ခါးဆစ်ချော်ခြင်းဖြစ်သူများအတွက် လေ့ကျင့်ခန်းများ

ခါးနေရာတွင် အဆစ်ချော်ခြင်းသည် အဖြစ်အများဆုံး အဆစ်ချော်ခြင်း ဖြစ်ပါသည်။ ထိုပြသနာကို ကုသရန် လေ့ကျင့်ခန်းများ ပြုလုပ်နိုင်သော်လည်း သင့်ကိုသက်သာစေမည့် လေ့ကျင့်ခန်းများ ရှိသလို သင်ရှောင်ကျဉ်ရမည့် လေ့ကျင့်ခန်းများလည်း ရှိပါသည်။ ခါးဆစ်ချော်ခြင်းဖြစ်သူများအတွက် လေ့ကျင့်ခန်းများ အကြောင်းကို အောက်ပါဆောင်းပါးတွင် လေ့လာကြည့်ပါ။

ခါးဆစ်ချော်ခြင်းဖြစ်သူများအတွက် လေ့ကျင့်ခန်းများ

ခါးဆစ်ချော်ခြင်းဖြစ်သူများအတွက် လေ့ကျင့်ခန်းများ အကြောင်း အတူတူ ကြည့်လိုက်ရအောင်နော်။

လေ့ကျင့်ခန်းပြုလုပ်ခြင်း၏ အကျိုးကျေးဇူးများ

ခါးဆစ်ချော်နေသူများတွင် ပင်မကျောရိုးမကြီးတွင် ပြသနာဖြစ်နေခြင်းဖြစ်သည့် အတွက် ကျောရိုးအဆစ်များလည်း ပုံမှန်မအနေအထားအတိုင်း မဖြစ်တော့ပါ။ ခါးအောက်ပိုင်းတွင် နာကျင်ခြင်း၊ ထုံခြင်း၊ ကျဉ်ခြင်း၊ အားနည်းခြင်းတို့ဖြစ်ပါမည်။ တခါတရံတွင် တင်ခံကြောကို ထိမိခြင်းကြောင့် ခြေသလုံးနာခြင်းပါ ဖြစ်နိုင်ပါသည်။

ထိုပြသနာများ အတွက် ပထမအဆင့် အနေနှင့် လေ့ကျင့်ခန်းများ ပြုလုပ်ခြင်းဖြင့် ကုသနိုင်ပါသည်။

· လေ့ကျင့်ခန်းများ ပြုလုပ်ခြင်းဖြင့် နောက်ကျော၊ တင်ပါး၊ တင်ပါးဆုံ ကြွက်သားများကို သန်မာစေပြီး ခါးကျောရိုးကိုလည်း အထောက်အပံ့ကောင်းစေပါသည်။ ထိုသို့ ကြွက်သားထောက်ပံ့မှုများကောင်းခြင်းဖြင့် ပင်မကျောရိုးမတွင် ဒဏ်ဖြစ်ခြင်းကို လျှင်မြန်စွာ အနာကျက်မြန်စေပြီး ထိခိုက်ဒဏ်ရာများလည်း မဖြစ်အောင်လျှော့ချပေးနိုင်ပါသည်။

· လေ့ကျင့်ခန်း ပြုလုပ်ခြင်းဖြင့် ကျောရိုးဆစ်များ နေရာလွဲချော်ခြင်းကိုလည်း နေရာမှန်သွားစေပါသည်။

· လေ့ကျင့်ခန်း ပြုလုပ်ခြင်းဖြင့် ဒဏ်ဖြစ်နေသော နေရာကို သွေးလည်ပတ်မှုကောင်းစေပါသည်။

· လေ့ကျင့်ခန်း ပြုလုပ်ခြင်းဖြင့် ပင်မကျောရိုးကို ကိုယ်အလေးချိန်များစွာသက်ရောက်ခြင်းကို လျော့ချပေးခြင်းဖြင့် ခါးရိုးဒဏ်ဖြစ်ခြင်းကို လျော့နည်းစေပါသည်။

