သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

Sleep Apnea (အိပ်ပျော်စဉ် အသက်ရှုရပ်ခြင်း )

အဓိပ္ပါယ်ဖွင့်ဆိုချက်

Sleep Apnea (အိပ်ပျော်စဉ် အသက်ရှုရပ်ခြင်း ) ကဘာလဲ။

အိပ်ပျော်စဉ် အသက်ရှုရပ်ခြင်းသည် အိပ်စက်ခြင်းဆိုင်ရာ ပြင်းထန်သည့်ရောဂါတစ်မျိုး ဖြစ်ပြီး အိပ်ပျော်နေစဉ် အသက်ရှုခဏခဏ ရပ်သွားခြင်းဖြစ်ပါသည်။ ရလဒ်အနေဖြင့် အိပ်ပျော်စဉ် အသက်ရှုရပ်ခြင်းရှိသူ၏ အင်္ဂါများ အထူးသဖြင့် ဦးနှောက်တွင် လုံလောက်သော အောက်စီဂျင် မရရှိတော့ပဲ အိပ်စက်မှုအရည်အသွေးလည်း ကျဆင်းစေပါသည်။ ထို့ကြောင့် နေ့အချိန်တွင် ငိုက်မျဉ်းခြင်းများ ဖြစ်စေပါသည်။

အိပ်ပျော်စဉ် အသက်ရှုရပ်ခြင်း အဓိကနှစ်မျိုး ရှိပါသည်။

  • လေပြွန်ပိတ်သောကြောင့် အိပ်ပျော်စဉ် အသက်ရှုရပ်ခြင်း – လေပြွန်တွသ် ပိတ်သွားခြင်းကြောင့်ဖြစ်ရသည့် အတွေ့ရများသောပုံစံဖြစ်သည်။
  • ဗဟိုအာရုံကြောဆိုင်ရာ အိပ်ပျော်စဉ် အသက်ရှုရပ်ခြင်းကတော့ ဦးနှောက်မှ အသက်ရှုထိန်းချုပ်စင်တာ မတည်ငြိမ်ခြင်းကြောင့် ဖြစ်ရခြင်းဖြစ်သည်။ ရလဒ်အနေဖြင့် အသက်ရှုမည့် ကြွက်သားများကို ဦးနှောက်မှ မလှုံ့စော်နိုင်တော့ခြင်း ဖြစ်လာပါသည်။

Sleep Apnea (အိပ်ပျော်စဉ် အသက်ရှုရပ်ခြင်း ) က ဘယ်လောက်အဖြစ်များသလဲ

ဒီရောဂါသည် အလွန့်အလွန်အဖြစ်များ၏။ အမျိုးသမီးများထက် အမျိုးသားများတွင် ပိုအဖြစ်များ၏။ အမျိုးသမီးတစ်ယောက်တွင် အမျိုးသား ၂-၃ ယောက်နှုန်း ဖြစ်ပါသည်။ အသက်အရွယ်မရွေး ဖြစ်နိုင်သည်။ သို့သော် သတ်လတ်ပိုင်းများတွင် အဖြစ်များ၏။ ရောဂါဖြစ်ပွားနိုင်သော အချက်အလက်များကို လျှော့ချခြင်းအားဖြင့် စီမံနိုင်ပါသည်။ အချက်အလက်များ ထပ်မံသိရှိဖို့အတွက် ဆရာဝန်နှင့် တိုင်ပင်ဆွေးနွေးသင့်ပါသည်။

လက္ခဏာများ

Sleep Apnea (အိပ်ပျော်စဉ် အသက်ရှုရပ်ခြင်း ) ရဲ့လက္ခဏာတွေကဘာတွေလဲ

အိပ်ပျော်စဉ် အသက်ရှုရပ်ခြင်း ၏ အဖြစ်အများဆုံးရောဂါလက္ခဏာများမှာ

  • ကျယ်လောင်စွာဟောက်ခြင်း
  • အသက်ရှုရပ်ရပ်သွားခြင်းကို ဘေးလူမှ သတိထားမိခြင်း
  • အသက်ရှုမဝသောကြောင့် ခဏခဏ နိုးလာခြင်း
  • အာခြောက်ခြင်း သို့မဟုတ် လည်ချောင်းနာခြင်းကြောင့် နိုးလာခြင်း
  • မနက်ခင်းတွင် ခေါင်းကိုက်ခြင်း
  • အိပ်ပျော်စေရန် ခက်ခဲခြင်း (ညအိပ်မပျော်ခြင်း)
  • နေ့အချိန်တွင် အလွန်အိပ်ငိုက်ခြင်း (hypersomnia)
  • အာရုံစိုက်မရသည့် ပြဿနာဖြစ်ခြင်း
  • ဂဏာမငြိမ်ဖြစ်ခြင်း

