စိတ်ဖိစီးချိန်မှာ ကော်တီဆောဟော်မုန်း ပိုမိုထွက်ပါတယ်။ ကော်တီဆောကနေ ဟိုက်ပိုသဲလမတ်ဆိုတဲ့ ဦးနှောက်ရဲ့ အစိတ်အပိုင်းကို လှုံ့ဆော်ရကတဆင့် CRH လို့ခေါ်တဲ့ ဟော်မုန်းကို ထွက်လာစေပါတယ်။ CRH ဟာ အရေပြားအောက်ခြေက အဆီဂလင်းတွေကို လှုံ့ဆော်ပေးတာကြောင့် အဆီများပိုထွက်လာပါတယ်။ ထွက်လာတဲ့အဆီများဟာ မွေးညင်းပေါက်တွေကို ပိတ်ဆို့လာတဲ့အခါ ဝက်ခြံများ ဖြစ်လာစေပါတယ်။ စိတ်ဖိစီးချိန်မှာ အိပ်ရေးပျက်ရင်၊ အရက်ကို ပိုမိုသောက်သုံးရင် ဝက်ခြံထွက်နှုန်း ပိုမိုများပြားနိုင်ပါတယ်။
မျက်အိတ်များဖောင်းလာခြင်း
မျက်ခမ်းများရဲ့အောက်က အရေပြား ဖောင်းလာခြင်းကြောင့် ဖြစ်ပါတယ်။ အသက်ကြီးလာတာနဲ့အမျှ မျက်စိဝန်းကျင်ကို ဝန်းရံထားတဲ့ကြွက်သားတွေ အားနည်းလာရင် ပိုပြီးဖြစ်လာတတ်ပါတယ်။ သုတေသနတွေအရ စိတ်ဖိစီးမှုများလာတဲ့အခါ ဆဲလ်တွေဟာ အိုမင်းရင့်ရော်လွယ်ပါတယ်။ အရေပြားရဲ့ တင်းအားကို လျော့ရဲသွားစေခြင်းကြောင့် မျက်ခမ်းအောက်မှာ မျက်အိတ်များဖောင်းလာတတ်ပါတယ်။
အသားအရေခြောက်သွေ့ခြင်း
အရေပြားရဲ့အပေါ်ဆုံးလွှာမှာ သင့်အရေပြားရဲ့ အစိုဓာတ်ကို ထိန်းသိမ်းရာမှာ အဓိကကျတဲ့ ပရိုတင်းနဲ့ အဆီဓာတ်တွေ ပါဝင်ပါတယ်။ အရေပြားရဲ့ အပေါ်ဆုံးလွှာဟာ ကျန်တဲ့အောက်ခြေအရေပြားကိုလည်း အကာအကွယ်ပေးပါတယ်။ သုတေသနတွေအရ စိတ်ဖိစီးမှုများလာရင် အရေပြားအပေါ်ဆုံးလွှာပါ ထိခိုက်လာတတ်ပြီး အစိုဓာတ်ကိုလည်း ထိန်းသိမ်းနိုင်စွမ်း လျော့နည်းလာပါတယ်။ အဆိုပါ အခြေအနေမှာ သင့်မျက်နှာ အရေပြားဟာ ခြောက်သွေ့ပြီး ယားယံတတ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။