တစ်စုံတစ်ယောက်အပေါ် မနာလိုဖြစ်မိတယ်၊ သဝန်တိုတယ်၊ အဘိဇ္ဈာပွားတယ်၊ မလိုတမာတွေးကြံနေမိတယ်ဆိုတာ ကောင်းတဲ့ ကိစ္စတော့မဟုတ်ပါဘူး။ လူတစ်ဖက်သား မသိနိုင်ရင်တောင်မှ ကိုယ့်စိတ်ကိုယ်တော့ သိနေနိုင်တာပဲလေ။
မှ အချက်အလက် စစ်ဆေးထားပါသည်။ Dr. Phyo Wai Lynn
တစ်စုံတစ်ယောက်အပေါ် မနာလိုဖြစ်မိတယ်၊ သဝန်တိုတယ်၊ အဘိဇ္ဈာပွားတယ်၊ မလိုတမာတွေးကြံနေမိတယ်ဆိုတာ ကောင်းတဲ့ ကိစ္စတော့မဟုတ်ပါဘူး။ လူတစ်ဖက်သား မသိနိုင်ရင်တောင်မှ ကိုယ့်စိတ်ကိုယ်တော့ သိနေနိုင်တာပဲလေ။
ဒီလိုစိတ်ထားမျိုးဟာ မကောင်းဘူး၊ မရှိသင့်ဘူးလို့ လူတိုင်းပြောတတ်ကြတယ်။ တကယ်တမ်း ကိုယ်တိုင် ဒီလိုခံစားလာရချိန်မှာ ထိမ်းချုပ်နိုင်ဖို့၊ ဖျောက်ဖျက်ပစ်ဖို့ကတော့ ခက်လှပါတယ်။ အထူးသဖြင့် အချစ်ရေးကိစ္စတွေမှာ သဝန်တိုစိတ်ဟာ အမြဲပြဿနာများစေတတ်ပါတယ်။
သဝန်တိုတာကို စိတ်ပိုင်းဆိုင်ရာပြဿနာတစ်ခုလို့ စိတ်ပညာမှာတော့ သတ်မှတ်ထားပါတယ်။ Morbid Jealousy ဒါမှမဟုတ် Pathological Jealousy လို့ ခေါ်ပါတယ်။ ရောဂါတစ်ခုသဖွယ် သတ်မှတ်ရတဲ့အခြေအနေမျိုးဆိုရင်တော့ Othello Syndrome သို့ Delusional Jealousy လို့လည်းခေါ်ကြပါသေးတယ်။ စိတ်ရောဂါတစ်မျိုးပေါ့။
များသောအားဖြင့် သမီးရည်းစား၊ ချစ်သူ၊ အိမ်ထောင်ဖက်တွေအကြား သဝန်တိုကြတယ်ဆိုတာ တစ်ခါတစ်ရံတော့ ချစ်စရာ၊ ကြည်နူးစရာ ကိစ္စဖြစ်နေတတ်ပါတယ်။ ဒါပေမယ့် များလားရင် ပြင်းထန်လာရင်တော့ ပြဿနာဖြစ်သွားတတ်ကြပါတယ်။
ကိုယ့်ချစ်သူက ကိုယ့်ရဲ့ ဆိုရှယ်မီဒီယာအကောင့်ကို မပြတ်စောင့်ကြည့်နေတာ၊ Password ပါယူထားပြီး ဘယ်သူတွေနဲ့ ပြောဆိုနေလဲ လိုက်စောင့်ကြည့်နေတာ၊ သူ့နဲ့ ပတ်သက်တာတိုင်းကို သိချင်နေတာ၊ အတိတ်ကဖြစ်ရပ်တွေအထိလိုက်ပြီး သဝန်တိုနေတာတွေ ကြုံလာရမယ်ဆိုရင် လူတိုင်းစိတ်ညစ်ကြမှာပါပဲ။
