သင်ဆေးလိပ်သောက်ရင် ပတ်ဝန်းကျင်ကလူတွေကိုပါ ထိခိုက်စေပါတယ်။ ဒါကို တဆင့်ခံဆေးလိပ်ငွေ့ ရှူရှိုက်ခြင်းလို့ ခေါ်ပါတယ်။ တဆင့်ခံရှူရှိုက်မိခြင်းကြောင့် လေဖြတ်နိုင်ခြေဟာ ဆေးလိပ်မသောက်သူတွေကြားမှာ ၂၀-၃၀% ရှိတယ်လို့ သုတေသနတခုမှာ ဆိုထားပါတယ်။
တဆင့်ခံ ဆေးလိပ်ငွေ့တွေကြောင့် နာတာရှည် အသက်ရှူလမ်းကြောင်းပြဿနာတွေ ဖြစ်နိုင်ပါတယ်။ အထူးသဖြင့် ကလေးတွေမှာ ဖြစ်ပါတယ်။ တခါမှ ဆေးလိပ်မသောက်ဖူးသူတွေကိုတောင် ကင်ဆာနဲ့ နှလုံးရောဂါတွေ ဖြစ်လာစေပါတယ်။ ကလေးနဲ့ဆယ်ကျော်သက်အရွယ်တွေဟာလည်း အရွယ်ရောက်ပြီးသူတွေလိုပဲ နှလုံးရောဂါဖြစ်လာနိုင်ခြေ မြင့်ပါတယ်။
အကြောင်းကတော့ အကျိုးပြုကိုလက်စထရောနည်းပါးပြီး သွေးပေါင်ချိန်တိုးကာ နှလုံးကိုထိခိုက်စေလို့ ဖြစ်ပါတယ်။ တဆင့်ခံဆေးလိပ်ငွေ့များဟာ အသက်ရှူလမ်းကြောင်းပြဿနာရှိပြီး လမစေ့ဘဲမွေးလာတဲ့ ကလေးတွေနဲ့ ပန်းနာရင်ကျပ်ရှိတဲ့ ကလေးတွေကို ပိုပြီး ဒုက္ခပေးတတ်ပါတယ်။
ဆေးလိပ်ဖြတ်ဖို့အတွက် စိတ်ခိုင်ဖို့ လိုပါတယ်။ ဆေးလိပ်သောက်သူအတော်များများဟာ အကြိမ်ပေါင်းများစွာ ဖြတ်ခဲ့ကြပေမယ့် မအောင်မြင်ဘဲ ပြန်သောက်ဖြစ်ကြပါတယ်။ အောက်ပါနည်းလမ်းတွေ ကျင့်သုံးသင့်ပါတယ်။
• ရက်တရက်သတ်မှတ်ပါ။ အဓိပ္ပာယ်ရှိတဲ့ ရက်တရက်ရက် ဥပမာ မွေးနေ့၊ အထိမ်းအမှတ်ရက် စသဖြင့်ဖြစ်ရင် ပိုကောင်းပါတယ်။
• အိမ်တွင်း၊ ကားတွင်း၊ အလုပ်စားပွဲပေါ် စတဲ့နေရာတွေမှာ ဆေးလိပ်နဲ့ ပတ်သက်တဲ့အရာတွေကို ရှင်းထုတ်ထားပါ။ မီးခြစ်နဲ့ ဆေးလိပ်ပြာခွက်ကအစ မထားပါနဲ့။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။