လိင်စိတ်ခံယူမှုနဲ့ ပတ်သက်ပြီး သင်ဘယ်လောက်ထိ သိထားလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 2, 2020 . 2 mins read
Share now

လိင်စိတ်ခံယူမှု (sexual orientation) နဲ့ မိမိကိုယ်ကို လိင်သတ်မှတ်မှု (gender identity) ကို လူတော်တော်များများ အမှတ်မှားတတ်ကြပါတယ်။

ပတ်ဝန်းကျင်၊ လူမျိုး၊ ဘာသာရေး၊ မိဘေဆွမျိုး အစရှိသူတို့ရဲ့ ပုံသေယူဆထားတတ်ကြတာက လိင်စိတ်ခံယူမှုဆိုတာ ယောက်ျားလေးမှန်ရင် မိန်းကလေးကိုသာ နှစ်သက်ရမယ်။ မိန်းကလေးဆိုတာ ယောက်ျားလေးကိုပဲ သဘောကျရမယ်။ ပုံမှန် မဟုတ်တဲ့ လိင်စိတ်ခံယူမှုဆိုတာ စိတ်ရောဂါ ခံစားနေရတာ ဒါမှမဟုတ် ဘုရားသခင်ရဲ့ ကျိန်စာသင့်တာ၊ အရင်ဘဝက လုပ်ခဲ့တဲ့ ကံအကြောင်းအရာကြောင့် အစရှိသဖြင့် ခေါင်းစဉ်တပ်ကြပါတယ်။

အသက်အရွယ်မရွေး အမှတ်မှားတတ်ကြတဲ့ လိင်စိတ်ခံယူမှု (sexual orientation) နဲ့ ပတ်သက်ပြီး ဗဟုသုတရစေဖို့ ဝေမျှပေးချင်ပါတယ်။

လိင်စိတ်ခံယူမှုဆိုတာ ဘာလဲ။

ကိုယ်က တခြားလူတစ်ဦးတစ်ယောက်အပေါ် ရုပ်ပိုင်းဆိုင်ရာ၊ စိတ်ပိုင်းဆိုင်ရာ၊ လိင်ပိုင်းဆိုင်ရာ၊ မေတ္တာပိုင်းဆိုင်ရာ လူတစ်ယောက်ရဲ့ လိင်စိတ်ခံယူမှုပါပဲ။ ဘာသာရေး၊ ပတ်ဝန်းကျင်က သတ်မှတ်ထားသလို မဟုတ်ဘဲ ကိုယ့်ရဲ့ လိင်စိတ်ခံယူမှုဟာ ကျား၊ မ၊ သို့မဟုတ် ကျား၊ မ ၂မျိုးလုံးကို စိတ်ဝင်စားတာ ဖြစ်နိုင်ပါတယ်။

၁။ လိင်ကွဲကို စိတ်ဝင်စားတာကို heterosexual (straight) လို့ သတ်မှတ်ပါတယ်။

၂။ လိင်တူချင်း စိတ်ဝင်စားတာကို homosexual (ယောက်ျားချင်း စိတ်ဝင်စားရင် gay ၊ မိန်းမချင်း သဘောကျရင် lesbian) လို့ သတ်မှတ်ပါတယ်။

၃။ လိင်တူ၊ လိင်ကွဲ ၂မျိုးလုံးအပေါ် တူညီတဲ့ စိတ်ဝင်စားမှု ရှိခြင်းကို bisexual လို့ သတ်မှတ်ပါတယ်။

လိင်စိတ်ခံယူမှုဆိုတာ စိတ်ရောဂါလား။

လုံးဝမဟုတ်ပါဘူး။ ဘာသာရေး အယူအဆ၊ တင်းကြပ်လွန်းတဲ့ မိသားစု ပတ်ဝန်းကျင်မှာ ကြီးပြင်းလာရတဲ့ ကလေးတွေဟာ သူတို့ရဲ့ လိင်စိတ်ခံယူမှုကို တခြားသူတွေ သိသွားတဲ့အခါ ကဲ့ရဲ့မှာ၊ အထင်သေးနှိမ့်ချမှာ ကြောက်ရွံ့ကြတဲ့အတွက် ကိုယ့်စိတ်ကို ဖုံးကွယ်ဖို့ ကြိုးစားရင်းကနေ ဘဝတစ်လျှောက်လုံး စိတ်ဆင်းရထိတ်လန့်စွာနဲ့ နေသွားရတာမျိုးတွေ အများကြီးရှိပါတယ်။

လိင်စိတ်ခံယူမှုကို ဘယ်အချိန်မှာ စပြီး ကြုံတွေ့လာရတာလဲ။

တကယ်တော့ လူသားတိုင်းရဲ့ လိင်စိတ်ခံယူမှုဆိုတာ မွေးဖွားလာကတည်းက သူ့ရင်ထဲမှာ ကိန်းအောင်းနေပြီးသားပါ။ လူပျို၊ အပျို ဖြစ်လာတဲ့အချိန်မှာ ချစ်ခြင်းမေတ္တာ၊ လိင်စိတ်တွေ စတင်ဖြစ်ပေါ်လာပြီး လိင်စိတ်ခံယူမှု (တစ်နည်းအားဖြင့် ကိုယ်က ယောက်ျားလေးကို သဘောကျတာလား၊ မိန်းကလေးကို သဘောကျတာလား) စတင်ခံစားသိရှိလာပါပြီ။

