ဓါတ်မတည့်မှုဖြစ်ခြင်း အတွက် ရှေးဦးသူနာပြုစုမှုများ

သင့်ခန္ဓါကိုယ်ထဲရှိ ကိုယ်ခံအားစနစ်သည် သင့်ကိုနေမကောင်းဖြစ်စေမည့် ပြင်ပမှရောဂါပိုးများကို တိုက်ခိုက်နိုင်စွမ်းရှိသည်။ တခါတရံတွင် သင့် ကိုယ်ခံအားစနစ်သည် သင့်အပေါ်သက်ရောက်လာသော အရာများကို တုန့်ပြန်မှုလွန်ကဲရာမှ ဓါတ်မတည့်မှုဖြစ်လာရခြင်းဖြစ်သည်။

သင်သည် အစားအစာ၊ ဆေးဝါးနှင့် ပတ်ဝန်းကျင် စသည်တို့နှင့် ဓါတ်မတည့်မှုများခံစားရနိုင်ပါသည်။

ဘယ်အချိန်မှာ ရှေးဦးပြုစုမှုကို လိုအပ်သလဲ။

ဓါတ်မတည့်မှုကို ပြင်းထန်စွာခံစားနေရသော လူနာများနှင့် အောက်ပါလက္ခဏာများရှိလျှင်ရှေးဦးပြုစုရန် လိုအပ်သည်။

• အသက်ရှုကျပ်လာခြင်း နှင့် တရွှီရွှီမြည်နေခြင်း
• အသံသြလာခြင်း၊ စကားပြောရခက်ခြင်း
• လည်ချောင်းထဲတွင် ကျပ်ပြီး အသက်ရှုမဝတော့ခြင်း
• နှုတ်ခမ်း၊ လျှာနှင့် လည်ချောင်းများ ဖောင်းရောင်လာခြင်း
• နှလုံးခုန်၊ သွေးခုန်မြန်လာခြင်း
• ပျို့ခြင်း၊ ဗိုက်အောင့်ခြင်း၊ အန်ခြင်း
• သတိလစ်သွားခြင်း
• စိုးရိမ်စိတ်များခြင်း၊ ခေါင်းမူးခြင်း
• သွေးလန့်ပြီး သွေးပေါင်ရုတ်တရက်ကျခြင်း

ပြင်းဓါတ်စွာဓါတ်မတည့်ခြင်းကြောင့် အထက်ပါလက္ခဏာများ ခံစားရပါက Epinephrine ဆေး၂ လုံးကိုထိုးရန် ဆောင်ထားသင့်သည်။

ပြင်းထန်စွာ ဓါတ်မတည့်ခြင်းနှင့်ပက်သက်ပြီး သိထားသင့်သော အရာများ

ပြင်းဓါတ်စွာဓါတ်မတည့်ခြင်းကြောင့် သွေးလန့်ပြီး သွေးပေါင်ရုတ်တရက်ကျခြင်း ဓါတ်မတည့်မှုဖြစ်ပြီး မိနစ်ပိုင်းအတွင်းဖြစ်ပြီး သတိလစ်ခြင်း၊ နှလုံးရပ်ခြင်း နှင့် အသက်ရှုရပ်သွားခြင်းတို့ဖြစ်တတ်သည်။

အောက်ပါလက္ခဏာများသည် သွေးလန့်ပြီး သွေးပေါင်ရုတ်တရက်ကျခြင်း၏ လက္ခဏာများဖြစ်သည်။

• အရေပြားယားယံလာပြီး အက်ပြင်များထခြင်း၊ ရုတ်တရက် ဖြူဖတ်ဖြူရော်ဖြစ်သွားခြင်း
• မူးမိုက်သွားခြင်း
• မျက်နှာရုတ်တရက် ရောင်လာခြင်း
• အသက်ရှုကျပ်ပြီး ရှုသံများကျယ်လာခြင်း
• ပျို့အန်ခြင်း
• နှလုံးခုန်မြန်လာခြင်း၊ သွေးခုန်နှုန်းစမ်းမရတော့ခြင်း

