ဒီစမ်းသပ်မှုမှာ ပါဝင်တဲ့ လူ ၄၆ ယောက်ကို testosterone ဂျဲလ်ပေးပြီး တခြား ၄၅ယောက်ကို ဘာအာနိသင်မှ မရှိတဲ့ဆေးကို ပေးပါတယ်။ နောက်တစ်ရက်မှာ သူတို့ ၉၁ ယောက်လုံးကို တစ်ယောက်ချင်းစီ အန်စာတုံး လှိမ့်ခိုင်းပြီး ကျတဲ့အပွင့်ကို ပြန်ပြောခိုင်းပါတယ်။ ကျတဲ့အပွင့်ပေါ်မူတည်ပြီး ပိုက်ဆံရမှာ ဖြစ်ကာ အပွင့်ကြီးလေ ပိုက်ဆံများများရလေ ဖြစ်ပါမယ်။ ဒီလိုနဲ့ ပါဝင်သူတွေကို သူတို့ကျတဲ့ အန်စာအပွင့်အလိုက် ပိုက်ဆံပေးပြီးတဲ့နောက်မှာ တွေ့ရှိရတာက testosterone ဂျဲလ်သုံးစွဲရတဲ့ အမျိုးသားတွေကို ကိုယ်ကျတဲ့အပွင့်ကို ပိုပြီး မှန်မှန်ကန်ကန် ပြောတယ်ဆိုတာပါပဲ။
ဒါဟာ ဘာကြောင့်လဲ။ testosterone ပမာဏများပြားခြင်းဟာ သင့်ရဲ့ သိက္ခာနဲ့မာနကို မြင့်မားစေပြီး ကိုယ့်ပုံရိပ်ကို ပိုမိုထိန်းသိမ်းစေပါတယ်။ ဒီတော့ ပိုက်ဆံလေး မဖြစ်စလောက်နဲ့ သူတို့ မစွန့်စားချင်ကြပါဘူး။ သိက္ခာအကျမခံပါဘူး။ ဒါပေမယ့် testosterone ဟာ သင့်ကို ရိုးသားစေတာထက် ပိုတဲ့ အကျိုးသက်ရောက်မှုတွေကို ပေးနိုင်ပါတယ်။ လေ့လာချက်တွေအရ ဟော်မုန်းက သင့်လုပ်ပုံကိုင်ပုံတွေကို သက်ရောက်မှုရှိစေရုံသာမက သင့်လုပ်ပုံကိုင်ပုံတွေကလည်း ဟော်မုန်းပမာဏကို တဖန်ပြန်ပြီး သက်ရောက်လွှမ်းမိုးမှုရှိစေတယ်လို့ ဆိုပါတယ်။
testosterone က သင့်ကို ကူညီပေးနိုင်တဲ့ အံ့ဩဖွယ် အချက်ခြောက်ချက်ကို အောက်မှာ ဖော်ပြပေးထားပါတယ်။
၁။ ပျိုတိုင်းကြိုက်မယ်။
ဆွဲဆောင်မှုရှိတဲ့ အမျိုးသမီးတစ်ယောက်ရဲ့ သတိပြုမှုကို ခံရဖို့ အပြိုင်အဆိုင်ကြိုးစားတဲ့ အမျိုးသားအုပ်စုနှစ်စုကို Wayne တက္ကသိုလ်က သုတေသနပညာရှင်တွေက နှိုင်းယှဉ်လေ့လာပါတယ်။ ဒီလိုလေ့လာတဲ့အခါ testosterone ပမာဏနည်းပါးတဲ့ အမျိုးသားတွေဟာ နည်းနည်းလေးတောင် အခွင့်အရေးမရကြပေမယ့် ဟော်မုန်းပမာဏများတဲ့ အမျိုးသားတွေဟာ ကိုယ့်ကိုယ်ကိုပိုပြီး ယုံကြည်မှုရှိပြီး အမျိုးသမီးနဲ့စကားလက်ဆုံကျနိုင်သလို ပိုပြီးတော့လည်း အိုကေမှာ စိုပြေတာကို တွေ့ရှိခဲ့ရပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။