များသောအားဖြင့် ဆယ်ကျော်သက်အရွယ်မှာ လိင်စိတ်ခံယူမှုနဲ့ ပတ်သက်ပြီး စိတ်ရှုပ်စရာတွေ၊ မေးခွန်းတွေ၊ မိမိကိုယ်ကို သံသယတွေ အများကြီးဖြစ်လာပါတယ်။ လူတွေ သတ်မှတ်ထားတာက ဒီလို၊ ကိုယ်ကတော့ သူတို့နဲ့ ဆန့်ကျင်နေတဲ့ လိင်စိတ်ခံယူမှုတွေ ဖြစ်ပေါ်လာတယ်။ ဒီအခါမှာ မလုပ်သင့်တဲ့ အမှားတွေ ပိုပြီး လုပ်မိနိုင်ပါတယ်။ ဒီအခါမှာ မိဘ၊ အုပ်ထိန်းသူတွေအနေနဲ့ ကိုယ့်ရဲ့ သားသမီးကို လိင်စိတ်ခံယူမှုနဲ့ ပတ်သက်ပြီး ပွင့်ပွင့်လင်းလင်း ရင်ဖွင့်တိုင်ပင်ဆွေးနွေးသင့်ပါတယ်။

တချို့လူတွေမှာ မိမိရဲ့ လိင်စိတ်ခံယူမှုကို လုံးဝနားမလည်၊ လက်မခံနိုင်ပဲ အချိန်တော်တော်ကြာသည်အထိ မွန်းကြပ်စွာနဲ့ မှားယွင်းတဲ့ ဘဝကို နေထိုင်သွားတာ တွေ့ရပါတယ်။

လိင်စိတ်ခံယူမှုကို ပြောင်းလဲပစ်လို့ ရသလား။

ဒီမေးခွန်းအတွက်ကိုတော့ ပြောင်းလဲပစ်လို့ မရဘူးလို့ပဲ ဖြေပေးချင်ပါတယ်။ ကိုယ်က ဘယ်သူ့ကို သဘောကျတယ်၊ မကျဘူးဆိုတာလည်း ရွေးချယ်လို့ ရတဲ့အရာမဟုတ်ပါဘူး။

လူအများစုကတော့ မွေးကတည်းက လိင်စိတ်ခံယူမှု တစ်သမတ်တည်း ရှိနေပြီးသားပါ။ တချို့တွေကတော့ ကိုယ့်ကိုယ်ကို ပွင့်ပွင့်လင်းလင်း နားလည်ပြီး ကိုယ့်ဘဝကို လက်ခံထားကြတယ်။ တချို့တွေကလည်း ကြောက်ရွံ့မှု၊ ထိတ်လန့်မှု၊ ရှက်ရွံ့မှုတွေနဲ့ ဘဝကို အဓိပါ္ပယ်မဲ့စွာ နေထိုင်သွားတတ်ကြတယ်။

တချို့လူတွေမှာ လိင်ကွဲကို သဘောကျရာကနေ နောက်ပိုင်းမှာ လိင်တူကိုပဲ လုံးဝစွဲလမ်းပြီး လိင်စိတ်ခံယူမှု ပြောင်းလဲသွားတယ်လို့ ထင်ကြတယ်။ တကယ်ကတော့ ကိုယ့်ကိုယ်ကို နားမလည်တာ၊ ကိုယ့်ရဲ့ လိင်စိတ်ဟာ ဘယ်သူတွေအပေါ်မှာ တိမ်းညွတ်လဲဆိုတာ သေသေချာချာ မသိတာကြောင့် ဖြစ်နိုင်သလို လိင်တူ၊ လိင်ကွဲ ၂မျိုးလုံး ကြိုက်နှစ်သက်တာလည်း ဖြစ်ကောင်း ဖြစ်နိုင်ပါတယ်။

မိဘတွေအနေနဲ့ ဘာတွေ ကူညီပေးနိုင်လဲ။

သားသမီးရဲ့ လိင်စိတ်တိမ်းညွတ်မှုဟာ မိဘ၊ ဆွေမျိုး ပတ်ဝန်းကျင်အပေါ်မှာ သက်ရောက်မှု အနည်းနဲ့ အများတော့ ရှိနိုင်ပါတယ်။ ဒါပေမယ့် ကိုယ့်သဘော၊ ထင်မြင်ယူဆချက်နဲ့ သားသမီးတွေရဲ့ ဘဝကို ချုပ်ကိုင်ချယ်လှယ်တာ၊ ပြင်ဆင်ဖို့ ကြိုးစားတာ မလုပ်ပဲ ပွင့်ပွင့်လင်းလင်း တိုင်ပင်ပါ။ ကိုယ့်သားသမီးရဲ့ အခြေအနေကို သေချာလေ့လာ အကဲခတ်ကြည့်ပါ။

