backup og meta

လိင်ဆက်ဆံစဉ် နာကျင်မှုအတွက် ဖြေရှင်းနည်းများ

လိင်ဆက်ဆံစဉ် နာကျင်မှုအတွက် ဖြေရှင်းနည်းများ
လိင်ဆက်ဆံစဉ် နာကျင်မှုအတွက် ဖြေရှင်းနည်းများ

လိင်မှုကိစ္စသည်လက်ထပ်ခြင်းတွင်အလွန်အရေးပါသည်။ ခင်ပွန်းနှင့်ဇနီး သည်ကြား မျှဝေခံစားခြင်း ဖြစ်သကဲ့သို့အခြားသူများနှင့်မတူသော နှစ်ဦးကြား နက်ရှိုင်းသည့်ပတ်သက်မှုလည်းဖြစ်သည်။ သို့သော်လည်း အချို့စုံတွဲများသည် လိင်ဆက်ဆံမှုပြုရန်ခက်ခဲသည်ကို တွေ့ရသည်။ အကြောင်းမှာလိင်ဆက်ဆံနေစဉ် လွန်စွာနာကျင်သောကြောင့်ဖြစ်သည်။ ထို့ကြောင့် သင့်အနေဖြင့်ထိုအခက်အခဲအတွက် ဖြေရှင်းနည်းများကိုရှာဖွေနေပါက ဤဆောင်းပါးကိုဖတ်ရှုပါ။

လိင်ဆက်ဆံစဉ်နာကျင်ရသောအကြောင်းရင်းများ

ချောမွေ့မှုမရှိခြင်း

အချို့အမျိုးသမီးများ၏မွေးလမ်းကြောင်းသည် ခြောက်သွေ့နေတတ်သည့်အတွက်လိင်ဆက်ဆံမှုပြုရန်ခက်ခဲသည်ကိုတွေ့ရမည်။ ချောမွေ့မှုမရှိပါက လိင်ဆက်ဆံမှုပြုရာတွင်နာကျင်နိုင်ပါသည်။

စိတ်ဖိစီးမှုများ

လုပ်ငန်းခွင် အခက်အခဲပေါင်းများစွာက သင့်ကိုစိတ်ဖိစီးစေသည်။ အိပ်ယာဝင်ချိန်အထိပင်ပန်းနွမ်းနယ်စေသည်။ ထိုကဲ့သို့သောသူများတွင်လိင်မှုရေးရာ၌ပျော်ရွှင်သာယာမှုရရန်ခက်ခဲသည့်အပြင်တစ်ခါတရံနာကျင်ခြင်းကိုပါခံစားရတတ်သည်။

လိင်အဂါၤကူးစက်ရောဂါများ

လိင်အင်္ဂါတွင်ကူးစက်ရောဂါများဖြစ်ပွားနိုင်သည်။( ဥပမာ – လိင်အင်္ဂါရေယုန်၊ ထရိုင်ခိုမိုနာ ရောဂါ ) ထိုရောဂါများသည်အမျိုးသမီးအင်္ဂါစပ်နှင့်မွေးလမ်းကြောင်းတို့ကိုနာကျင် ရောင်ရမ်းစေသည့်အတွက် လိင်ဆက်ဆံရာတွင် အဆင်မချောခြင်း၊ နာကျင်ခြင်းတို့ကိုဖြစ်စေသည်။

Endometriosis (သားအိမ်ဆဲလ်များ သားအိမ်ပြင်ပရောက်နေသော ရောဂါ) ဟုခေါ်သည့်မီးယပ်ရောဂါ

ပုံမှန်အားဖြင့်သားအိမ်အတွင်းရှိသောဆဲလ်များသည် သားအိမ်ပြင်ပအခြား နေရာများသို့ရောက်ရှိပါက Endometriosis ရောဂါကိုခံစားရသည်။ အမျိုးသမီးများ၏ ၇ ရာခိုင်နှုန်း ခန့်တွင်ထိုရောဂါကိုတွေ့ရတတ်ပြီး လိင်ဆက်ဆံရာတွင်နာကျင်ခြင်းကိုဖြစ်စေတတ်ပါသည်။

မီးယပ်သွေးဆုံးအခြေအနေ

မီးယပ်သွေးဆုံးခါနီး(သို့မဟုတ်)သွေးဆုံးပြီးချိန်များတွင်ဟော်မုန်းဆိုင်ရာ အပြောင်းအလဲများဖြစ်ပေါ်သည့်အတွက်ထိုအချိန်များတွင်လိင်ဆက်ဆံမှုပြုပါကနာကျင်စေတတ်ပါသည်။

