backup og meta

သက်ကြီးရွယ်အိုများအတွက် မှတ်ဉာဏ်ကောင်းစေသော အစားအသောက်များ

ကိုယ်ခန္ဓါကို အာဟာရပေးခြင်း၊ အနားယူခြင်း၊ လေ့ကျင့်ခန်းပုံမှန်လုပ်ခြင်းတွေကို ညီမျှစွာပြုလုပ်ရင် အသက်ကြီးသူတွေရဲ့ ကိုယ်ခန္ဓါနဲ့ ဦးနှောက်ကို သန်မာစေပါတယ်။ အသက်ကြီးသူတွေမှာ အာဟာရလုံလောက်တဲ့ အစားအသောက်တွေစားသုံးခြင်းဟာ အလွန်အရေးကြီးပါတယ်။ ဒါကြောင့် အစားအသောက်စားစဉ်မှာ အသက်ကြီးတဲ့ ဦးနှောက်အတွက် ကောင်းမွန်တဲ့ အစားအသောက်တွေကို ရွေးချယ်စားသောက်ဖို့ အရေးကြီးပါတယ်။

ငါး

ဆယ်မွန်ငါးနဲ့ ဆာဒင်းငါး အစရှိတဲ့ ငါးတွေမှာ ကိုယ်ခန္ဓါနဲ့ ဦးနှောက်အတွက် ကောင်းမွန်နဲ့ omega 3 ပါဝင်ပါတယ်။ Omega 3 ဟာ ဦးနှောက်ဆဲလ်တွေအတွက် ကောင်းမွန်တဲ့ အဆီကိုပေးပြီး သူတို့ကို ဦးနှောက်အတွင်းပိုမိုလွယ်ကူစွာ ဝင်ရောက်စေပါတယ်။ ဦးနှောက်ကို အောက်စီဂျင်ပိုပေးတာမို့ အချက်အလက်အဟောင်းတွေကို ထိန်းသိမ်းပေးပြီး အချက်အလက် အသစ်တွေကို ပိုမိုလွယ်ကူစွာ ရရှိစေနိုင်ပါတယ်။ ဒါကြောင့် အသက်ကြီးသူတွေမှာ ဖြစ်တဲ့ Alzheimer’s ရောဂါ ဖြစ်ပွားနှုန်း သိသာစွာ ကျဆင်းစေနိုင်ပါတယ်။

ဟင်းသီးဟင်းရွက်အစိမ်း

ဟင်းသီးဟင်းရွက်အစိမ်းတွေဖြစ်တဲ့ ဂေါ်ဖီထုပ်၊ ကိုက်လန်၊ ဟင်းနုနွယ်အစရှိတာတွေဟာ ဗီတာမင် B6, b12 နဲ့ folate တွေပါဝင်ပြီး သတိမေ့ခြင်းရဲ့ အဓိကအကြောင်းရင်းဖြစ်တဲ့ homocysteine (ဟိုမိုဆစ်စတင်း) ပမာဏ ဖြိုဖျက်ခြင်းအတွက် အရေးကြီးတဲ့နေရာကနေ ပါဝင်ပါတယ်။

ချောကလက်

သိပ္ပံပညာရှင်တွေက cocoa မှာပါတဲ့ ဓါတ်တိုးဆန့်ကျင် ဂုဏ်သတ္တိရှိတဲ့ ပစ္စည်း (flavonols) တွေဟာ ဦးနှောက် သွေးစီးဆင်းမှုကို တိုးမြှင့်ပေးနိုင်ပါတယ်။

လက်ဖက်

လတ်ဆတ်တဲ့ လက်ဖက်စိမ်းဟာ စိတ်ဂယောင်ခြောက်ခြား ဖြစ်ခြင်းကို ပျောက်ကင်းစေပြီး ကောင်းကောင်း အလုပ်လုပ်စေပါတယ်။ သူဟာ ဦးနှောက်ကို အလုပ်ကောင်းကောင်းလုပ်စေရုံသာမ့ စိတ်ပိုင်းဆိုင်ရာ ပင်ပန်းခြင်းကိုလည်း သက်သာစေပါတယ်။

အသီး

Antioxidants ကြွယ်ဝစွာ ပါဝင်တဲ့ အသီးတွေဖြစ်တဲ့ ငှက်ပျောသီး၊ ပန်းသီး၊ ထောပတ်သီးအစရှိတာတွေမှာ ဦးနှောက်ကို ရေရှည်မှတ်ဉာဏ်ကောင်းမွန်စေတဲ့ အာဟာရဓါတ်တွေပါဝင်ပါတယ်။ ဒါ့ပြင် အသက်ကြီးသူတွေမှာ မှတ်ဉာဏ်ကောင်းမွန်စေပြီး အရင်က ဖြစ်ရပ်တွေကို လွယ်ကူစွာ ပြန်သတိရနိုင်စေတဲ့ fisetin နဲ့ flavonoid ပါဝင်တဲ့ ဘယ်ရီသီးတွေကို စားသင့်ပါတယ်။

ဟင်း

ဟင်းချက်မှုန့်ရဲ့ အဓိကပါဝင်ပစ္စည်းဖြစ်တဲ့ curcumin မှာ အသက်ကြီးခြင်းကို တိုက်ခိုက်ပြီး မှတ်ဉာဏ်ကောင်းမွန်စေတဲ့ anti-oxidants တွပါဝင်ပါတယ်။ ဟင်းဟာ ဦးနှောက်အတွက်သာမက အသက်ကြီးသူတွေမှာ အဖြစ်များတဲ့ ဆီးချိုနဲ့ နှလုံးရောဂါတွေကိုလည်း တိုက်ခိုက်နိုင်ပါတယ်။

