မဟော်ဂနီစေ့၏ ကျန်းမာရေးကောင်းကျိုးများ

မဟော်ဂနီသစ်တွေဟာ အိမ်ထောင်ပရိဘောဂတွေ ပြုလုပ်ဖို့ အသုံးဝင်တာကို သင်သိကောင်းသိနိုင်ပေမယ့် သူ့အစေ့တွေကလည်း အသုံးဝင်တာကို သင်သတိထားမိပါသလား။

မဟော်ဂနီစေ့တွေမှာ တကယ်တမ်းတော့ ကျန်းမာရေးအကျိုးကျေးဇူးများစွာ ရှိပါတယ်။ ဒီဆောင်းပါးကို ဖတ်ကြည့်ပြီး သင်အံ့သြသွားပါလိမ့်မယ်။

အစာစားချင်စိတ် များခြင်း

မဟော်ဂနီစေ့တွေဟာ သင့်ရဲ့ အစာစားချင်စိတ်ကို မြှင့်တင်ပေးပါတယ်။ အစာစားခြင်းဟာ အထူးသဖြင့် နေမကောင်းရာက ပြန်နာလန်ထူကာစ အချိန်အတွက် အလွန်အရေးကြီးပါတယ်။

မဟော်ဂနီစေ့တွေဟာ သင့်အစာစားချိန်စိတ်မရှိချိန်တွေမှာ ကူညီပေးနိုင်ပါတယ်။ နေ့စဉ်တစ်နေ့ကို မဟော်ဂနီစေ့ တစ်စေ့ စားသင့်တယ်လို့ အကြံပြုထားကြပါတယ်။

ဝမ်းချုပ်ခြင်းကို သက်သာစေခြင်း

မဟော်ဂနီစေ့တွေဟာ ဝမ်းချုပ်ခြင်းကိုလည်း သက်သာစေပါတယ်။ ဝမ်းနုတ်ဆေးတွေသောက်မယ့်အစား ဒီပြဿနာကိုဖြေရှင်းဖို့ မဟော်ဂနီစေ့တွေကို အစွမ်းထက်တဲ့ ကုသမှုအနေနဲ့ အသုံးပြုနိုင်ပါတယ်။

မဟော်ဂနီစေ့တွေဟာ အစာခြေစနစ်အတွက်လည်း ကောင်းမွန်ပါတယ်။ ဒီအစေ့တွေကို ချေပြီး ရေနွေးနဲ့ ရောသင့်ပါတယ်။ ဒီအရောကို တစ်နေ့နှစ်ကြိမ်သောက်မယ်ဆိုရင် တိုးတက်မှုကို မြင်ရမှာ ဖြစ်ပါတယ်။

အအေးမိခြင်းကို ကုသပေးခြင်း

သင့်မှာ အအေးမိခြင်း၊ ဖျားနာခြင်းတွေဖြစ်မယ်ဆိုရင်လည်း မဟော်ဂနီစေ့က ကူညီပေးနိုင်ပါတယ်။ ဒီအခြေအနေတွေဟာ သူတို့ကိုယ်တိုင် ပြန်ကောင်းနိုင်ပေမယ့် မဟော်ဂနီစေ့က ပိုမို မြန်ဆန်စွာ ပြန်ကောင်းစေပါတယ်။

သင်လိုအပ်တာကတော့ မဟော်ဂနီစေ့အမှုန့်၊ ရေနွေးနဲ့ ပျားရည်တို့ပဲ ဖြစ်ပါတယ်။ မဟော်ဂနီစေ့ အမှုန့်ကို လက်ဖက်ရည်ဇွန်း တစ်ဝက်နဲ့ ရေ ခွက်ရဲ့ လေးပုံတစ်ပုံ၊ ပျားရည် စားပွဲတင်ဇွန်းတစ်ဇွန်းနဲ့ ရောနိုင်ပါတယ်။

ဒီအရည်ကို နွေးနေတုံး ရောမွှေပြီး သောက်နိုင်ပါတယ်။

သွေးသကြားဓါတ်ပမာဏကို ထိန်းချုပ်ခြင်း

လေ့လာမှုတွေအရ မဟော်ဂနီစေ့တွေဟာ ဆီးချိုရှိသူတွေမှာ သွေးသကြားဓါတ်ပမာဏကို ထိန်းညှိပေးဖို့ အသုံးပြုနိုင်တယ်လို့ ဆိုပါတယ်။

မဟော်ဂနီစေ့ လက်ဖက်ရည်ဇွန်းတစ်ဝက်နဲ့ ရေနွေးနဲ့ ရောပါ၊ သမအောင်မွှေပြီး သောက်ပါ။ သင့်သကြားဓါတ်ပမာဏကို ထိန်းညှိနိုင်ပါလိမ့်မယ်။