ဒီလိုလုပ်ရပ်မျိုးတွေဟာ လူ့ကျင့်ဝတ်ကို ချိုးဖောက်ရာရောက်သလို လူတစ်ဦးချင်းလွတ်လပ်ခွင့်ကိုလည်း ပိတ်ပင်ချုပ်နှောင်ရာရောက်ပါတယ်။ အပြည်ပြည်ဆိုင်ရာ လူ့အခွင့်အရေးကြေညာစာတမ်းရဲ့ အပိုဒ် (၁၂) ကိုပါ။ အပိုဒ် ၁၂ အရဆိုရင်လည်း “ပုဂ္ဂလိကကိုယ်ရေးကိုယ်တာတွေကို ဝင်ရောက်စွက်ဖက်ခံရခြင်းမှ ကင်းဝေးခွင့်” ဆိုပြီး ပြဌာန်းထားတယ်မဟုတ်လား။
ချစ်လို့၊ တန်ဖိုးထားလို့၊ စိတ်မချလို့ သဝန်တိုတာလို့ ပြောတတ်ကြတယ်။ အထူးသဖြင့်တော့ မိန်းကလေးတွေပေါ့။ ဒါပေမယ့် သဝန်တိုစိတ်ဟာ မကောင်းဘူးဆိုတာကို ခံစားရသူဘက်ကသာ တွေးဖြစ်ကြတာပါ။ သဝန်တိုသူဘက်က သိပ်မတွေးဖြစ်တတ်ကြပါဘူး။
လူအများစုက သဝန်တိုတယ်ဆိုတာ မိန်းကလေးအများစု မှာပိုဖြစ်တယ်လို့ ယူဆတတ်ကြပါတယ်။ တကယ်တမ်း သိပ္ပံနည်းကျလေ့လာချက်တွေမှာတော့ သဝန်တိုစိတ်ဟာ ၅၀-၅၀ အခြေအနေမျိုးလို့ဆိုပါတယ်။ လူမှန်ရင် သဝန်တိုစိတ် အနည်းနဲ့အများဆိုသလိုပါလာတတ်ပြီး လိင်ကွဲပြားမှုနဲ့မဆိုင်ပဲ စိတ်ပိုင်းဆိုင်ရာအရ ရင့်ကျက်မှုနဲ့ပဲဆိုင်တယ်လို့ ဆိုပါတယ်။
အကြမ်းဖျဉ်းအားဖြင့် သဝန်တိုစိတ်ဆိုတာ အသွင်သဏ္ဍာန်၊ လက္ခဏာအမျိုးမျိုးရှိပါတယ်။ ဆေးပညာသဘောအရဆိုရင် ရောဂါလက္ခဏာပေါ့။ အောက်ပါအတိုင်းပါပဲ။
သဝန်တိုစိတ်ကို ဖျောက်ဖျက်ဖို့ဆိုတာ ပြောသလောက်တော့မလွယ်ကူပါဘူး။ ကိုယ့်ရဲ့ စိတ်ခိုင်မာဖို့လည်း လိုအပ်ပါတယ်။ ဒါပေမယ့် အောက်မှာဖော်ပြထားတဲ့ လမ်းညွှန်ချက် ၆ ချက်နဲ့ မနာလိုစိတ်ကို တဖြည်းဖြည်းချင်း လျှော့ချလို့ရပါတယ်။
ကဲ ကိုယ်က သဝန်တိုတတ်လွန်းတယ်ဆိုရင် ဒီနည်းလမ်းတွေ လိုက်နာပြီး လျှော့ချကြည့်ပါ။ သဝန်တိုတယ်ဆိုတာက လူတစ်ဖက်သားကို အလွန်စိတ်အနှောင့်အယှက်ဖြစ်စေနိုင်တဲ့ ပြဿနာဖြစ်တာမို့ ဒီစိတ်ကိုလျှော့ချပြီး ချစ်ခရီးလမ်းအဆင်ပြေစေမယ့် နားလည်မှုလေးနဲ့ အစားထိုးကြည့်စေချင်ပါတယ်နော်။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
မှ အချက်အလက် စစ်ဆေးထားပါသည်။
Dr. Phyo Wai Lynn
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။