နာတာရှည် အူလမ်းကြောင်း ရောင်ရမ်းသော ရောဂါ (IBS )

နာတာရှည် အူလမ်းကြောင်း ရောင်ရမ်းသော ရောဂါ (IBS) လက္ခဏာများမှာ ဝမ်းဗိုက်မကြာခဏရစ်နာခြင်း၊ဝမ်းချုပ်လိုက် ဝမ်းပျက်လိုက်ဖြစ်ခြင်းစသည်တို့အပြင် လိင်ဆက်ဆံရာတွင် နာကျင်ခြင်းသည်လည်း ပါဝင်ပါသည်။

ကုသနည်းများ

မွေးလမ်းကြောင်း ခြောက်သွေ့တတ်သူဖြစ်ပါက သင့်တော်သောချောဆီကိုသုံးပါ။ လိင်ဆက်ဆံမှုမပြုမီကတည်းကစတင်သုံးစွဲခြင်းဖြင့်နာကျင်မှုကိုရှောင်ရှားနိုင်ပါသည်။ ထို့ပြင် လိင်မှုရေးရာမစတင်ချိန်ခင်တည်းက အသုံးပြုသောကြောင့် ဆက်ဆံနေစဉ်တွင် အသုံးပြုဖို့ရှာဖွေရန် မလိုအပ်တော့သောကြောင့် ကြည်နူးဖွယ်အချိန်လေး ပျက်စီးပြတ်တောက်သွားမည်ကိုလည်း စိုးရိမ်ဖွယ် မရှိပါ။

စိတ်ဖိစီးမှုများသူများ အနေဖြင့်စိတ်လက်ပြေလျော့ရန် ယောဂကျင့်စဉ်များကိုစမ်းသပ်ကြည့်နိုင်ပါသည်။

လိင်အင်္ဂါကူးစက်ရောဂါများအတွက်ဆရာဝန်နှင့်ဆွေးနွေးတိုင်ပင်ကုသပါ။

Endometriosis မီးယပ်ရောဂါအတွက်မူ ဆရာဝန်နှင့်တိုင်ပင်၍သောက်ဆေး၊ထိုးဆေးအပြင်လိုအပ်ပါကခွဲစိတ်ကုသရခြင်းများလည်းပြုလုပ်ရနိုင်ပါသည်။

လိင်မှုရေးရာကိစ္စသည်အိမ်ထောင်သည်ဘဝ၏ပျော်ရွှင်မှုအတွက်များစွာ သက်ရောက်မှုရှိသည့်အတွက ်လိင်ဆက်ဆံစဉ် နာကျင်မှုကိုခံစားနေရပါက အထက်ပါအချက်အလက်များကိုလိုက်နာခြင်း အပြင်လိုအပ်ပါကကျွမ်းကျင် သော ဆေးပညာရှင်များထံမှလည်း အကြံဉာဏ်များရယူသင့်ပါသည်။

Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

[embed-health-tool-ovulation]

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Is sex necessary for a happy marriage?

https://familyshare.com/is-sex- necessary-for- a-happy-marriage

Accessed 15 March, 2017.

8 reasons it hurts during sex- and how to fix it?

http://www.prevention.com/sex/bettersex/solutions-for- painful-sex

Accessed 15 March, 2017.

5 reasons why sex might painful for you,

http://www.netdoctor.co.uk/healthyliving/sexualhealth/a26226/why-does- sex-hurt/

Accessed 15 March, 2017.

 

ယခုပုံစံ

10/02/2022

Dr. Ye Pyae Hein မှ ရေးသားသည်။

မှ ဆေးပညာပိုင်းဆိုင်ရာ စစ်ဆေးထားပါသည်။ Dr. K Zin Thwe

Aye Thi Mon မှ ပြင်ဆင်ခဲ့ပါသည်။


ဆက်စပ် အကြောင်းအရာများ

ကွန်ဒုံး ကို ပါးစပ်နဲ့လိင်ဆက်ဆံချိန် အသုံးပြုဖို့ လိုလား

ပါးစပ်ဖြင့် လိင်ဆက်ဆံခြင်း နှင့် ပိုးကူးစက်ခြင်းများ


မှ ဆေးပညာပိုင်းဆိုင်ရာ စစ်ဆေးထားပါသည်။

Dr. K Zin Thwe


Dr. Ye Pyae Hein မှ ရေးသားသည်။ · 10/02/2022 တွင် အသစ်ဖြည့်စွက်ခဲ့သည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement