အကြိတ်လွန်သွားတဲ့ အစားတလိုင်းတို့အတွက် အကျိုးပြုမယ့်အစားအစာများ

အစားများခြင်းက နှလုံးရောဂါ ဖြစ်နိုင်ခြေကို တိုးစေတဲ့အတွက် အခွံမာသီး နဲ့ အစေ့အဆန်လေး နည်းနည်းတော့ စားပေးသင့်ပါတယ်။ ဗာဒံစေ့၊ သစ်ကြားသီး၊ မြေပဲနဲ့ တခြား အစေ့အဆန်တွေက အကျိုးပြုအဆီဓါတ် (omega-3 fatty acids)၊ မပြည့်ဝဆီတွေ နဲ့ ဗီတာမင် E တို့ကြွယ်ဝတဲ့အတွက် သွေးတွင်းကိုလက်စထရောကို ကျစေပြီး သွေးကြောတွေကို ကာကွယ်ပေးနိုင်ပါတယ်။

အစား များများ စားပြီးတဲ့အခါ ခန္ဓါကိုယ်မှာ လုပ်ဆောင်စရာတွေ များပါတယ်။ ဟင်းနုနွယ်မှာ အဆီတွေ ချေဖျက်တဲ့ ကိုယ်တွင်း ဇီဝဖြစ်စဉ်ကို မြန်စေနိုင်တဲ့ ဗီတာမင်B2 ကြွယ်ဝပါတယ်။ ဗီတာမင် B တွေက ရောဂါတွေကို တိုက်ဖျက်ရာမှာ အကူအညီပေးနိုင်ပါတယ်။ ဒီအရွက်ကို အပူပေးရုံ ပေးပြီး စားပေးတာ အကောင်းဆုံးပါ။ ကြာကြာပြုတ်ရင်တော့ ဗီတာမင်နဲ့ သတ္တုဓါတ်တွေ ပါသွားနိုင်ပါတယ်။ ဥပမာ ဟော့ပေါ့ စားတယ် ဆိုရင် နောက်ဆုံး ပြီးခါနီးကျ အရွက်ကို ဖျောပြီး စားလိုက်ပါ။

ဗီတာမင် C ကြွယ်ဝပြီး အရသာ ရှိတယ်၊ အအီပြေစေတဲ့ လိမ္မော်သီးလေးက ကိုယ်တွင်း ဇီဝဖြစ်စဉ်ကို မြန်ဆန်စေပြီး အဆီတွေကို ပိုပြီးချေဖျက်စေနိုင်ပါတယ်။ ဒါ့အပြင် ကိုယ်ခံအားလည်း ကောင်းစေတယ်။ လိမ္မော်သီး နဲ့ အချိုတည်း ဒါမှမဟုတ် လိမ္မော်ရည်လေး သောက်ပါ။ (အချိုများတဲ့ ပုလင်း အချိုရည်တွေထက် အသီး ဖျော်ရည်က ပိုကောင်းပါတယ်)