အသက် ၄၀ ကျော်အမျိုးသားတိုင်း လုပ်သင့်တဲ့ကျန်းမာရေးစစ်ဆေးမှုများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date အောက်တိုဘာ 16, 2020 . 2 mins read
Share now

ကျန်းမာရေးစစ်ဆေးမှုပြုလုပ်တယ်ဆိုတာ ရောဂါကုသရေးမှာ အရေးအကြီးဆုံးနဲ့ အလွယ်ကူဆုံးအဆင့်တစ်ခု ဖြစ်ပါတယ်။ ရောဂါတိုင်းက စောစောရှာဖွေနိုင်လေ ပျောက်ကင်းအောင်ကုသဖို့လွယ်ကူလေဖြစ်တဲ့အတွက် ကျန်းမာရေးကြိုတင် စစ်ဆေးမှုတွေကို တစ်ခုခုနေထိုင်မကောင်းဖြစ်မှ မဟုတ်ဘဲ နှစ်စဉ် (ဒါမှမဟုတ်) နှစ်အပိုင်းအခြား တစ်ခုအလိုက်ပြုလုပ်ဖို့ လိုအပ်တာဖြစ်ပါတယ်။ အခုတစ်ခေါက်မှာတော့အသက် ၄၀ ကျော်အမျိုးသားတိုင်း လုပ်ကိုလုပ်သင့်တဲ့ ကျန်းမာရေးကြိုတင်စစ်ဆေးမှုတွေအကြောင်းပြောပြချင်ပါတယ်။

သွေးပေါင်ချိန်တိုင်းခြင်း – အသက် ၄၀ ကျော်အမျိုးသားတိုင်း အနည်းဆုံး တစ်နှစ်တစ်ကြိမ် သွေးပေါင်ချိန်တိုင်းသင့်ပြီး သွေးပေါင်ချိန်က အပေါ်သွေး ၁၂၀ နဲ့ အောက်သွေး ၈၀ မကျော်ရင်အကောင်း ဆုံးဖြစ်ပါတယ်။ အခုခေတ်မှာသွေးပေါင်ချိန် အလွယ်တကူတိုင်းလို့ရတဲ့စက်တွေလည်းရှိနေပြီဖြစ်တဲ့အတွက် ကိုယ့်ဖာသာသွေးပေါင်ချိန်မှန်မှန်စစ်ဆေးသင့်ပါတယ်။ အဖြစ်များလာတဲ့သွေးတိုးရောဂါနဲ့ နှလုံးသွေးကြောဆိုင်ရာပြဿနာတွေကို သွေးပေါင်ချိန်စစ်ဆေးပြီး ကြိုတင်ရှာဖွေနိုင်တဲ့အတွက် သွေးပေါင်ချိန်တိုင်းခြင်းက လွယ်ကူပြီးထိရောက်တဲ့ကျန်းမာရေးစစ်ဆေးမှုတစ်ခု ဖြစ်ပါတယ်။

ဆီးချိုစစ်ဆေးခြင်း – အနည်းဆုံး (၃) နှစ်တစ်ကြိမ်ဆီးချိုအတွက် HBA1c နဲ့ Lipid profile စစ်ဆေးမှုတွေပြုလုပ် သင့်ပြီး မိသားစုဆွေမျိုးထဲမှာဆီးချိုရောဂါဖြစ်တဲ့သူရှိရင်တော့ အသက် (၄၀) မပြည့်ခင်ထဲကစတင် စစ်ဆေးသင့်ပါတယ်။

ကိုယ့်ကိုယ်ကို ဆီးချိုရောဂါရှိမှန်းမသိဘဲနေထိုင်မိရင် နှလုံးပြဿနာ၊ ကျောက်ကပ်ပြဿနာ၊ လေဖြတ်ခြင်းလိုနောက်ဆက်တွဲ ပြဿနာတွေခဏလေးနဲ့ခံစားရနိုင်ပါတယ်။ သွေးတွင်းအဆီဓာတ်တွေများနေရင်တော့ သွေးကြောထဲမှာအဆီတွေပိတ်လာပြီး နှလုံးသွေးကြောနဲ့ လေဖြတ် ရောဂါခံစားရဖို့များပါတယ်။