ကိုယ့်သားသမီးသည် လိင်တူကိုဖြစ်စေ၊ လိင်ကွဲကိုဖြစ်စေ သဘောကျတယ်လို့ ဆန်းစစ်ပြီးတဲ့အခါမှာ အပြစ်တင်ဆူပူနေမယ့်အစား လက်ခံဖေးမပေးပါ။ ကလေးတွေအတွက်တော့ ဒီလိုအချိန်မှာ စိတ်အလွန်ရှုပ်နေမှာ ဖြစ်တဲ့အတွက် သူတို့ယုံကြည်ရတဲ့ မိသားစုဝင်တွေက အနောက်မှာ မားမားမတ်မတ် ရပ်တည်ပေးတာကိုပဲ လိုချင်ကြမှာပါ။

ကိုယ့်သားသမီးကို ကိုယ်လိုချင်တဲ့ ပုံစံခွက်အတွင်း ရောက်အောင် အတင်းအဓမ္မ ပုံသွင်းတာမျိုး မလုပ်ပါနဲ့။ ကိုယ့်ဘဝခရီးလမ်းကို ကိုယ်တိုင်လျှောက်နိုင်ဖို့ ကူညီပေးပါ။ အကြံပေးပါ။ နည်းလမ်းပြပေးပါ။

Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"
ရင်းမြစ်များ

သင်ဒါလည်း နှစ်သက်နိုင်ပါတယ်။

သားသားမီးမီးတို့ကို ပျိုးထောင်ရတာ ပျော်စရာအကောင်းဆုံးပါ

သားသမီး မေမေ သားသားမီးမီးတို့ကို ပျိုးထောင်ရတာ ပျော်စရာအကောင်းဆုံးပါ ကိုယ်ဝန်ဆောင် မိဘတွေ ချစ်ခြင်းမေတ္တာ စိတ်ပိုင်းဆိုင်ရာ ဂရုစိုက်မှု

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

ကလေးကို ကလိထိုးသင့်ရဲ့လား…………

မေမေဖေဖေ ဘေဘီလေး ရယ်တာ ပျော်လို့လား ခိုးခိုးခစ်ခစ် ကလိထိုး လူကြီး အလိုလျောက် တုံ့ပြန်မှု ခံနိုင်ရည် သားသမီး ဆက်ဆံရေး သားသားမီးမီး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

ကလိထိုးတာနဲ့ ပတ်သက်ပြီး ဖေဖေမေမေတို့ သိထားနိုင်တဲ့ Myths များစွာ

ကလေး ဖွံ့ဖြိုးမှု နေ့စဉ် လှုပ်ရှားမှု ငိုတယ် ဘေဘီလေး အလွဲများ ရုပ်ပိုင်းဆိုင်ရာ ရယ်မောမှု ကသိကအောင့် စကားလုံးလေး ဘာသာစကားစွမ်းရည် လေ့ကျင့်ခန်း ကလိထိုး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

စိတ်ညစ်ရင် အပျင်းပြေရုပ်ရှင်ကြည့်ပြီး ကိုယ့်စိတ်ကိုယ် အနားပေးပါ

စိတ်ညစ် ရုပ်ရှင် ဟာသ ပျော်ရွှင်ခြင်း ကပ်ဘေးကာလ Covid-19 မိသားစု သံယောဇဉ် ချစ်ခြင်းမေတ္တာ အားလပ်ချိန် အာဟာရ စိတ်ကျန်းမာရေး စိုးရိမ်ပူပန် သတင်း အိပ်ချိန်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

သင့်အတွက် ရွေးချယ်ထားသည်

ကလေးနဲ့ ဖေဖေ ရင်းနှီးချစ်ခင်ဖို့ မေမေတို့မှာ စီမံပေးပါဦးနော်

ကလေးနဲ့ ဖေဖေ ရင်းနှီးချစ်ခင်ဖို့ မေမေတို့ စီမံပေးပါဦးနော်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon
ရေးသား ထုတ်ဝေခဲ့သည် ဇူလိုင် 6, 2020 . 2 mins read
အမျိုးသားတွေ သွေးဆုံးနိုင်သလား။

အမျိုးသားတွေ သွေးဆုံးနိုင်သလား။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဇူလိုင် 1, 2020 . 2 mins read

အိပ်ရာပေါ်မှာ ကျေနပ်မှုလိုချင်တယ်ဆိုရင် အတွေးအခေါ်ကို အရင်ပြောင်းပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung
ရေးသား ထုတ်ဝေခဲ့သည် ဇွန် 21, 2020 . 2 mins read
ကျန်းမာထက်မြက်တဲ့ ကလေးတစ်ယောက်ဖြစ်အောင် ပျိုးထောင်ကြမယ်

ကျန်းမာထက်မြက်တဲ့ ကလေးတစ်ယောက်ဖြစ်အောင် ပျိုးထောင်ကြမယ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇွန် 10, 2020 . 3 mins read