အထက်တွင်ဖော်ပြထားသည့်အထဲမှာမပါဝင်သေးသော အခြားလက္ခဏာများလည်း ရှိနိုင်ပါသေးသည်။ အကယ်၍ကိုယ့်ဆီ၌ ရောဂါလက္ခဏာတစ်ခုခုများရှိနေမလားဆိုပြီး စိုးရိမ်နေမယ်ဆိုပါက ဆရာဝန်နှင့်ဆွေးနွေးတိုင်ပင်သင့်ပါသည်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

သင့်၌ အောက်ဖော်ပြပါအချက်အလက်များထဲမှ တစ်ခုခုရှိခဲ့လျှင် သင့်ဆရာဝန်နှင့် ဆက်သွယ်သင့်သည်။

  • သင်ကိုရော တခြားသူများ၏ အိပ်စက်ခြင်းကိုပါ အနှောက်အယှက်ဖြစ်လောက်အောင် ကျယ်ကျယ်ဟောက်ခြင်း
  • အသက်ရှုမဝခြင်း၊ ရှိုက်ပြီးလေရှုရခြင်း သို့မဟုတ် အိပ်ပျော်ရာမှ နိုးလာရအောင် သီးခြင်း
  • အိပ်နေစဉ် ခဏခဏ အသက်ရှုရပ်သွားခြင်း
  • နေ့အချိန်တွင် အလွန်အိပ်ငိုက်ခြင်း
  • မောပန်းလွယ်ခြင်း၊ အိပ်ငိုက်ခြင်းနှင့် ဂဏာမငြိမ်ဖြစ်ခြင်း

အကြောင်းရင်းများ

Sleep Apnea (အိပ်ပျော်စဉ် အသက်ရှုရပ်ခြင်း ) ကိုဘာတွေကဖြစ်စေသလဲ

လေပြွန်ပိတ်ခြင်းနှင့် ဗဟိုအာရုံကြောဆိုင်ရာ အိပ်ပျော်စဉ် အသက်ရှုရပ်ခြင်းတို့သည် အကြောင်းရင်းကွာခြား၏။

  • လေပြွန်ပိတ်သည့် အိပ်ပျော်စဉ် အသက်ရှုရပ်ခြင်းသည် လည်းချောင်းနောက်မှ ကြွက်သားများ ပြေလျော့လွန်းသွားပြီး လေပြွန်များကို ကျဉ်းသွားစေခါ အသက်ရှုလျှင် ပိတ်သွားစေခြင်းကြောင့် ဖြစ်ရခြင်းဖြစ်သည်။ ထို့ကြောင့် လူနာတွင် အောက်စီဂျင်ရရှိမှု နည်းသွားစေ၏။ အသက်မရှုနိုင်ကြောင်း အာရုံခံမိသည့်အခါ ဦးနှောက်သည် လူနာကိုအိပ်နေရင်းမှထစေပြီး လေပြွန်ပြန်ဖွင့်ရန် လုပ်ရ၏။ ထိုအချိန်သည် ခဏလေးသာဖြစ်သောကြောင့် အိပ်ပျော်စဉ် အသက်ရှုရပ်ခြင်းရှိသူအများစုမှ မမှတ်မိတတ်ကြပါ။
  • ဗဟိုအာရုံကြောဆိုင်ရာ အိပ်ပျော်စဉ် အသက်ရှုရပ်ခြင်းတွင် လူနာ၏ဦးနှောက်သည့် အသက်ရှုလုပ်ငန်းလုပ်သည့် ကြွက်သားများဆီ လှုံ့စော်မှုများ မပို့နိုင်ခြင်းကြောင့် ဖြစ်ရခြင်းပင်။ ထိုအခါ ကြွက်သားများမှ အချိန်တစ်ခဏမျှ အသက်ရှုရပ်သွားစေ၏။ လူနာသည် အသက်ရှုမဝခြင်း သို့မဟုတ် အိပ်ပျော်ရန်ခက်ခြင်း သို့မဟုတ် အိပ်မောကျလို့မရခြင်းတို့ကြောင့် နိုးထလာရပါသည်။

ဖြစ်နိုင်ခြေများ

ငါ့ဆီမှာ Sleep Apnea (အိပ်ပျော်စဉ် အသက်ရှုရပ်ခြင်း ) ဖြစ်နိုင်ခြေကိုဘာ်တွေက မြင့်တက်စေသလဲ

