သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

လတ်တလော စိုးရိမ်နေကြတဲ့ ပြင်းထန်အဆုတ်ရောင်ရောဂါ

    လတ်တလော စိုးရိမ်နေကြတဲ့ ပြင်းထန်အဆုတ်ရောင်ရောဂါ

    အခုရက်ပိုင်းတရုတ်နိုင်ငံမြို့တော်တော်များများမှာ လူပေါင်းများစွာဟာ ပြင်းထန်အဆုတ်ရောင်ရောဂါကို ခံစားနေကြရပါတယ်။ အခုထိလည်း ဒီရောဂါပိုးအမျိုးအစားကို အဖြေထုတ်နိုင်ဖို့ ကြိုးစားနေဆဲပါ။ အခုလက်ရှိအချိန်အထိ ရောဂါပိုး ကူးစက်ခံထားရသူ ၄၄ ဦးရှိနေပြီး ၁၁ ဦးကတော့ ရောဂါအခြေအနေပြင်းထန်ပါတယ်။

    ဘယ်ကစဖြစ်တာလဲ….

    အခုဖြစ်ပွားမှုဟာ တရုတ်နိုင်ငံ ဝူဟန်မြို့ရဲ့ ပင်လယ်စာရောင်းတဲ့ဈေးဝန်ထမ်းတွေကနေ စတင်ခဲ့တာပါ။ ဒီဖြစ်ပွားမှုကြောင့် စင်္ကာပူနှင့် ဟောင်ကောင်လေဆိပ်တွေမှာ ခရီးသွားလာသူတွေကို စစ်ဆေးမှုတွေပြုလုပ်နေကြပါတယ်။ အခုလက်ရှိမှာ ကမ္ဘာ့ကျန်းမာရေးအဖွဲ့ကြီးကစောင့်ကြည့်နေဆဲပါ။

    ဘယ်လိုကူးစက်နိုင်လဲ…

    ဒီ ပြင်းထန်အဆုတ်ရောင်ရောဂါ ဟာ

    • ရောဂါပိုးရှိသူနဲ့ ထိတွေ့မှုကနေ ကူးစက်နိုင်တယ်။
    • ရောဂါပိုးရှိသူနဲ့ နီးနီးကပ်ကပ်နေထိုင်သူ
    ရောဂါပိုးရှိသူကို ပြုစုစောင့်ရှောက်ပေးနေရသူ
    • အသက်ရှုလမ်းကြောင်းကနေတဆင့်
    • ခန္ဓာကိုယ်က ထွက်တဲ့အရည်တွေကနေတဆင့် ကူးစက်နိုင်ပါတယ်လို့ လေ့လာသူတွေက ယူဆထားကြပါတယ်။ ဒါပေမယ့် အခုနောက်ဆုံး တွေ့ရှိထားမှုအရကတော့ လက်ရှိဖြစ်ပွားနေတဲ့ Mystery Pneumonia ဟာ လူတစ်ဦးကနေ တစ်ဦးကို ထိတွေ့ရုံနဲ့ မကူးစက်နိုင်ဘူးဆိုတာပါ။

    ဘယ်လိုလက္ခဏာတွေရှိလဲ…

    ဒီရောဂါခံစားရတဲ့အခါ

    အဖျားက ၁၀၀.၄ ဒီဂရီအထိတက်မယ်
    ချောင်းဆိုးမယ်
    • အသက်ရှုတာ ပြတ်တောင်းပြတ်တောင်းဖြစ်မယ်
    အသက်ရှုရခက်မယ် စတဲ့လက္ခဏာတွေရှိနိုင်ပါတယ်။ ရောဂါပိုး ကူးစက်ခံရပြီး ၁၀ ရက်အကြာမှာ ရောဂါလက္ခဏာ တွေပေါ်လာနိုင်ပါတယ်။ X- ray ကနေတဆင့်လည်း ရောဂါပိုး ကူးစက်ခံထားရတာကို သိနိုင်ပါတယ်။

    အခုချိန်ထိတော့ ဘာကြောင့် ဒီရောဂါဖြစ်ရတာလဲဆိုတာကို သေသေချာချာမသိရသေးပါဘူး။ ရောဂါနဲ့ပတ်သက်လို့ အသေးစိတ်အချက်အလက်တွေကို သိရှိနိုင်စေဖို့ ကမ္ဘာ့ကျန်းမာရေးအဖွဲ့ကြီးက စောင့်ကြည့်လေ့လာနေပါတယ်။

    ဘယ်လိုနေထိုင်ရမလဲ….

    ရောဂါတိုင်းကို ကာကွယ်ဖို့ ကိုယ်ခံအားကောင်းနေဖို့က အရေးအကြီးဆုံးပါ။ ဒါကြောင့်

    • အာဟာရပြည့်ဝအောင်စားပါ
    • အိပ်ရေးဝဝအိပ်ပါ
    • နှာချေချောင်းဆိုးတဲ့အခါ နှာခေါင်းနဲ့ ပါးစပ်ကို အုပ်ထားပါ
    • လူထူတဲ့နေရာတွေမသွားပါနဲ့
    • လက်ကို သေချာဆေးကြောပါ။

    ဘယ်သူတွေ ပိုဂရုစိုက်ဖို့လိုမလဲ….

    • ရောဂါအခံတစ်ခုခုရှိသူတွေ
    သက်ကြီးရွယ်အိုတွေ
    • ကလေးငယ်တွေ
    • ကိုယ်ခံအားနည်းသူတွေ
    • ကျန်းမာရေးဝန်ထမ်းတွေ အနေနဲ့ သေချာလေး ဂရုစိုက်ဖို့လိုပါမယ်။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Aye Thi Mon မှ ရေးသားသည်။ 07/07/2022 တွင် ပြန်လည်ပြင်ဆင်ခဲ့သည်။
    Dr. Thurein Hlaing Win မှ အချက်အလက် စစ်ဆေးထားပါသည်။
    Next article: