ဆယ်ကျော်သက် ကိုယ်ဝန်ဆောင်ခြင်းအကြောင်း လေ့လာကြည့်ရအောင်။

ဆေးပညာပိုင်းဆိုင်ရာတည်းဖြတ်သူ | ရေးသားသူ

ရေးသား ထုတ်ဝေခဲ့သည် ဇူလိုင် 3, 2020 . 2 mins read
Share now

ယနေ့ခေတ်မှာ ဆယ်ကျော်သက်တွေဟာ အသက်အရွယ်အားဖြင့် ရင့်ကျက်မှုမရှိသေးဘဲ ကိုယ်ဝန်ဆောင်နေကြတာကို တွေ့မြင်နိုင်ပါတယ်။ အများစုကတော့ အစီအစဉ်မရှိဘဲ သူ့အလိုလို ရသွားကြတာပါ။ အစီအစဉ်အတကျ ကလေးယူကြတယ်ဆိုရင်တောင် အသက်ဟာ ငယ်ရွယ်သေးတဲ့အတွက် အန္တရာယ်တွေ ရှိနေနိုင်ပါတယ်။

ဆယ်ကျော်သက်အရွယ် ကိုယ်ဝန်ဆောင်တွေ ရှိနေရခြင်းရဲ့ အကြောင်းပြချက်တွေကတော့

  • လိင်အသိပညာနဲ့ မျိုးပွားမှုဆိုင်ရာ ကျန်းမာရေး ဗဟုသုတများ မရှိခြင်း၊
  • ငယ်ရွယ်သူ ဆယ်ကျော်သက်တွေထံ အသိပညာ အလုံအလောက် မပေးနိုင်ခြင်း၊
  • မိသားစု (သို့မဟုတ်) ပတ်ဝန်းကျင်က လက်ထပ်ဖို့ ဖိအားပေးခြင်း၊
  • လိင်အကြမ်းဖက် ခံရခြင်း၊
  • အိမ်ထောင်ပြုရန် အတင်းအဓမ္မ စေခိုင်းခံရခြင်းနဲ့
  • ကျောင်းမနေခဲ့ရခြင်းကြောင့် အသိပညာမစုံလင်ခြင်း စတာတွေ ဖြစ်နိုင်ပါတယ်။

 အခြားအကြောင်းအရင်းတွေထဲမှာတော့

  • အမျိုးသမီးငယ်လေးများထံသို့ သားဆက်ခြားနည်းလမ်းများ၊ ဆေးများ မရောက်ရှိခြင်း၊
  • ဆင်းရဲ မွဲတေခြင်းနဲ့
  • ဘေးဒုက္ခအန္တရာယ်တစ်ခုခုကြောင့် ဖြစ်နိုင်ပါတယ်။

ဆယ်ကျော်သက် ကိုယ်ဝန်ဆောင်ခြင်းရဲ့ နောက်ဆက်တွဲ ဆိုးကျိုးတွေကတော့

(၁)      ပညာရေးဆုံးခန်းတိုင်မှု မရှိတော့ခြင်း။

ဆယ်ကျော်သက် ကိုယ်ဝန်ဆောင်တွေရဲ့ ၇၀ ရာခိုင်နှုန်းခန့်ဟာ ကျောင်းထွက် (သို့) ထုတ်ခြင်းကို ခံရနေပါတယ်။ သူတို့ထဲက ထက်ဝက်ခန့်သာ အသက်မွေးဝမ်းကြောင်းဆိုင်ရာ အလုပ်တွေရှိကြပါတယ်။

အကြောင်းအရင်းကတော့

  • ရုပ်ပိုင်း၊ စိတ်ပိုင်းနဲ့ လူမှုရေးပိုင်းဆိုင်ရာ ပြဿနာများ၊
  • ကိုယ်ဝန်ဆောင်စဉ် လက္ခဏာများခံစားရခြင်း၊
  • ပြောင်းလဲလာတဲ့ ဝမ်းဗိုက်အရွယ်အစားနဲ့
  • ပတ်ဝန်းကျင်ရဲ့ ပြစ်တင်ဝေဖန်မှုတွေကြောင့် ကျောင်းထွက်လာကြရခြင်း ဖြစ်ပါတယ်။

(၂)      ကျန်းမာရေးပြဿနာများ

အသက်ငယ်ရွယ်နုနယ်စဉ်မှာ ကိုယ်ဝန်ဆောင်ထားရခြင်းကြောင့် ကျန်းမာရေးပြဿနာတွေ ပိုခံစားရတတ်ပါတယ်။

မရင့်ကျက်သေးတဲ့ အသက်အရွယ်အရ ကိုယ်ဝန်ဆောင်နေရတာကို ရှက်ရွံ့နေတတ်တာမို့ ကိုယ်ဝန်ကိုလည်း ပုံမှန်မအပ်ကြပါဘူး။ ဒီပြဿနာတွေကို ရှောင်ရှားဖို့ဆိုရင်တော့ ဆရာဝန်နဲ့ ပုံမှန်သွားပြပြီး မှန်ကန်တဲ့ နေထိုင်စားသောက်ပုံမျိုး ရှိဖို့ အထူးလိုအပ်ပါတယ်။ အရက်နဲ့ ဆေးလိပ်ကိုလည်း ရှောင်ရှားသင့်ပါတယ်။

(၃)      စီးပွားရေးယုတ်လျော့ခြင်း။

ပညာရေးဆုံးခန်းမတိုင်ခဲ့ခြင်းကြောင့် အသက်မွေးဝမ်းကြောင်း အလုပ်တစ်ခုကို မရှာဖွေနိုင်တော့ပါဘူး။ အလုပ်ကောင်းကောင်းမရှိတဲ့အခါ ဘဝကို ကောင်းမွန်စွာ မရပ်တည်နိုင်တော့လို့ စီးပွားရေးကျပ်တည်းလာပါတယ်။ ဆယ်ကျော်သက်အရွယ် ဖခင်တွေဟာလည်း ထိုနည်းလည်းကောင်းပါပဲ။

(၄)      အိမ်ထောင်ရေးပြဿနာများ။

ဆယ်ကျော်သက် လင်မယားနှစ်ယောက်ဟာ အိမ်ထောင်ရေးကို စီးပွားရေးအရရော၊ လူမှုရေးအရပါ ကောင်းမွန်စွာ မထိန်းသိမ်းတတ်ကြပါဘူး။ ကလေးတွေကိုလည်း ကောင်းကောင်း မပျိုးထောင်နိုင်ကြပါဘူး။ အိမ်ထောင်ဖက်နှစ်ဦးလုံးဟာ မိမိနဲ့ သက်တူရွယ်တူ လူပျို၊လူလွတ်တွေကိုပဲ အားကျနေတတ်ကြပါတယ်။

(၅)      စိတ်ရောဂါ

အမေရိကန်နိုင်ငံ စိတ်ပညာရှင်အဖွဲ့အစည်းတွေရဲ့ လေ့လာစမ်းသပ်ချက်များ အရ ဆယ်ကျော်သက် ကိုယ်ဝန်ဆောင်သူတွေဟာ စိတ်ကျရောဂါကို ခံစားနေရ တတ်ပါတယ်။ မိမိကိုယ်ကို အပြစ်ရှိတယ်လို့ခံစားနေရပြီး စိတ်ပေါက်ကွဲလွယ်ပါတယ်။ မွေးဖွားလာမယ့် ကလေးအပေါ်ကိုလည်း မနွေးထွေးခြင်း၊ လျစ်လျူရှုထားခြင်းနဲ့ နှိပ်စက် ရိုက်နှက်ခြင်းတွေ ပြုလုပ်တတ်ကြပါတယ်။

(၆)      ကလေးရဲ့ အနာဂတ်ဝေဝါးခြင်း။

ဆယ်ကျော်သက်မိဘတွေဟာ မိမိကိုယ်တိုင် ပညာရေး ဆုံးခန်းမတိုင်တာကြောင့် မိမိကလေးကိုလည်း ကျောင်းထုတ်ပစ်တာမျိုး၊ ကောင်းမွန်စွာ လူလားမြောက်အောင် ပျိုးထောင်မပေးနိုင်တာမျိုးတွေ ရှိတတ်ပါတယ်။ သုတေသနတစ်ခုအရ ဆယ်ကျော်သက်အမေက မွေးလာတဲ့ သမီးမိန်းကလေးဟာ ကြီးပြင်းလာတဲ့အခါမှာ ဆယ်ကျော်သက်အရွယ်မှာတင် စောစီးစွာ ကိုယ်ဝန်ဆောင်တတ်ကြပြီး  သားယောကျ်ားလေးဆိုရင်တော့ ပြစ်မှုတွေ ကျူးလွန်တတ်ကြတယ်လို့ ဆိုထားပါတယ်။

ဆယ်ကျော်သက်လူငယ်တွေ ကိုယ်ဝန်ဆောင်မိခဲ့တယ် ဆိုရင်တော့ အသုံးဝင်မယ့် နည်းလမ်းလေးတွေကို ပြောပြချင်ပါတယ်။

၁။ ဒီလို အချိန်မှာ အဓိဟာ ငွေပါ။ အိမ်ငှားရမ်းရန်၊ ကိုယ်ဝန်အပ်ရန်၊ စားဝတ်နေရေးနဲ့ ကလေးရဲ့ အသုံးအဆောင်တွေအတွက် ငွေစုရပါမယ်။ ပိုက်ဆံစစုပါ။ အရင်ကလို ကလေးမဟုတ်တော့တဲ့အတွက် ရင့်ကျက်သင့်ပါပြီ။ ရနိုင်သမျှ ဝင်ငွေလမ်းကြောင်းတွေကနေ ပိုက်ဆံကို ရတတ်သမျှ စုဆောင်းပါ။

၂။ ကိုယ်ဝန်ရှိပြီဆိုတာ သိတာနဲ့ ကလေးအသုံးအဆောင်ပစ္စည်းတွေ အကြောင်း နားစွင့်ပါ။ Discount ချတဲ့အချိန်မှာ လိုအပ်တာကို ဝယ်ယူထားပါ။

၃။ မလိုအပ်ဘဲ ပိုက်ဆံမသုံးပါနဲ့။ လူပျို လူလွတ် အချိန်က သွားခဲ့တဲ့ လက်သည်းခြေသည်းဆိုင်၊ အလှပြင်ဆိုင်တွေကို မသွားပါနဲ့တော့။

၄။ Brand (အကောင်းစားတံဆိပ်)တွေ မဝယ်တော့ဘဲ သက်သာတဲ့အရာတွေနဲ့ လဲလှယ်အသုံးပြုပါ။

၅။ အတတ်ပညာတစ်ခုခုကို အခွင့်အရေးရရင် ရသလို လေ့လာဆည်းပူးပါ။ အသက်မွေးဝမ်းကြောင်း ပညာတစ်ခု ဖြစ်လာနိုင်လို့ပါ။

၆။ ကိုယ်ဝန်ပုံမှန် အပ်ဖို့ကတော့ အရေးအကြီးဆုံးပါပဲနော်။

ရေးသားသူ-ဒေါက်တာမှူးခင်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

Diet ဆိုပြီး မိနေတဲ့ ချင်း (ဂျင်း) များ

Diet ဆိုတာ ကျန်းမာရေးနဲ့ ညီညွတ်အောင်စားတာကို ဆိုလိုတာပါ။ အစားရှောင်ခိုင်းတာမဟုတ်မဟုတ်ပါဘူး။ Diet လို့ ခေါင်းစဉ်တပ်ပြီး မိနေတဲ့ ချင်းတွေအများကြီးပါပဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ကြက်ဥစားရင် ဝိတ်ကျတယ်ဆိုတာ မှန်ရဲ့လား

နေ့စဉ် ဝိတ်ချတဲ့လုပ်ငန်းစဉ်မှာ ကြက်ဥပြုတ်ကို အမယ်တစ်ခုအဖြစ် ထည့်သွင်းချင်သူတွေကို အထောက်အကူဖြစ်မဖြစ်ဆိုတာကို ဗဟုသုတဖြစ်စေဖို့ ရှင်းပြပေးချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ကျောက်ကပ်မှာ ကျောက်မတည်အောင် ကာကွယ်ပါ။

ကျောက်တည်တာက ဆီးလမ်းကျောက်တည်တယ်လို့ ပြောကြပေမယ့် များသောအားဖြင့်ကတော့ ကျောက်ကပ်မှာ ကျောက်တည်တာပါ။ ဆီးလမ်းကြောင်း တလျှောက်မှာလည်း ဖြစ်နိုင်ပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ကြောက်ခြင်းရယ်တဲ့ အဖုံဖုံ

ကြောက်ရွံ့ခြင်း (Phobias) က အဖြစ်များတဲ့ စိတ်ကျန်းမာရေး ပြဿနာ တစ်ရပ်ပါ။ လူတိုင်းနီးပါးမှာ ကြောက်ရွံ့ခြင်း တစ်ခုစီ ရှိတတ်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

သက်လတ်ပိုင်းမှာပေါက်တဲ့ ဝက်ခြံတွေ သက်သာစေဖို့ ဒါတွေစားပေးပါ။

သက်လတ်ပိုင်းမှာပေါက်တဲ့ ဝက်ခြံတွေ သက်သာစေဖို့ ဒါတွေစားပေးပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 9, 2021 . 1 min read
နှစ်သစ်မှာ ဝိတ်ချမယ့်သူတွေ မဖြစ်မနေသိထားရမယ့် Myth များ

နှစ်သစ်မှာ ဝိတ်ချမယ့်သူတွေ မဖြစ်မနေသိထားရမယ့် Myth များ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 6, 2021 . 3 mins read
ကလေးထိန်းပြီး ဝိတ်ချမလား

ကလေးထိန်း ပြီး ဝိတ်ချမလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဒီဇင်ဘာ 31, 2020 . 2 mins read
နောက်ကျမှ ညစာစားခြင်းဟာ သင့်ကျန်းမာရေးကို ဘယ်လောက်ထိခိုက်စေသလဲ

နောက်ကျမှ ညစာစားခြင်းဟာ သင့်ကျန်းမာရေးကို ဘယ်လောက်ထိခိုက်စေသလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဒီဇင်ဘာ 31, 2020 . 2 mins read