ကူးစက်ရောဂါများစစ်ဆေးခြင်း – အသည်းရောင်အသားဝါ ဘီပိုး၊ စီပိုး၊ HIV နဲ့ ကာလသားရောဂါပိုးစစ်ဆေးခြင်း တွေကို ကိုယ့်ရဲ့နေထိုင်မှုပုံစံနဲ့အလုပ်အကိုင်အပေါ်မူတည်ပြီးမကြာခဏစစ်ဆေးသင့်ပါတယ်။ တကယ်လို့ကိုယ်က ပျော်တတ်ပါးတတ်တယ် (ဒါမှမဟုတ်) လိင်တူချစ်သူတစ်ယောက်ဖြစ်နေခဲ့တယ်ဆိုရင် ကူးစက်ရောဂါရှိနေဖို့ပိုအခွင့် အလမ်းများပါတယ်။ အပေါ်ကကူးစက်ရောဂါ (၄) ခုစလုံးကို ထိန်းချုပ်နိုင်တဲ့ဆေးဝါးတွေပေါ်နေပြီဖြစ်တဲ့ အတွက်စောစောသိလေ ရောဂါကိုပိုကောင်းကောင်းထိန်းချုပ်နိုင်လေပါဘဲ။

အူမကြီးကင်ဆာစစ်ဆေးခြင်း – အရင်တုန်းက အသက်(၅၀) ကျော်မှဖြစ်ပွားနိုင်တယ်လို့ယူဆခဲ့ကြပေမဲ့ (၄၀) ကျော်လောက်နဲ့ အူမကြီးကင်ဆာဖြစ်ပွားသူတွေ တွေ့နေရပါပြီ။ လက်ရှိအချိန်မှာ ဒုတိယသေဆုံးမှုအများဆုံး ကင်ဆာရောဂါလည်းဖြစ်ပါတယ်။ ဒါပေမဲ့သူလည်း ကင်ဆာရောဂါဖြစ်လို့ အဆင့်နိမ့်ရင် ပိုပြီးကုသရလွယ်ကူပါ တယ်။ အူမကြီးကင်ဆာကို စစ်ဆေးဖို့အသုံးအများဆုံးနည်းကတော့ အူမကြီးမှန်ပြောင်းကြည့်စစ်ဆေးနည်းပါ။ အူမကြီးထဲမှာကင်ဆာဖြစ်ရင် တခြားအစိတ်အပိုင်းတွေကိုပါ ကင်ဆာဆဲလ်တွေပျံ့နှံ့သွားနိုင်တဲ့အတွက် စောစောရှာဖွေပြီးလိုအပ်တဲ့ကုသမှုလုပ်သင့်တဲ့ ရောဂါတစ်ခုလို့သတ်မှတ်ပါတယ်။

ဆီးကျိတ်ကင်ဆာစစ်ဆေးခြင်း – ယောကျ်ားတွေမှာအဖြစ်အများဆုံးကင်ဆာထဲမှာ ဆီးကျိတ်ကင်ဆာပါဝင်ပါတယ်။ လျင်လျင်မြန်မြန်ပျံ့နှံ့တဲ့ ဆီးကျိတ်ကင်ဆာအမျိုးအစားတွေရှိသလို ဖြေးဖြေးချင်းကြီးထွားလာတဲ့ ကင်ဆာကျိတ်တွေလည်းရှိပါတယ်။ ဘယ်လိုဘဲပြောပြော ဆီးကျိတ်ကင်ဆာကို ဘာလက္ခဏာမှမပြခင် စောစောတွေ့ပြီးကင်ဆာမှုခံယူလိုက်တာအကောင်းဆုံးဖြစ်ပါတယ်။

ဝှေးစေ့ကင်ဆာစစ်ဆေးခြင်း – အဖြစ်နည်းတဲ့ကင်ဆာရောဂါတစ်ခုဖြစ်ပေမဲ့ မိသားစုဝင်တစ်ယောက်ယောက်မှာ ရောဂါရာဇဝင်ရှိနေရင်တော့ စစ်ဆေးမှုခံယူသင့်ပါတယ်။

မျက်စိစစ်ဆေးခြင်း – အသက် (၄၀) ကျော်အမျိုးသားတိုင်း အနည်းဆုံးတစ်နှစ်ကိုတစ်ကြိမ် မျက်စိစစ်ဆေးမှု ခံယူသင့်ပါတယ်။ ဒီလိုစစ်ဆေးပေးခြင်းက အမြင် ဝေဝါးမှုတွေကိုရှာဖွေပေးနိုင်ရုံသာမက မျက်လုံးတိမ်စွဲခြင်းလို ပိုအန္တရာယ်များတဲ့ မျက်စိပြဿနာတွေကိုပါကုသဖို့ အထောက်အပံ့ ဖြစ်စေပါတယ်။