အိပ်ပျော်စဉ် အသက်ရှုရပ်ခြင်း ဖြစ်ပွားနိုင်ချေကိုမြင့်စေသော အကြောင်းရင်းများစွာရှိပါသည်။ ဥပမာအားဖြင့်

လေပြွန်ပိတ်သော အိပ်ပျော်စဉ် အသက်ရှုရပ်ခြင်း

  • အမျိုးသား
  • ကိုယ်အလေးချိန်များခြင်း
  • အသက် ၄၀ ကျော်ခြင်း
  • လည်ပင်းလုံးပတ်ကြီးခြင်း (အမျိုးသားများတွင် ၁၇ လက်မနှင့် အထက်၊ အမျိုးသမီးများတွင် ၁၆ လက်မနှင့် အထက်)
  • အာသီးကြီးခြင်း၊ လျှာကြီးခြင်း၊ သို့မဟုတ် မေရိုးသေးခြင်း
  • အိပ်ပျော်စဉ် အသက်ရှုရပ်ခြင်း မိသားစုရာဇဝင်ရှိခြင်း
  • အစာအိမ်မှအစာရေမျိုပြွန်သို့ အစာအက်ဆစ်များ ပြန်တက်ခြင်း သို့မဟုတ် GERD
  • အရက်သောက်ခြင်း၊ အိပ်ဆေး စိတ်ငြိမ်ဆေးများသုံးခြင်း
  • ဆေးလိပ်သောက်ခြင်း
  • နှာစေးခြင်း

ဗဟိုအာရုံကြောဆိုင်ရာ အိပ်ပျော်စဉ် အသက်ရှုရပ်ခြင်း

  • သတ်လတ်ပိုင်း သို့မဟုတ် အသက်ကြီးခြင်း
  • နှလုံးရောဂါများရှိခြင်း
  • ဘိန်းပါသော အကိုက်အခဲပျောက်ဆေး ဥပမာ မက်သဒုန်းများ သုံးခြင်း
  • လေဖြတ်ခြင်း

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Sleep Apnea (အိပ်ပျော်စဉ် အသက်ရှုရပ်ခြင်း ) ကို ဘယ်လိုအတည်ပြုပါသလဲ

အိပ်ပျော်စဉ် အသက်ရှုရပ်ခြင်းကို သိရှိနိုင်သည့် စစ်ဆေးမှုများမှာ –

  • Nocturnal polysomography
  • အိပ်စက်မှုအား အိမ်မှာပင်စစ်ဆေးခြင်း – အိမ်နေစဉ် နှလုံးခုန်နှုန်း၊ သွေးတွင်းအောက်စီဂျင်၊ လေရှုနှုန်းနှင့် အသက်ရှုပုံစံများအားတိုင်းခြင်း