ကင်ဆာ ကာကွယ်ခြင်း

သုတေသနတွေက မဟော်ဂနီစေ့ဟာ ကင်ဆာရောဂါကို ကာကွယ်နိုင်တယ်လို့ ဆိုပါတယ်။ အစေ့တွေမှာ ရောင်ရမ်းခြင်းကို ကျစေတဲ့ အစွမ်းရှိပါတယ်။

သင့်ဆရာဝန်ကို ပိုမိုသိရှိရန် မေးမြန်းနိုင်ပါတယ်။ မဟော်ဂနီစေ့ တွေဟာ စိတ်ချရတာကြောင့် စမ်းကြည့်သင့်ပါတယ်။

သွေးပေါင်ကျစေခြင်း

သွေးပေါင်တက်ခြင်းဟာ လူအတော်များများမှာ ဖြစ်နေတာကြောင့် ကြီးမားတဲ့ ပြဿနာ တစ်ခုဖြစ်ပါတယ်။ ကံကောင်းတာကတော့ မဟော်ဂနီစေ့တွေဟာ သွေးပေါင်ကျခြင်းအတွက် ကောင်းမွန်တဲ့ ကုသမှုတစ်ခုဖြစ်ပါတယ်။

သူတို့ဟာ ခေါင်းမူးခြင်းနဲ့ ဖိန်းတိန်းရှိန်းတိန်းဖြစ်ခြင်းကိုလည်း သက်သာစေနိုင်ပါတယ်။

ကလေးရရှိစေခြင်း

မဟော်ဂနီဟာ ကလေးရရှိမှုကို ကူညီပေးပါတယ်။ တကယ်လို့ သင်ဟာ ကလေးရလိုရင် ဒီအစေ့တွေကို သုံးစွဲသင့်ပါတယ်။

ဒါပေမယ့် အစေ့တွေဟာ ဆိုးကျိုးတွေဖြစ်စေရင် (သို့) သင့်ဆေးတွေနဲ့ တွဲသောက်ဖို့ သင့်လျော်မှု ရှိမရှိကို ဆရာဝန်နဲ့ တိုင်ပင်ဆွေးနွေးသင့်ပါတယ်။

[embed-health-tool-bmi]

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

1.Mahogany Seeds Could Help Cure Diabetes Naturally https://www.medindia.net/news/mahogany-seeds-could-help-cure-diabetes-naturally-105693-1.htm Accessed April 10, 2017.

2. Mahogany. https://www.science.gov/topicpages/m/mahogany+swietenia+macrophylla.html. Accessed April 10, 2017.

3. Hashim MA, Yam MF, Hor SY, Lim CP, Asmawi MZ, Sadikun A. Anti-hyperglycaemic activity of swietenia macrophylla king (meliaceae) seed extracts in normoglycaemic rats undergoing glucose tolerance tests. Chinese Medicine. 2013;8:11. doi:10.1186/1749-8546-8-11.

4. Hing Goh, Habsah Abdul Kadir. In vitro cytotoxic potential of Swietenia macrophylla King seeds against human carcinoma cell lines. Journal of Medicinal Plants Research. 2011;5(8):1395-1404.

5.Comparison of Antihypertensive and Antioxidative Effect of Mahogany (Swietenia Mahagoni (L.) Jacq.) Seed Extract and Purple Sweet Potato (Ipomoea Batatas) Tuber Extract on Rodent Model of Hypertension https://biomedpharmajournal.org/vol10no2/comparison-of-antihypertensive-and-antioxidative-effect-of-mahogany-swietenia-mahagoni-l-jacq-seed-extract-and-purple-sweet-potato-ipomoea-batatas-tuber-extract-on-rodent-model-of-hypertension/#:~:text=Mahogany%20seed%20extract%20contains%20antioxidants,to%20be%20developed%20as%20vasodilator. Accessed April 10, 2017.

ယခုပုံစံ

12/05/2022

Hello Sayarwon Panel မှ ရေးသားသည်။

မှ အချက်အလက် စစ်ဆေးထားပါသည်။ Hello Sayarwon Panel

Dr. Htet Htet Zaw Win မှ ပြင်ဆင်ခဲ့ပါသည်။

ဆက်စပ် အကြောင်းအရာများ

မှ အချက်အလက် စစ်ဆေးထားပါသည်။

Hello Sayarwon Panel

Hello Sayarwon Panel မှ ရေးသားသည်။ · 12/05/2022 တွင် အသစ်ဖြည့်စွက်ခဲ့သည်။

မဟော်ဂနီစေ့၏ ကျန်းမာရေးကောင်းကျိုးများ