အရေးကြီးတာကတော့ ကော်ဖီကြောင့် သံဓာတ်စုပ်ယူခြင်းအပေါ် ထိခိုက်မှုရှိမရှိဆိုတာဟာ သင်ဘယ်လောက် သောက်သုံးသလဲ၊ ဘယ်အချိန်သောက်သုံးသလဲဆိုတာပေါ် မူတည်ပါတယ်။ ဥပမာ အစာမစားခင် တစ်နာရီလောက်ကြိုပြီး သောက်သုံးခြင်းကြောင့် သံဓာတ်စုပ်ယူခြင်းအပေါ် မထိခိုက်နိုင်ပါဘူး။
သံဓာတ်စုပ်ယူခြင်းအပေါ် သက်ရောက်သော အခြားအရာများ
ကဖိန်းတစ်မျိုးတည်းကတော့ သံဓာတ်စုပ်ယူခြင်းကို သိပ်မထိခိုက်စေပါဘူး။ ကော်ဖီနဲ့ လက်ဖက်ရည်မှာပါဝင်တဲ့ အခြားဓာတ်ပစ္စည်းများဟာလည်း သံဓာတ်အပေါ် သက်ရောက်ပါတယ်။ ဥပမာအားဖြင့် ပေါ်လီဖီနောဆိုတဲ့ ဓာတ်ပစ္စည်းဟာ လက်ဖက်ရည်နဲ့ ကော်ဖီမှာပါဝင်ပြီး သံဓာတ်စုပ်ယူဖို့ အဓိကအဟန့်အတားဖြစ်စေတဲ့ ပစ္စည်းပဲ ဖြစ်ပါတယ်။
Chlorogenic acid ဟာ ပေါ်လီဖီနောတမျိုးဖြစ်ပြီး ကော်ဖီ၊ ကိုကိုးနဲ့ ဆေးဖက်ဝင်အပင်တချို့မှာ တွေ့ရပြီး သံဓာတ်စုပ်ယူမှုကို ကျဆင်းစေပါတယ်။ ဒါ့အပြင် ကော်ဖီနဲ့လက်ဖက်ရည်မှာ တန်နင်ဆိုတဲ့ ဓာတ်ပစ္စည်းပါဝင်ပြီး သူဟာလည်း သံဓာတ်စုပ်ယူမှုကို ကျစေပါတယ်။
သံဓာတ်စုပ်ယူမှုအပေါ် ထိခိုက်တယ်ဆိုရာမှာ သုံးစွဲတဲ့ပမာဏအပေါ် မူတည်ပါတယ်။ ပေါ်လီဖီနောများလေ သံဓာတ်အရနည်းလေဖြစ်ပါတယ်။ ဥပမာ ကော်ဖီ ဒါမှမဟုတ် လက်ဖက်ရည်တစ်ခွက်မှာ ပေါ်လီဖီနော ၂၀-၅၀ မီလီဂရမ်ပါဝင်ရင် သံဓာတ်စုပ်ယူမှုကို ၅၀-၇၀% ကျဆင်းစေပြီး ပေါ်လီဖီနော ၁၀၀-၄၀၀ မီလီဂရမ်ပါဝင်ရင်တော့ ၆၀-၉၀%ထိ သံဓာတ်စုပ်ယူမှု လျော့နည်းသွားစေပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။