ခါးဆစ်ချော်ခြင်းဖြစ်သူများအတွက် ပြုလုပ်ရမည့် အကောင်းဆုံး လေ့ကျင့်ခန်းများ

ခါးအောက်ပိုင်း အရိုးကွင်းလေ့ကျင့်ခန်း

ခါးအောက်ပိုင်းတွင် အကောက်အကွေးများလွန်းသော အနေအထားများကြောင့် ခါးအောက်ပိုင်းနေရာတွင် နာကျင်လာခြင်းကို ခါးအောက်ပိုင်း အရိုးကွင်လေ့ကျင့်ခန်းများပြူလုပ်ခြင်းဖြင့် သက်သာစေနိုင်ပါသည်။ ထိုသို့ပြုလုပ်ရန်

· လေ့ကျင့်ခန်းများ ပြုလုပ်ရန် အတွက်သင်သည် ကြမ်းပြင်ပေါ်တွင် လှဲလျောင်းရမည်။ အောက်ခံ ဖျာတစ်ချပ်ကို အသုံးပြုခြင်းဖြင့် သင့်ကို လေ့ကျင့်ခန်းများ ပြုလုပ်စဉ် ဘေးမချော်သွားအောင် ကူညီပေးပါသည်။

· သင့်ခေါင်းအောက်တွင် စာအုပ် ပါးပါးတစ်အုပ်ထားပါ။

· ခြေဖဝါးများကို ကြမ်းပြင်ပေါ်တွင် ထားပါ။

· ကိုယ်ခန္ဓါ အပေါ်ပိုင်းကို ဖြေလျော့ထားပါ။

· သင့်ခါးကို ဖြေးညင်းစွာဖိထားပါ။ သင့်ဝမ်းဗိုက်ရှိ ကြွက်သားများ ဆန့်သွားခြင်းကို ခံစားရပါလိမ့်မည်။

· ခါးအရိုးကွင်းကို သင့်ခြေဖနောင့်များဆီသို့စောင်းပါ။ ထိုအချိန်တွင်လည်း ကြွက်သားများ ဆန့်သွားခြင်းကို ခံစားရပါလိမ့်မည်။

· ထို အနေအထားအတိုင်း ၁၀-၁၅ စက္ကန့်ခန့်ထားပြီး ပြေလျော့လိုက်ပါ။

· ဖော်ပြပါအတိုင်း နောက်တကျော့ ၁၀ကြိမ် ပြန်လုပ်ပါ။

ဒူးနှင့် ရင်ဘတ်ထိသော လေ့ကျင့်ခန်းများ

ထို လေ့ကျင့်ခန်းသည် သင့်နောက်ကျောရှိကြွက်သားများကို သန်မာစေပါသည်။

ထိုသို့ပြုလုပ်ရန်

· လဲလျောင်းပါ။

· ဒူးများကို ကွေးပါ။

· ခြေဖဝါးများကို ကြမ်းပြင်ပေါ်တွင် ထားပါ။

· သင့်ခြေတဖက်ကို ရင်ဘတ်ဆီသို့ လက်ဖြင့် ဆွဲသွင်းပါ။ ခြေနှစ်ဖက်စလုံးကို ဆွဲမသွင်းပါနှင့်။

· ထို အနေအထားအတိုင်း ၁၀-၁၅ စက္ကန့်ခန့်ထားပြီး ပြေလျော့လိုက်ပါ။

· ဖော်ပြပါအတိုင်း နောက်တကျော့ ၁၀ကြိမ် ပြန်လုပ်ပါ။

ဝမ်းဗိုက်ရှိကြွက်သားများကို သန်မာစေသော လေ့ကျင့်ခန်းများ

ထိုလေ့ကျင့်ခန်းများသည် နောက်ကျောဘက်ရှိ ကျောရိုးကို ထောက်ပံ့ပေးနေသော ကြွက်သားများကို သန်မာစေပါသည်။

ထိုသို့ပြုလုပ်ရန်

· လေ့ကျင့်ခန်းများ ပြုလုပ်ရန် အတွက်သင်သည် ကြမ်းပြင်ပေါ်တွင် လှဲလျောင်းရမည်။ အောက်ခံ ဖျာတစ်ချပ်ကို အသုံးပြုခြင်းဖြင့် သင့်ကို လေ့ကျင့်ခန်းပြုလုပ်စဉ် ဘေးမချော်သွားအောင် ကူညီပေးပါသည်။

