ကိုယ်ဟာ ဘယ်နေရာမှာ ဘယ်လောက် အရည်အချင်းရှိလဲ။ ကိုယ်ချစ်တဲ့သူတွေ အပေါ် ကိုယ်ဘယ်လောက် ကောင်းပေးနိုင်ခဲ့လဲ။ လူတွေမျက်နှာမှာ အပြုံးပန်းပွင့်နိုင်အောင် ကိုယ်ဘယ်လိုတွေ လုပ်ပေးခဲ့လဲ စတာတွေကို ပြန်တွေးကြည့်ပြီး ကိုယ့်ကိုယ်ကိုယ် အကောင်းမြင်ပါ။ မိမိကိုယ်ကိုယ် တန်ဖိုးထားတတ်တဲ့ စိတ်တွေ ဖြစ်လာပြီဆိုရင် သဝန်တိုစိတ်တွေက နည်းသွားနိုင်ပါတယ်။
၃။ ပွင့်ပွင့်လင်းလင်း တိုင်ပင်ပါ။
ကိုယ့်ချစ်သူနဲ့ ပတ်သက်ပြီး သဝန်တိုစရာ အကြောင်းတစ်စုံတစ်ရာ ပေါ်လာခဲ့တယ် ဆိုကြပါစို့။ အဲ့ဒါကို တရားခံ အပြစ်ထုတ်သလို မေးနေမယ့်အစား ပွင့်ပွင့်လင်းလင်း တိုင်ပင်တဲ့ ပုံစံမျိုး ဆက်ဆံပါ။
ကိုယ့်စိတ်ထဲမှာ ဖြစ်နေတဲ့ ပြဿနာတွေကို နည်းလမ်းမှန်နဲ့ ထုတ်ဖော်ပြသခြင်းဟာ ကိုယ့်ချစ်သူကိုလည်း ဒီအမှားတွေ မလုပ်မိစေဖို့ တိုက်တွန်းရာ ရောက်ပါတယ်။
၄။ သက်သေမရှိဘဲ မစွပ်စွဲပါနဲ့။
တစ်ခါတလေ ကိုယ် သဝန်တိုနေတဲ့ အကြောင်းအရာက တိကျသေချာမှုမရှိဘူး။ သက်သေမရှိဘဲ ကိုယ့်စိတ်ကပဲ ထင်နေတာဆိုရင် ချစ်သူနဲ့ မတိုင်ပင်ဘဲ ယုံကြည်ရတဲ့ သူငယ်ချင်းနဲ့ တိုင်ပင်တာ ပိုကောင်းပါတယ်။
ကိုယ်ခံစားနေရတာ၊ ကိုယ့်စိတ်ထဲမှာ ဖြစ်နေတယ်လို့ ထင်နေတဲ့ အရာတွေကို ရင်ဖွင့်ပြီး ဘာကြောင့် ဖြစ်နိုင်လဲ။ ကိုယ့်ဘက်က သက်သက်မဲ့ သဝန်တိုနေမိတာလားဆိုတာ အဖြေရှာပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။