လေ့လာမှုရလဒ်အရ အိပ်လို့ကောင်းချင်တယ်ဆိုရင် မအိပ်ခင် ၁ နာရီ သို့မဟုတ် ၂ နာရီအလိုမှာရေချိုးတာ အကောင်းဆုံးပါတဲ့။ ဒီအကျိုးရလဒ်ကို အမြင့်ဆုံးရချင်ရင်ရေချိုးတဲ့အချိန်ကို ၁၀ မိနစ်ထက်ပိုမကြာဖို့တော့လိုတယ်လို့ ဆိုပါတယ်။
ဒီလိုရေချိုးခြင်းအားဖြင့် ခန္ဓာကိုယ်ရဲ့ပင်မအစိတ်အပိုင်းတွေကနေ ခြေဖျားလက်ဖျားတွေအထိသွေးလည်ပတ်မှုကိုပိုကောင်းစေပြီး အပူချိန်လျှော့ချပေးနိုင်ပါတယ်။
ရေနွေးနဲ့ရေချိုးတာက ခန္ဓာကိုယ်အပူချိန်ထိန်းညှိမှုစနစ်ကိုကောင်းမွန်စေပြီးမြန်မြန်ဆန်ဆန်အိပ်ပျော်စေနိုင်တယ်၊ကောင်းကောင်းအိပ်ပျော်စေဖို့ အထောက်အပံ့ပေးတယ်လို့ သုတေသီတွေကပြောပါတယ်။
ဒီလေ့လာမှုအရဆိုရင် မအိပ်ခင် ၁ နာရီ၊ ၂ နာရီအလိုမှာ ရေနွေးစပ်ပြီး မြန်မြန်ချိုးလိုက်ရင် ရပြီပဲ။ ဒီနေရာမှာ သတိပေးချင်တာက အိပ်ခါနီးကပ်ပြီး ရေချိုးတာ၊ ချိုးပြီးပြီးချင်း ရေမခြောက်ဘဲ အိပ်တာတွေ မလုပ်ပါနဲ့။ သိပ်အကြာကြီးမချိုးသင့်သလို၊ရေအေးအေးနဲ့လည်းမချိုးပါနဲ့။ ဒါတွေကို လိုက်နာမယ်ဆိုရင် အကြောအခြင်တွေ ပြေပြီး အိပ်လို့ကောင်းသွားပါလိမ့်မယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။