အခြေခံလိုအပ်သောအာဟာရအားလုံးပါဝင်စေမည့် ကျန်းမာသောစားသောက်မှုပုံစံ

    အခြေခံလိုအပ်သောအာဟာရအားလုံးပါဝင်စေမည့် ကျန်းမာသောစားသောက်မှုပုံစံ

    -အစားအစာများ သည် သင်၏စိတ်ရောကိုယ်ပါကျန်းမာ ဖို့ အတွက် အာဟာရမျိုးစုံကို ထောက်ပံ့ပေးသည်။ အမျိုးစုံလင်လှသော အစားအသောက်များကို သင့်တော်သော အချိုးအစား နှင့် ပေါင်းစပ်စားသုံးခြင်းသည် သင့်ကျန်းမာရေးကို မြှင့်တင်ပြီး ရောဂါများကို ကာကွယ်နိုင်ဖို့ အတွက် အရေးကြီးသော ကဏ္ဍမှ ပါဝင်နေသည်။

    ကျန်းမာရေးနှင့်ညီညွတ်သောစားသောက်မှုပုံစံ

    ကျန်းမာရေးနှင့်ညီညွတ်အောင်မည်သို့စားမည်နည်း။ အာဟာရဓါတ်အမယ်စုံကို အချိုးအစားမျှတစွာ စားသုံးတတ်ရပါမည်။ အစားအသောက် တစ်ခုချင်းစီတွင် အကျိုးအာနိသင်အသီးသီးရှိကြသည့် အတွက် အမယ်စုံအောင် စားမှသာလျှင် ခန္ဓါကိုယ်အတွက်လိုအပ်သော အာဟာရကိုရရှိနိုင်မည်။ ထို့ပြင် အာဟာရဓါတ်များစုံလင်အောင် စားသုံးပေးခြင်းဖြင့် အရသာနှင့်ပြည့်စုံစေပြီး ငြီးငွေ့ခြင်းမရှိဘဲ အမြဲတမ်းခံတွင်းကောင်းနေမည်ဖြစ်သည်။

    ပါဝင်သင့်သောအစာအုပ်စုကြီး (၅)မျိုး

    (၁)ဟင်းသီးဟင်းရွက်နှင့်ပဲအမျိုးမျိုး

    အရန်ဟင်းအနေဖြင့် မုန်လာဥနီကြော် ၊ တရုတ်နံနံစသည်တို့ကိုအသုံးပြုနိုင်သည်။ နေ့လည်စာနှင့်ညစာတွင် အသီးအရွက်ကြော်၊ အရွက်သုပ် ၊ အစိမ်းကြော် ၊ ဟင်းရွက်ဟင်းချို စသည်တို့ကိုစားပေးနိုင်သည်။ ဟင်းသီးဟင်းရွက်များသည် အာဟာရဓါတ်ပြည့်ဝ၍ ကျန်းမာရေးနှင့် ညီညွတ်သည့်အတွက် လူတိုင်းစားပေးသင့်ပါသည်။

    (၂)အသီးအနှံများ

    အသီးအနှံများကို အဆာပြေသာမက အစားအသောက်များနဲ့ပါ တွဲဖက်စားသုံးနိုင်သည်။ နံနက်စာ ကွေကာအုပ် နဲ့ ငှက်ပျောသီး ၊ နံနက်ခင်း လက်ဖက်ရည် အတွက်ပန်းသီး၊ ဒိန်ချဉ် ထဲမှာ ဘယ်ရီသီး ထည့်စားခြင်း စသည်ဖြင့် သင် စားဖူးပါသလား။ မစားဖူးရင် ယခုပဲ စမ်းစားကြည့်ပါ။

    (၃)အသား၊ ငါး ၊ ကြက်ဥ ၊ တို့ဖူး

    အထက်ဖော်ပြပါ အစားအစာများမှာ ပရိုတိန်းဟုခေါ်သော အသားဓါတ်ကြွယ်ဝသည့်အတွက် မဖြစ်မနေစားပေးသင့်ပါသည်။ ပဲအမျိုးမျိုး ကို အဓိက အစာထဲမှာ ထည့်ချက်ပြီး မြေပဲ လက်တစ်ဆုပ်ကို သားရေစာ အဖြစ်စားခြင်းဖြင့် ပရိုတိန်းဓါတ် အစုံရရှိစေပါသည်။