Cereals

ဆန်ကြမ်း၊ oatmeal၊ ပေါင်မုန့်ကြမ်း၊ ဂျုံ၊ folate များစွာပါဝင်တဲ့ barley (ဘာလီ) အစရှိတဲ့ cereals တွေဟာ ဦးနှောက်ကို သွေးစီးဆင်းခြင်းကို တိုးမြှင့်ပေးနိုင်ပါတယ်။ ဒီ whole-grain အစာတွေမှာ vitamin B6, thiamine များစွာ ပါဝင်ပါတယ်။ Thiamine ဟာ မှတ်ဉာဏ်ကောင်းမွန်ချင်သူတွေအတွက် အလွန်သင့်လျော်ပါတယ်။

ရွှေဖရုံသီး

အသီးအရွက် အများအပြားထဲမှာ ရွှေဖရုံသီးဟာ အသက်ကြီးသူတွေအတွက် အလွန်ကောင်းမွန်ပြီး ဦးနှောက်ဖွံ့ဖြိုးတိုးတက်စေပါတယ်။ ရွှေဖရုံသီးမှာ gluatamic acid ပါဝင်ပြီး သူဟာ ဦးနှောက်အတွက် လိုအပ်တဲ့ ဓါတ်တစ်မျိုး ဖြစ်ပါတယ်။ သူဟာ အာရုံကြော အားဖြည့်ပေးပြီး ဦးနှောက်နဲ့ ဦးနှောက်ဆဲလ်တွေထဲမှာ ဓါတုဇီဝ ဖြစ်စဉ်တွေကို မြန်ဆန်စေပါတယ်။

နွားနို့

နွားနို့ဟာ အသက်ကြီးသူတွေအတွက် အဖိုးအတန်ဆုံး အစားအစာ တစ်ခု ဖြစ်ပါတယ်။ နွားနို့မှာ ဦးနှောက်အတွက် ကယ်စီယမ်နဲ့ အခြားလိုအပ်တဲ့ အရာတွေပါဝင်ပါတယ်။ အထူးသဖြင့် နေ့စဉ် နွားနို့သောက်ခြင်းဟာ ကယ်စီယမ်ဓါတ်ကို ဖြည့်ဆည်းပေးပါတယ်။ အလုပ်ကြောင့် ဖိအားများပြီး အိပ်မပျော်ရင်လည်း ညအချိန် နွားနို့ နွေးနွေး တစ်ခွက်ကိုသောက်ခြင်းဟာ နှစ်ခြိုက်စွာ အိပ်ပျော်စေပါတယ်။

အခွံမာသီး

အခွံမာသီးတွေဖြစ်တဲ့ peanuts, corn, millet, almonds တွေဟာ ဦးနှောက်အတွက် ကောင်းမွန်ပါတယ်။ Peanuts မှာ lecithin နဲ့ cephalin ပါဝင်ပါတယ်။ Peanut စားခြင်းဟာ သွေးလှည့်ပတ်မှုကို တိုးတက်စေပြီး မှတ်ဉာဏ်ကောင်းမွန်စေကာ အသက်ကြီးရင့်မှုကို တားမြစ်ပေးတယ်လို့ သက်သေပြထားကြပါတယ်။

အစားအသောက်ဟာ အထူးသဖြင့် အသက်ကြီးသူတွေမှာ မှတ်ဉာဏ်ကို တိုးတက်စေဖို့ အလွန်အရေးကြီးတဲ့ အရာ ဖြစ်ပါတယ်။ ကျန်းမာရေးနဲ့ ညီညွတ်စွာ စားသုံးခြင်း အပြင် အသက်ကြီးသူတွေမှာ ဦးနှောက်ကောင်းစေဖို့ စိတ်ပိုင်းဆိုင်ရာ၊ ကိုယ်ခန္ဓါပိုင်းဆိုင်ရာ လေ့ကျင့်ခန်းတွေကိုပါ ပြုလုပ်သင့်ပါတယ်။

[embed-health-tool-bmi]

မသက်ဆိုင်ကြောင်း ရှင်းလင်းချက်

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Best Memory Boosting Foods for Seniors, http://www.aplaceformom.com/blog/2013-01-3-memory-boosting-foods/, Accessed November 2nd, 2016.
9 Brain Boosters to Prevent Memory Loss, http://www.webmd.com/healthy-aging/features/9-brain-boosters-to-prevent-memory-loss, Accessed November 2nd, 2016.

ယခုပုံစံ

06/05/2022

Dr . Phyu Mon Latt မှ ရေးသားသည်။

Dr. Htet Htet Zaw Win မှ ပြင်ဆင်ခဲ့ပါသည်။


ဆက်စပ် အကြောင်းအရာများ

မျက်စိမကောင်းတဲ့ သက်ကြီးရွယ်အိုတွေကို ဘယ်လိုကူညီကြမလဲ

သက်ကြီးရွယ်အိုတွေမှာ ကြုံတွေ့ရတတ်တဲ့ အာဟာရပြဿနာများ နဲ့ သတိထားဆင်ခြင်ရမယ့်နည်းလမ်းများ


Hello Sayarwon Panel မှ အချက်အလက်များ စစ်ဆေးထားပါသည်။ Dr . Phyu Mon Latt မှ ရေးသားသည်။ နောက်ဆုံးအသစ်ပြင်ဆင်သည့်ရက်စွဲမှာ 06/05/2022 ဖြစ်ပါသည်။

ad iconadvertisement

ဤဆောင်းပါးက အကူအညီဖြစ်ပါသလား။

ad iconadvertisement
ad iconadvertisement