သစ်ပင်စိုက်တဲ့အခါ ကိုယ်စိုက်ပျိုးထားတဲ့ အပင်လေးတွေကောင်းကောင်းမွန်မွန် ကြီးပြင်းလာစေဖို့အတွက်ရေလောင်း၊ပေါင်းသင်၊မြေသြဇာထည့်တဲ့အလုပ်ကို မဖြစ်မနေလုပ်ရပါတယ်။ ဒီလိုလုပ်ပေးရတဲ့အခါ တာဝန်ယူတတ်တဲ့ စိတ်လေးကဖြစ်လာတော့တာပေါ့။ ဒါကြောင့် ကိုယ့်ရဲ့ကောင်းကျိုးဆိုးပြစ်ကိုတာဝန်ခံနိုင်တဲ့ စိတ်လေးဖြစ်ပေါ်လာပြီး လူမှုပတ်ဝန်းကျင်မှာ ပိုအဆင်ပြေလာပါလိမ့်မယ်။
သစ်ပင်စိုက်ပျိုးတာက သဘာဝတရားကိုခံစားမိစေတယ်
တစ်နေ့တာလုံးခေတ်မီတိုးတက်လာတဲ့ နည်းပညာတွေနဲ့ ထိတွေ့နေရမှုကကောင်းတာလေးတွေရှိပေမယ့် စိတ်အပန်းပြေစေမှုကိုတော့ပြည့်ပြည့်ဝဝမရရှိစေနိုင်ဘူးပေါ့။လေ့လာတွေရှိချက်တွေအရ စိမ်းစိုမှုရှိနေတဲ့ သဘာဝ ပတ်ဝန်းကျင်က လူတွေကို စိတ်ဖိစီးမှုသက်သာစေပြီး စိတ်အပန်းပြေစေတယ်လို့ဆိုပါတယ်။ ဒါကြောင့် အားလပ်ချိန်လေးတွေမှာ သစ်ပင်လေးတွေ စိုက်ရင်း အချိန်ကို အကျိုးရှိရှိ အသုံးချပေးပါ။
ကိုယ့်ကိုယ်ကို ယုံကြည်မှုတိုးစေနိုင်တယ်
နေ့စဉ်တိုင်း လုပ်ငန်းခွင်မှာ လှုပ်ရှားနေရသူတွေအနေနဲ့ စိတ်ဖိစီးမှုတွေကတော့ မဖြစ်မနေကြုံနေရမှာပါ။ တစ်ခါတလေမှာတွေ့ကြုံရတဲ့ အတွေ့အကြုံတွေက ကိုယ့်ဆီမှာရှိနေတဲ့ ယုံကြည်မှုတွေတောင်ပျောက်ဆုံးသွားစေနိုင်တာမျိုးပါ။ ဒါကြောင့် တစ်နိုင်တစ်ပိုင် အပင်လေးတွေစိုက်ပျိုးပေးလိုက်ပါ။ ဒီလိုလုပ်ပေးတာက ကိုယ့်ကိုယ်ကို ယုံကြည်မှုတိုးစေနိုင်ပြီး ကိုယ့်ကိုယ်ကို တန်ဖိုးထားမှုကလည်းမြင့်တက်လာမှာပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။