· သင့်ခေါင်းအောက်တွင် စာအုပ် ပါးပါးတစ်အုပ်ထားပါ။

· ခြေဖဝါးများကို ကြမ်းပြင်ပေါ်တွင် ထားပါ။

· ကိုယ်ခန္ဓါ အပေါ်ပိုင်းကို ဖြေလျော့ထားပါ။

· သင့်အစာအိမ်နေရာတလျှောက် အသံထွက်လာသည့်ပုံစံဖြစ်အောင် အသက်ရှုထုတ်ပါ။

· ထို အနေအထားအတိုင်း ၁၀-၁၅ စက္ကန့်ခန့်ထားပြီး ပြေလျော့လိုက်ပါ။

· ဖော်ပြပါအတိုင်း နောက်တကျော့ ၁၀ကြိမ် ပြန်လုပ်ပါ။

ခါးဆစ်ချော်ခြင်းဖြစ်သူများအတွက် မပြုလုပ်သင့်သော အဆိုးဆုံး လေ့ကျင့်ခန်းများ

လည်ပင်များကို လှည့်ခြင်း၊ စောင်းခြင်း

လည်ပင်များကို အနေအထားမှန်စွာ လှည့်ခြင်း၊ စောင်းခြင်းဖြင့် ပင်မကျောရိုးရှိကြွက်သားများနှင့် ဝမ်းဗိုက်ရှိကြွက်သားများကို သန်မာစေပါသည်။ သို့သော် အလွန်အကျွံ လှည့်ခြင်း၊ စောင်းခြင်း ပြုလုပ်လျှင် လည်ပင်းကို ဒဏ်ဖြစ်စေပါသည်။ ဥပမာ- လည်ပင်းကို ခြေဖျားများနှင့်ထိသည်အထိ ပြုလုပ်ခြင်းမျိုးကို ရှောင်ကျဉ်သင့်ပါသည်။

လေးချိန်များသော ဝိတ်တုံးများကို မခြင်း

ဝိတ်မသော အခါ ခါးကို ဒဏ်ဖြစ်စေပြီး ခါးဆစ်ချော်စေပါသည်။ ထို့ကြောင့် အလေးချိန်များသော ပစ္စည်းများကို မမခင် သင့်ခြေထောက်များကို ပခုံးအကျယ်အတိုင်းခွဲထားပြီး ခြေတဖက်ကို ရှေ့ထုတ်ထားပါ။ ဒူးများနှင့် တင်ပါးဆုံများကိုသာ ကွေးပြီး တင်ပါးကို အပြင်ဘက်သို့ကော့ထားပါ။ ထို့နောက် အရှေ့တည့်တည့်ကြည့်ပြီး ဖြေးဖြေးချင်းမပါ။

မည်သို့ပင်ဖြစ်စေကာမူ အလေးချိန်များသော ပစ္စည်းများကို မမသင့်ပါ။

ပြင်းထန်လေ့ကျင့်ခန်းများ ပြုလုပ်ခြင်း

သင့်တွင် ခါးဆစ်ချော်ခြင်း ဝေဒနာများ ခံစားနေရလျှင် တက်ကြွစွာ နေထိုင်သင့်ပါသည်။ ထို့ပြင် ဘတ်စကတ်ဘောကစားခြင်း၊ ဘောလုံးကစားခြင်း စသည့် ပြင်းထန် လေ့ကျင့်ခန်းများသည် ခါးအရိုးဆစ်များကို အနာကျက်နှေးစေခြင်းကြောင့် ထိုလေ့ကျင့်ခန်းများကို ရှောင်ကျဉ်သင့်ပါသည်။

အချုပ်ဆိုရသော် သင်သည် ခါးအရိုးဆစ်များချော်နေပါက သင့်ခါးသည် ဒဏ်ဖြစ်လွယ်သောကြောင့် သင့်ခါးကို ပိုမဆိုးသွားစေမည့် လေ့ကျင့်ခန်းများကို ရွေးချယ်ပြီး စနစ်တကျ ပြုလုပ်သင့်ပါသည်။

[embed-health-tool-bmi]