    (၄)အစေ့အဆန်များ (ဆန်၊ပြောင်း၊ဂျုံ အစရှိသည့်)

    ထမင်း၊ ပါစတာ ၊ ခေါက်ဆွဲစသည်တို့ သည် ဆန်၊ပြောင်း၊ဂျုံ စသည့် အစေ့အဆန်မှရသော အစာများဖြစ်သည်။ သူတို့သည် ခန္ဓါကိုယ်အတွက်လိုအပ်သော စွမ်းအင်ကို အဓိကပေးသည်။ အစေ့အဆန်မှ ရရှိသော အစားအစာများ (ဥပမာ – ထမင်း )သည် အခြားအသား ၊ ငါး ၊ အသီးအရွက်တို့နှင့်စားသုံးပါက တစ်နပ်ကောင်းစွာ ရရှိပါသည်။ ဆန်လုံးညို ၊ ပေါင်မုန့်ကြမ်း၊ အမျှင်ဓါတ် ကြွယ်ဝသော ပေါင်မုန့် ဖြူ စသည်တို့ကိုလည်းစားပေးပါ။ ထိုအစားအစာများသည် အမျှင်ဓါတ် ၊ ဗီတာမင်နှင့် သတ္ထုဓါတ်များပါ ကြွယ်ဝသည်ကိုတွေ့ရသည်။

    (၅)နို့ ၊ ဒိန်ချဉ် ၊ ဒိန်ခဲနှင့် အဆီလျှော့ထားသောနို့ထွက်ပစ္စည်းများ

    သင်၏မနက်စာတွင် နို့တစ်ခွက် ၊ ဒိန်ခဲညှပ်ပေါင်မုန့် စသည်တို့ကိုထည့်စားပေးပါ။ ဟင်းသီးဟင်းရွက်ကြော် ၊ အသုပ်များထဲတွင်လည်းဒိန်ခဲကိုအသုံးပြုနိုင်သည်။

    ရှောင်ရှားသင့်သော (သို့မဟုတ်) ရံဖန်ရံခါသာစားသင့်သောအစားအစာများ

    ပြည့်ဝဆီ ၊ ဖြည့်စွက်သကြားပါသောအစားအစာများနှင့် ငန်သောအစားအစာများ ၊ အရက်နှင့် အာဟာရဓါတ်နည်းပါးသော အစားအစာများကိုရှောင်ကြဉ်သင့်သည်။ တစ်ခါတစ်ရံအနည်းငယ် စားနိုင်သော်လည်း ပင်မအစားအစာအဖြစ် မစားသင့်ပါ။ ဥပမာ-

    • ချိုလွန်းသောဘီစကစ်မုန့် ၊ ကိတ်မုန့် ၊ အချိုမုန့်များ
    • ကြက်ကြော် ၊ ဘာဂါ စသောအမြန်စား အစားအစာများ
    • အချိုဓါတ်ဖြည့်ထားသောနွားနို့
    • ရေခဲမုန့်
    • အာလူးကြော်နှင့် ဆီကြော်မုန့်များ
    • ခရင်မ် နှင့် ထောပတ်
    • အချိုရည်များနှင့် အရက်တို့ဖြစ်ကြသည်။

    Hello Health Group သည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    Food variety and a healthy diet. https://www.betterhealth.vic.gov.au/health/healthyliving/food-variety- and-a-healthy-diet Accessed November 12, 2016

    စာရေးသူ ဓာတ်ပုံ
    Dr. Ye Pyae Hein မှ ရေးသားသည်။ 21/06/2022 တွင် ပြန်လည်ပြင်ဆင်ခဲ့သည်။
    Dr. K Zin Thwe မှ ကျွမ်းကျင်စွာ စစ်ဆေးထားပါသည်။