နှလုံးစစ်ဆေးခြင်း – ဒီစစ်ဆေးမှုကတော့ မိသားစုထဲမှာရောဂါရာဇဝင်ရှိသူတွေ ပိုပြုလုပ်သင့်ပါတယ်။ နှလုံး၊ သွေးတိုးနဲ့ ဆီးချိုရောဂါလို နာတာရှည်ရောဂါတချို့က မျိုးရိုးလိုက်ပြီးဖြစ်ပွားတတ်တဲ့အတွက် နှလုံးအထူးကု နဲ့ပြသပြီး လိုအပ်ရင် နှလုံးစက်ဆွဲခြင်း (ECG)၊ နှလုံးအက်ကိုးရိုက်ခြင်းတွေပြုလုပ်ပြီး စစ်ဆေးမှုခံယူသင့် ပါတယ်။ နှလုံးမှာပုံမှန်မဟုတ်တဲ့အခြေအနေတစ်ခုခုတွေ့ရှိခဲ့ရင် လိုအပ်တဲ့ကုသမှုတွေဆက်ပြီးလုပ်ဆောင် ဖို့ပါအကြံပေးချင်ပါတယ်။

Dr.Htoo Tint

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

သွေးတိုးရောဂါ မဖြစ် အောင် အသက် ၃၀ မတိုင်ခင်မှာ ဘယ်လိုနေထိုင်စားသောက်ရမလဲ

အသက် ၃၀ မတိုင်ခင်မှာ စနစ်ကျတဲ့နေထိုင်စားသောက်ပုံရှိခဲ့မယ်ဆိုရင် အသက်ကြီးလာချိန်မှာ သွေးတိုးရောဂါဖြစ်နိုင်ခြေကို သိသိသာသာလျှော့ချပေးနိုင်ပါတယ်တဲ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သွေးကြောမကြီး ဖောင်းတယ်ဆိုတာ အန္တရာယ်ရှိလား

သွေးကြောမကြီးဖောင်း သွေးတိုးရောဂါ ဆေးလိပ်ဖြတ် သွေးခဲပိတ် သွေးကြောပြဲ သွေးကြောပေါက် သွေးထွက်လွန် သွေးတွင်းကိုလက်စထရောများ Marfan syndrome Aortic aneurysm

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

သွေးကြောမကြီး ပြဲခဲ့ရင်

သွေးကြောမကြီး သွေးကြောမကြီးပြဲ နှလုံးရောဂါ နှလုံးရောဂါလက္ခဏာ ရင်ဘတ်အောင့် နှလုံးသွေးကြောပိတ် လေဖြတ် သွေးတိုးရောဂါ ကိုကင်းသုံး သွေးပေါင်ချိန်ထိန်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ယောဂလေ့ကျင့်ခန်းဆိုတာ ယောက်ျားတွေအတွက် မဟုတ်ဘူးတဲ့လား

ယောဂ လေ့ကျင့်ခန်း ယောက်ျား အမျိုးသား အကြောလျှော့ နှလုံး လိင်တံ ထောင်မတ် သွေးတိုး ကြွက်သား နာကျင်ကိုက်ခဲခြင်း စိတ်ဖိစီးမှု စိတ်အာရုံ လိင်စိတ် လိင်ဆက်ဆံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat

သင့်အတွက် ရွေးချယ်ထားသည်

မြန်မာနိုင်ငံမှာ မြင့်တက်လာနေတဲ့ ဆီးချိုခံစားရသူ အရေအတွက်

မြန်မာနိုင်ငံမှာ မြင့်တက်လာနေတဲ့ ဆီးချိုခံစားရသူ အရေအတွက်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 11, 2020 . 2 mins read

သုက်ထွက်မြန်တဲ့ အမျိုးသားများ ကုသမှုခံယူဖို့ လိုအပ်လာပြီဆိုရင်…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 28, 2020 . 3 mins read

အမျိုးသားများ ရင်သား နို့ထွက်နိုင်သလား…

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် အောက်တိုဘာ 26, 2020 . 2 mins read

ညအိပ်ညနေ လေဝင်လေထွက်ကောင်းအောင် ဘာဝတ်ကြမလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Myo Myat
ရေးသား ထုတ်ဝေခဲ့သည် စက်တင်ဘာ 30, 2020 . 2 mins read