ။ များသောအားဖြင့် သူတို့လေးတွေဗိုက်ဆာလာလို့ပါ။ ဒါဟာ လနုသေးတဲ့ကလေးငယ်လေးတွေအတွက်ပုံမှန်ပါပဲ။ မေမေတို့အနေနဲ့ ဒါကိုစိတ်ညစ်စရာလို့သဘောမထားဘဲ အကောင်းဆုံးရင်ဆိုင်ဖြေရှင်းခြင်းဟာစိတ်ညစ်မှုကိုတစ်ဝက်လောက်သက်သာစေပါတယ်။

ဘေဘီလေးတွေနိုးလာတဲ့အခါ

  • နို့တိုက်ပြီး ပြန်သိပ်လိုက်ပါ။
  • အခန်းမီးမဖွင့်လိုက်ပါနဲ့။ ကလေးရော အမေရောမျက်စိကြောင်သွားပြီး ပြန်အိပ်ပျော်ဖို့ခက်ခဲသွားနိုင်ပါတယ်။
  • ရှူးရှူးပေါက် အီးအီးပါလို့နိုးလာခဲ့ရင်တော့ လဲလှယ်သန့်စင်ပေးပြီးပြန်သိပ်ပါ။
  • ဆူညံသံတစ်ခုကြောင့် နိုးလာခဲ့ရင်တော့ ပြန်အိပ်ပျော်ဖို့မြန်ပါတယ်။
  • ချိုလိမ်ကိုလည်းအသုံးပြုနိုင်ပါတယ်။

ဒါကြောင့် မေမေအများစုကြုံတွေ့နေရတဲ့ဒီပြဿနာကိုစိတ်ညစ်စရာလို့သဘောမထားဘဲ အကောင်းဆုံးဖြေရှင်းလိုက်ပါ။

မေမေတို့ ယခုကြုံတွေ့ရတဲ့ဒုက္ခဟာတစ်ခဏပါပဲ။ ဘေဘီလေးအသက်ကြီးလာတာနဲ့အမျှ ဒီဒုက္ခတွေဟာပျောက်သွားမှာပါ။ လနုစဉ် ခဏတာကြုံတွေ့ရတဲ့အခက်အခဲပါ။ မိမိရင်သွေးလေး ကျန်းကျန်းမာမာနဲ့ ချစ်စရာကောင်းစွာကြီးပြင်းလာမှာကိုစိတ်ရှည်ရှည်နဲ့စောင့်ဆိုင်းရင်း အိပ်မပျော်တဲ့ပြဿနာကိုနည်းလမ်းကျကျဖြေရှင်းကြည့်ရအောင်။

ရေးသားသူ- ဒေါက်တာမှူးခင်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အရိုးအဆစ် နဲ့ ကြွက်သားများ နာကျင်ရတဲ့ အကြောင်းရင်းများ

အရိုးအဆစ်နဲ့ ကြွက်သားနာကျင်ခြင်းက အဖြစ်များတဲ့ ပြဿနာ တစ်ခုပါ။ နာကျင်တာကို သက်သာအောင် လုပ်ရသလို နောက်ခံရောဂါကိုလည်း ရှာဖွေကုသသင့်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကိုယ်ဝန်ဆောင်ချိန် ခေါင်းကိုက်ခြင်း

ကိုယ်ဝန်ဆောင်မေမေတစ်ယောက်အနေနဲ့ ကိုယ်ဝန်ဆောင်ချိန်မှာ အမျိုးမျိုးသော ခေါင်းကိုက်ခြင်း ပြဿနာကို ခံစားရနိုင်ပါတယ်။ ကိုယ်ဝန်ဆောင်ကျန်းမာရေးပြဿနာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကျဆင်းလာတဲ့ ကိုယ်ခံအားစနစ်ကို ဘယ်လိုပြန်မြှင့်တင်မလဲ

အသက်အရွယ် ကြီးလာတာနဲ့အမျှ ငယ်စဉ်ကလောက် ကိုယ်ခံအားစနစ်ဟာ အလုပ်မလုပ်နိုင်တော့ဘဲ အားလျော့သွားတဲ့အတွက် ရောဂါဖြစ်ဖို့ ပိုပြီးလွယ်ကူနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

လေ့ကျင့်ခန်းမလုပ်ခင် ဘာတွေကို အဓိကစားပေးမလဲ

လေ့ကျင့်ခန်း အစားအစာ အာဟာရဓာတ် Gym သစ်သီးဝလံ ပရိုတင်း ရေဓာတ် ကစီ အဆီ နွားနို့ ကြက်ဥပြုတ် အိပ်ချိန် ကြွက်သား ထောပတ်သီး ငှက်ပျောသီး မနက်စာ ကိုယ်ခန္ဓာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သင့်အတွက် ရွေးချယ်ထားသည်

ကိုဗစ်ကာလအတွက် အသင့်တော်ဆုံး သားဆက်ခြားနည်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 20, 2020 . 2 mins read
Stay Home မှာ ထွက်လာတဲ့ဗိုက်ကလေးကို ဒီနည်းလမ်းတွေနဲ့ ပြန်ချပါ

Stay Home မှာ ထွက်လာတဲ့ဗိုက်ကလေးကို ဒီနည်းလမ်းတွေနဲ့ ပြန်ချပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ရေးသား ထုတ်ဝေခဲ့သည် အောက်တိုဘာ 19, 2020 . 2 mins read
အိပ်မပျော်တာ ဟော်မုန်းကြောင့်များလား

COVID ကာလ အိပ်မပျော်တာ ဟော်မုန်းတစ်ခုခုဖောက်ပြန်နေလို့များလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 16, 2020 . 3 mins read
အဖြစ်များတဲ့ အရိုးအဆစ်ပြဿနာ များ

အဖြစ်များတဲ့ အရိုးအဆစ်ပြဿနာ များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 8, 2020 . 3 mins read