နှာခေါင်းစည်းဘေးမှာ ကြိုးထုံးတာလည်း မမေ့သင့်
အရင်ကဆို နှာခေါင်းစည်းတွေ ချောင်နေလို့ ကြိုးကို ကြက်ခြေခတ်ပုံစံ လိမ်ပြီး တပ်ကြတာကို တွေ့ဖူးမှာပါ။ ဒီလို လုပ်မယ့်အစား သေချာ ကြိုးထုံးဖို့ CDC က ပြောထားပါတယ်။ နှာခေါင်းစည်းနဲ့ ကပ်ပြီး ကြိုးကို ထုံးလိုက်တာက ခွက်ပုံစံ ဖြစ်သွားပြီး နှာခေါင်း၊ ပါးစပ်နဲ့ မေးစေ့ထိ လုံစေပါတယ်။
ပိုကောင်းတာက သေချာသာ ကြိုးထုံးထားမယ်ဆိုရင် ၉၅.၉%ထိ ကာကွယ်နိုင်ပါတယ်။ ဒါက နှာခေါင်းစည်း၂ထပ်တပ်တာနဲ့ ရလဒ်တူတူပဲ ဖြစ်ပါတယ်။
နှာခေါင်းစည်း နှစ်ထပ်တပ်ခြင်းရဲ့ ကောင်းကျိုးများ
အဝတ် နှာခေါင်းစည်းပဲဖြစ်ဖြစ်၊ ရိုးရိုး နှာခေါင်းစည်းပဲဖြစ်ဖြစ် တပ်လိုက်တဲ့အခါ အများစုက ချောင်နေတာကို သတိထားမိမှာပါ။ ဘေးကလည်း ဟနေပါသေးတယ်။ ဒါကြောင့် အသက်ရှူရင် လေတွေ အပြင်ကို ထွက်ထွက်လာတာ ခံစားမိမှာပါ။ နှာခေါင်းစည်းသာ တကယ်လုံရင် ဒီလို မဖြစ်ပါဘူး။
လေတောင်ထွက်နေရင် လေကနေ ဗိုင်းရပ်စ်တွေလည်း ထွက်နေနိုင်ပါတယ်။ ဒါ့ပြင် သူများဆီက ပိုးတွေလည်း ကိုယ့်ဆီ ဝင်လာနိုင်ပါတယ်။
နှာခေါင်းစည်း ၂ထပ် တပ်တာက ဒီပြဿနာကို ရှင်းပေးနိုင်ပါတယ်။ ရိုးရိုးနှာခေါင်းစည်းကို အတွင်း၊ အဝတ် နှာခေါင်းစည်းကို အပြင်မှာ တပ်ပေးခြင်းအားဖြင့် အဝတ်နှာခေါင်းစည်းက ရိုးရိုးနှာခေါင်းစည်းကို ဖိလိုက်ပြီး မျက်နှာနဲ့ အဲဝင်ခွင်ကျ ဖြစ်စေပါတယ်။ ဒါကြောင့် လေထွက်ပေါက် မရှိတော့ဘဲ ပိုလုံသွားပါတယ်။
တစ်ယောက်ယောက်က စကားအားရပါးရပြောမယ်၊ ချောင်းဆိုးမယ်၊ နှာချေမယ်ဆိုရင် ဗိုင်းရပ်စ်တွေက ထွက်လာမှာပါ။ ဒီလို မဖြစ်အောင် နှာခေါင်းစည်းတွေက စစ်ထုတ်ပေးနိုင်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။