သန္ဓေတားတဲ့ နည်းလမ်းတွေ အများကြီးရှိတဲ့ထဲမှာမှ ဆေးသောက်တဲ့ နည်းလမ်းက လူသုံးအများဆုံးပါပဲ။ အရပ်အခေါ်တော့ လက်ညိုးသောက်တယ် ပြောတာပေါ့။ ကျွန်မ လက်ညိုးသောက်နေတာဆိုတာ ပေါင်းစပ်သန္ဓေတားဆေး အီစထရိုဂျင်နဲ့ ပရိုဂျက်စတုန်း နှစ်မျိုးပေါင်းထားတာကို ပြောတာပါ။
တချို့က ၃လခံဆေး မထိုးချင်ဘူးဆရာမ။ သူကဝတယ်မလား။ ဒါမှမဟုတ် သားအိမ်ထဲတော့ အဲ့ဒီပစ္စည်းမထည့်ပါရစေနဲ့ ဆရာမရယ်။ လက်မောင်းအောက်ထဲမှာ အဲ့အချောင်း၂ချောင်း ရှိနေမှာလား ဆရာမ။ ကွန်ဒုံးကျတော့ အမျိုးသားက မသုံးလောက်ဘူး ဆရာမရဲ့။ စသဖြင့် ဆရာမပေါင်းများစွာရဲ့ အဆုံးသတ်မှာ တားဆေးသောက်တဲ့ဆီကို ရောက်သွားတော့တာပါပဲ။
တားဆေးရွေးချယ်တဲ့ နေရာမှာ လူနာ သဘော တစ်ခုတည်း ဒါမှမဟုတ် ဆရာဝန် သဘော တစ်ခုတည်းနဲ့ ရွေးလို့မရပါဘူး။ သန္ဓေတားတဲ့ နည်းလမ်းတွေက ဘာတွေ ဘာတွေ ရှိတယ်။ ဘာသုံးချင်လဲ။ လူနာက (တကယ်တော့ လူနာတော့ မသုံးပါဘူး။ Clientလို့ ခေါ်တာပါ။ နေမကောင်းတဲ့သူမှ မဟုတ်တာပဲ။ ခုတော့ လူနာလို့ပဲ အလွယ်ပြောရအောင်ပါ။) ပြန်ဆက်ရအောင်။ လူနာက သူအဆင်ပြေတဲ့ နည်းကို ရွေးပါမယ်။ သူရွေးတဲ့နည်းလမ်းက သူ့ကျန်းမာရေးအခြေအနေနဲ့ အဆင်ပြေနိုင် မပြေနိုင် ဆရာဝန်က စစ်ဆေးပြီး ရွေးချယ်ပေးမှာပါ။ Procedure အရတော့ ဒီလိုသွားတာပါ။ အိမ်ဘေးက အမကြီး လက်ညိုးသောက်လို့ ကျွန်မလည်း လက်ညိုးလို့ ရချင်မှ ရမှာပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။