Sleep Apnea (အိပ်ပျော်စဉ် အသက်ရှုရပ်ခြင်း ) ကို ဘယ်လိုကုသပါသလဲ

လေပြွန်ပိတ်သော အိပ်ပျော်စဉ် အသက်ရှုရပ်ခြင်းအား ကုသရာတွင် အောက်ပါတို့ပါဝင်ပါသည်။

  • Continuous positive airway pressure (CPAP) အသက်ရှုစက် – လေရှုမျက်နှာဖုံးအား လူနာအိပ်စဉ် တပ်ပြီး အသက်ရှုစက်ဖြင့် လေသွင်းပေးခြင်းဖြစ်သည်။
  • Bilevel positive airway pressure (BiPAP) – CPAP ကဲ့သို့စက်ဖြစ်ပြီး ရှုသွင်းသည့်အခါ ဖိအားကိုများပေးကာ ရှုထုတ်သည့်အခါ ဖိအားကို လျော့ပေးပါသည်။
  • Expiratory positive airway pressure (EPAP): မအိပ်ခင် သုံးရသည့် တခါသုံးကိရိယာလေးဖြစ်ပြီး ရှုသွင်းသောလေကို လွတ်လွတ်လပ်လပ်ဝင်စေပြီး ပြန်ထုတ်သည့်အခါတွင် လေများသည့် ကိရိယာပါအစို့မှ အပေါက်လေးမှ ထွက်စေခြင်းဖြစ်သည်။
  • Oral appliances များဖြင့် ပါးစပ်ဟနေအောင် လုပ်နိုင်ပါသည်။ Oral appliances များသည် CPAP ထက် သုံးရပိုလွယ်ပါသည်။
  • ခွဲစိတ်ခြင်း – တခြားကုသမှုများ မတိုးတော့သည့်အခါ အောက်ပါတို့ကို လုပ်ဆောင်နိုင်ပါသည်။ တစ်ရှူးဖယ်ခြင်း – ခံတွင်းနောက်နှင့် အာခေါင်ထိပ်မှ တစ်ရှူးများအား ဖယ်ရှားပါမည်။ များသောအားဖြင့် အာသီးနှင့် ပါးသိများကို ဖယ်ရှားသည်ဖြစ်သည်။
  • မေးရိုးပြုပြင်ခြင်း
  • ထုံဆေးပေးပြီး အာခေါင်ပျော့တွင် ပလက်စတစ်အချောင်းများ ထည့်ခြင်း
  • လေလမ်းကြောင်းအသစ် ဖန်တီးပေးခြင်း (လေပြွန်ကိုဖောက်ကာ သတ္တု သို့မဟုတ် ပလက်စတစ်ပြွန်များ ထည့်ခြင်း)
  • အသားပိုများခွဲထုတ်ခြင်း သို့မဟုတ် ကောက်နေသည့်နှာအား ဖြောင့်အောင်ပြင်ခြင်း
  • ကိုယ်အလေးချိန်ကျစေမည့် ခွဲစိတ်မှုများ
  • ဗဟိုအာရုံကြောဆိုင်ရာ အိပ်ပျော်စဉ် အသက်ရှုရပ်ခြင်း
  • ဆက်နွယ်နေသည့် ရောဂါများအား ကုသခြင်း – အိပ်ပျော်စဉ် အသက်ရှုရပ်ခြင်းကို ဖြစ်စေနိုင်သည့် နှလုံးနှင့် အာရုံကြောဆိုင်ရာ ရောဂါများ
  • အောက်စီဂျင်ပေးခြင်း – အိပ်နေစဉ် အောက်စီဂျင်ထောက်ပံ့ပေးခြင်း
  • Adaptive servo-ventilation (ASV): လေသွင်းပေးသည့် ကိရိယာကိုသုံးခြင်းဖြင့် လူနာ၏ အသက်ရှုပုံစံကို ပုံမှန်ဖြစ်စေကာ အသက်ရှုရပ်ခြင်းအား ကာကွယ်ပေးပါသည်။
  • Continuous positive airway pressure (CPAP).
  • Bilevel positive airway pressure (BiPAP).

လူနေမှုပုံစံပြောင်းလဲခြင်းနှင့် အိမ်သုံးကုထုံးများ။

လူနေမှုပုံစံပြောင်းလဲခြင်းနဲ့ အိမ်သုံးကုထုံးတွေအသုံးပြုခြင်းက အိပ်ပျော်စဉ် အသက်ရှုရပ်ခြင်း ကို ကုသရာမှာ ဘယ်လိုအထောက်အကူပြုနိုင်မလဲ။

အောက်ဖော်ပြပါ လူနေမှုပုံစံများနှင့်အိမ်သုံးကုထုံးများက သင့်အနေဖြင့် အိပ်ပျော်စဉ် အသက်ရှုရပ်ခြင်း ကိုကုသတဲ့နေရာနှင့် လိုက်လျောညီထွေဖြစ်အောင်နေသောနေရာများတွင် အကူအညီပေးနိုင်ပါသည်။

  • ဝိတ်ချခြင်း
  • လေ့ကျင့်ခန်းလုပ်ခြင်း
  • အရက်နှင့် စိတ်ငြိမ်ဆေး အိပ်ဆေးများကို ရှောင်ခြင်း
  • ပက်လက်အိပ်ခြင်းအစား ဘေးတစ်စောင်းအိပ်ခြင်း မှောက်အိပ်ခြင်း
  • ညအခါတွင် နှာခေါင်းပေါက်အား ပွင့်နေပါစေ
  • ဆေးလိပ်သောက်နေလျှင် ဖြတ်ပါ။

အကယ်၍သင့်မှာ မေးခွန်းတွေရှိမယ်ဆိုလျှင် သင့်အတွက်သင့်တော်သော အဖြေရှာဖွေနိုင်ဖို့ ဆရာဝန်နှင့်ဆွေးနွေးတိုင်ပင်သင့်ပါသည်။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

Verifying...
health-tool-icon

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ
စာရေးသူ ဓာတ်ပုံbadge
Dr. Hlaing Min Ko Ko မှ ရေးသားသည်။ 13/09/2019 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။