ခေါင်းစဉ်ကို ဖတ်ပြီး နည်းနည်းများ ထူးဆန်းသွားသလား။ သွေးဆုံးတာက အမျိုးသမီးတွေမှာပဲ ဖြစ်တာပါ။ အမျိုးသားတွေမှာ ဖြစ်လို့လားပေါ့။ ဟုတ်ပါတယ်။ သွေးဆုံးတာက အမျိုးသမီးတွေမှာပဲ ဖြစ်တာ မဟုတ်ပါဘူး။ အမျိုးသားတွေမှာလည်း ဖြစ်နိုင်ပါတယ်။ အမျိုးသမီးတွေမှာ သွေးဆုံးတာကို menopause လို့ ခေါ်ပြီး အမျိုးသားတွေမှာ သွေးဆုံးတာကိုတော့ andropause လို့ ခေါ်ပါတယ်။ ဒီတစ်ခေါက် ပြောပြချင်တာကတော့ အမျိုးသားတွေ သွေးဆုံးချိန်ကို အကောင်းဆုံး ရင်ဆိုင်နိုင်စေဖို့ လုပ်ဆောင်ပေးလို့ ရမယ့် နည်းလမ်းလေးတွေပါ။
တကယ်လို့ သွေးဆုံးချိန်မှာ ခံစားရတဲ့ andropause လက္ခဏာတွေက ပြင်းထန်မယ်ဆိုရင်တော့ တက်စထရိုစတုန်း ဖြည့်စွက်အာဟာရမှီဝဲတာမျိုးတွေ လုပ်ဆောင်ဖို့ လိုပါမယ်။ ဒီလို ဖြည့်စွက်အာဟာရတွေ မှီဝဲတာက စိတ်ခံစားမှု ကောင်းစေပြီး ခန္ဓာကိုယ်မှာ အင်အားပြည့်စေသလို ကြွက်သားတွေကိုလည်း သန်မာစေပါတယ်။ အရိုးတွေကိုလည်း ကြံ့ခိုင်စေဖို့ အားဖြည့်ပေးပါတယ်။
ဒီလို ဖြည့်စွက်မှုက ဆေးပြား၊ ကပ်ခွာ၊ ဂျယ်လ်၊ ထိုးဆေးဆိုပြီး ပုံစံအမျိုးမျိုးနဲ့ ရှိနိုင်ပါတယ်။ ဟော်မုန်းအစားထိုးတာမျိုးလည်း ရှိပါတယ်။ တက်စထရိုစတုန်း ကုထုံးတွေက ပုံမှန်အားဖြင့်တော့ အမျိုးသား အများစုအတွက် ဘေးကင်းစိတ်ချရပါတယ်။ ဘေးထွက်ဆိုးကျိုး အနည်းအကျဉ်းတော့ ရှိနိုင်ပါတယ်။ ဒါကြောင့် ဆရာဝန်နဲ့ တိုင်ပင်ပြီး အသင့်တော်ဆုံးဖြစ်မှာမျိုးကို ရွေးချယ်ပေးဖို့ လိုပါမယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။