လူတယောက်သည် သင့်ရှေ့တွင် ပြင်းထန်စွာ ဓါတ်မတည့်ခြင်းခံစားနေရလျှင် ဘယ်လိုလုပ်ရမလဲ။

• အရေးပေါ်ဌာနသို့ ချက်ချင်းဖုန်းခေါ်ဆိုပါ။
• လက္ခဏာများစပေါ်နေပြီဆိုလျှင် Epinephrine ထိုးပါ။ ဆေးထိုးခြင်းသည် သင့်အတွက် အကျိုးမယုတ်စေပါ။ သင့်ဆရာဝန်နှင့် ဓါတ်မတည့်မှုအကြောင်းကို တိုင်ပင်ပြီးဖြစ်ပါက ဆရာဝန်ညွှန်ကြားချက်များနှင့် အရေးပေါ်လုပ်ဆောင်မှုများကို လိုက်နာပြီး ဆေးထိုးပါ။
• လူနာကို စိတ်အေးအေးထားရန် ပြောပါ။
• လူနာကို လဲလျောင်းစေပါ။
• ခြေထောက်ကို ရေပြင်ညီနှင့်အထက် ၁၂ လက်မမြှောက်ထားပါ။
• အကယ်၍ အန်နေလျှင်၊ သွေးထွက်နေလျှင် ဘေးဘက်သို့စောင်းထားပါ။
• အသက်ရှုမကျပ်စေရန် အင်္ကျ ီကို ချောင်အောင်ပြုလုပ်ပါ။

Epinephrine ဆေးကို မြန်မြန်ထိုးနိုင်လေလေ လူနာမြန်မြန် သက်သာလေလေဖြစ်ပါသည်။ လူနာအသက်ရှုကျပ်နေသော အချိန်များတွင် ဆေးသောက်ခြင်း၊ အရည်သောက်ခြင်းနှင့် ခေါင်းမော့ခြင်းများကို မပြုလုပ်ပါနှင့်။

အသက်ရှုစေရန်အရေးပေါ်လုပ်ဆောင်ခြင်း

အကယ်၍ လူနာသည် အသက်မရှု၊ ချောင်းမဆိုးတော့လျှင် ၊ လှုပ်ရှားမှုမရှိတော့လျှင် အရေးပေး အသက်ကယ်ခြင်းကို လုပ်ဆောင်ရမည်ဖြစ်သည်။ အရေးပေါ်အသက်ကယ်ခြင်းနည်းလမ်းများ သည် လေ့ကျင့်သင်ကြားမှုများရှိမှသာ လုပ်နိုင်သည်။

လူနာ၏ ရင်ဘတ်ကို ၁ မိနစ်လျှင် အခါ၁၀၀ အကူအညီပေးမည့်သူလာသည်အထိ ဖိနှိပ်ရမည်။ သင်နှင့် အတူ သင့်မိသားစုဝင်များလည်း အရေးပေါ်အသက်ကယ်ခြင်းနည်းလမ်းများကို သင်ပေးသော အတန်းများတွင် လေ့လာထားသင့်သည်။

သင်သည် ဓါတ်မတည့်မှုဖြစ်စေသော အရာများကို သိထားပြီးရှောင်ကျဉ်နိုင်လေလေ ဓါတ်မတည့်မှုများလျော့နည်းလေလေဖြစ်သည်။ သင့် လုပ်ဖော်ကိုင်ဖက်များနှင့် သူငယ်ချင်းများကို Epinephrine ထိုးဆေးသိမ်းထားသောနေရာကို ပြောပြထားသင့်သည်။

ထို့ပြင် သူတို့ကို အထက်ဖော်ပြပါ ရှေးဦးပြုစုနည်းများကို သင်ပေးထားခြင်းဖြင့် သင့်အသက်ကို ကယ်တင်နိုင်ပါလိမ့်မည်။

[embed-health-tool-bmi]